កម្លាំសសមត្ថកិច្ចជម្រុះនៃមន្ទីរការិយាល័យប្រឆាំងបទល្មើសគ្រឿងញៀនក្រុងដែលដឹកនាំកម្លាំងផ្ទាល់ពីសំណាក់ព្រះរាជអាជ្ញារងអមសាលាដំបូងរាជធានីភ្នំពេញគឹមឆេងបុនសហការជាមួយសមត្ថកិច្ចនគរបាលខណ្ឌមានជ័យដែលដឹកនាំនិងបញ្ជារកម្លាំល់ផ្ទាល់ពីសំណាក់លោកជឹមស៊ីថាអធិការស្តីទីនគរបាលខណ្ឌមានជ័យបានចុះឆែកឆេរទីតាំងចំនួន២ផ្សេងគ្នារកឃើញថ្នាំញៀនប្រភេទក្រាសថ្លាចំនួន២៥ក្រាមស្មើនឹង៣កញ្ជប់ធំនិងឃាត់ខ្លូនបុរសពីរនាក់ព័ន្ធនឹងករណីជួញដូរនិងចែកចាយ។
ជនសង្ស័យដែលត្រូវបានសមត្ថកិច្ចឃាត់ខ្លនខាងលើទី១មានឈ្មោះមុតវណ្ណនីភេទប្រុសអាយុ២៨ឆ្នាំមានទីលំនៅផ្ទះគ្មានលេខស្ថិតតាមបណ្តោយផ្លូវបេតុងមួយកន្លែងក្នុងភូមិសន្សំកុសលទី២ខណ្ឌមានជ័យនិងម្នាក់ទៀតសមត្ថកិច្ចនៅមិនទាន់អាចបញ្ជាក់បាននៅឡើយទេដែលត្រូវបានចាប់ខ្លួននៅចំណុចភូមិព្រែកទាល់ខណ្ឌមានជ័យដដែល។
សមត្ថកិច្ចបានអោយដឹងថានៅមុនពេលឈានទៅដល់ការចុះឆែកឆេរចាប់ខ្លួនជនសង្ស័យទាំងពីរនាក់ខាងលើគឺដំបូងឡើយសមត្ថកិច្ចបានបើកការស្រាវជ្រាវយ៉ាងសស្រាក់ស្រាំងរហូតទទួលដំណឹងបានក៏ធ្វើការចុះឆែកឆេរផ្ទះជួលគ្មានលេខមួយកន្លែងដែលមានទីតាំងស្ថិតក្នុងភូមិព្រែកទាល់ខណ្ឌមានជ័យឃាត់ខ្លួនបុរសម្នាក់បានភ្លាមៗរកឃើញថ្នាំញៀនប្រភេទក្រាមសថ្លាមួយចំនួននិងកាំភ្លើងខ្លី២ដើម។ហើយក៏ធ្វើការឃាត់ខ្លួនយកមកសួរនាំក៏
បែកធ្លាយរហូតឈានដល់ការចុះឆែកឆេរផ្ទះគ្មានលេខមួយកន្លែងផ្សេងទៀតស្ថិតក្នុងភូមិសន្សំ២ឃាត់ខ្លួនបុរសម្នាក់រួមជាមួយនឹងថ្នាញៀនប្រភេទក្រាមសថ្លា២កញ្ជប់ធំនិងដកហូតកាំភ្លើងខ្លីមួយដើមរួមជាមួយនឹងម៉ូតូពីរគ្រឿងមួយគ្រឿងម៉ាកឃ្លីកពណ៌ឈាមជ្រូកលាយខ្មៅពាក់ស្លាកលេខខេមរភូមិន្ទ1-2227 និងមួយគ្រឿងទៀតម៉ាកXR ពណ៌ខ្មៅពាក់ស្លាកលេខ1-3334 ។
ក្នុងប្រតិបត្តិការទាំងពីរលើកនេះដែរសមត្ថកិច្ចបានដកហូតបានថ្នាំញៀនប្រភេទក្រាមសថ្លា៣កញ្ចប់ធំស្មើរនឹង២៥ក្រាមកាំភ្លើងខ្លី៣ដើមម៉ូតូពីរគ្រឿងនិងវត្ថុតាងវេចខ្ជប់គ្រឿងញៀនមួយចំនួនផ្សេងទៀត។ បច្ចុប្បន្នជនសង្ស័យនិងវត្ថុតាងមួយចំនួនត្រូវបានសមត្ថកិច្ចបញ្ចូនទៅកាន់មន្ទីរការិយាល័យប្រឆាំងបទល្មើសគ្រឿងញៀនដើម្បីធ្វើការសាកសួរនាំបន្តនិងកសាងសំណុំរឿងបញ្ចូនទៅតុលាការចាត់ការតាមនីតិវិធីច្បាប់៕
