បន្ទាយមានជ័យះ ដើម្បីអោយដំណើរការអនុវត្តច្បាប់លើការសាងសង់សំណង់គ្រប់ប្រភេទស្របទៅតាមនីតិវិធីអាជ្ញាធរនិងមន្ទីរសុរិយោដីប្រជុំផ្សព្វផ្សាយខ្លឹមសាររួមស្តីពីការទប់ស្កាត់ការសាងសង់គ្មានលិខិតអនុញ្ញាតិឬការសាងសង់ខុសពីលិខិតអនុញ្ញាតិរវាងក្រសួងមហាផ្ទៃនិងក្រសួងរៀបចំ
ដែនដីនងនីតិវិធីនៃការត្រួតពិនិត្យសំណុំឯកសារស្នើរសុំលិខិតអនុញ្ញាតិសាងសង់។កិច្ចប្រជុំផ្សព្វផ្សាយនេះធ្វើឡើងនៅសាលាក្រុងប៉ោយប៉ែតក្រោមការចូលរួមពី៊លោកភឿងសុភណ័ រដ្ឋលេខាធិការក្រសួងរៀបចំដែនដីនិងលោក ចុង ផែត អភិបាលរងខេត្តបន្ទាយមានជ័យ។
យោងតាមរបាយការណ៍របស់លោក លី សារី ប្រធានមន្ទីររៀបចំដែនដីនគរូបនីយកម្មនិងសំណង់បានលើកឡើងពីបញ្ហាប្រឈមចំពោះការខ្វះធនធានមនុស្ស ខ្វះសំភារះ ខ្វះកិច្ចសហប្រតិបត្តិការចូលរួមពីអ្នកពាក់ពន្ធ័ក្នុងការទប់ស្កាត់សំណង់មិនរៀបរយ សំណង់សាងសង់ខុសច្បាប់មិនអាចទប់ស្កាត់បានដែលតែងមានការអន្តរាគមពីអ្នកមានអំណាច។តែទោះជាមានបញ្ហាប្រឈមច្រើន មន្ទីរនៅតែបន្តជំរុញការងារអភិវឌ្ឍន៍វិស័យដីធ្លី សំណង់ និងការរៀបចំដែនដីនគរូបនីយកម្មអោយកាន់តែមានមូលដ្ឋានរឹមមាំងធ្វើអោយដីធ្លិ និងសំណប់ ប្រែក្លាយជាប្រភពធនធានពិតប្រាកដ សម្រាប់ ការអភិវឌ្ឍន៍ និងត្រូវបានប្រើប្រាសដោយតម្លាភាព និងប្រសិទ្ធភាព ។
លោក ចុង ផែត អភិបាលរងខេត្តបានសង្កត់ធ្ងន់ថាសំណង់ខុសច្បាប់បាននិងកំពុងតែរីករាលដាលនៅក្នុងខេត្តបន្ទាយមានជ័យយ៉ាងគំហុកដែលបង្កភាពស្មុគស្មាញដល់ថ្នាក់ដឹកនាំខេត្ត តែទោះជាយ៉ាងណា ក្នុងមួយរយះពេលក្រោយនេះខេត្តបានចាត់វិធានការជាបន្តបន្ទាប់លើម្ចាស់សំណង់ទាំងនោះតាមរយះគណះកម្មាការចំរុះដោយមានការហាមឃាត់និងកោះហៅម្ចាស់សំណង់មកធ្វើការអប់រំណែនាំអោយអនុវត្តតាមនីតិវិធីច្បាប់សំណង់។ លោក ភឿង សុភ័ណ្ឌ រដ្ឋលេខាធិការក្រសួងរៀនចំដែនដី នគរូបនីយកម្ម និងសំណង់សុរិយោដីបានមានប្រសាសន៍ថា បច្ចុប្បន្នសំណង់តូចធំកំពុងត្រូវបានរីកដុះដាលគ្រប់ទីកន្លែងទូទាំងប្រទេស ។ ដូចនេះមន្ត្រីជំនាញត្រូវធ្វើការត្រួតពិនិត្យនូវរាល់ឯកសារ លិខិតអនុញ្ញតសាងសង់ និងគុណភាព សុវត្ថិភាពសំណង់ ជាមួយនេះមន្ត្រី ជំនាញមិនត្រូវទាមទាឬ ប៉ះពាល់នូវប្រយោជន៍ផ្ទាល់ខ្លួនលើតំលៃសេវ៉ាសាធារណះ ។
លោក ក៏បានប្រមានផងដែរសុំអោយបញ្ឈប់ជាបន្ទាន់ និងដកខ្លួនចេញអោយឆ្ងាយ ពីការពាក់ព័ន្ធក្នុងការទារលុយ ទារកាក់ដោយខុសច្បាប់ ។ក្នុងនោះដែរ លោក. ភឿង សុភ័ណ្ឌ ក៏បានមានប្រសាសន៍បន្ថែមថាដោយសារតែមើលឃើញពីបញ្ហាសំណង់ខុសច្បាប់ជាច្រើនដែលកំពុងរីកដុះដាល់យ៉ាងខ្លាំងនេះហើយទើបក្រសួងមហាផ្ទៃនិងក្រសួងរៀបចំដែនដីបានកំណត់នូវខ្លឹមសាររួមខាងលើដើម្បីអោយថ្នាក់ក្រោមជាតិអនុវត្តជៀសវាងការមើលបំណាំគ្នា។ដូច្នេះអាជ្ញារសមត្ថកិច្ចនិងមន្ត្រីជំនាញត្រូវអនុត្តអោយបាននូវខ្លឹមសាររួមនេះ។
