ខេត្តស្ទឹងត្រែង៖កម្ពុជានិង ខេត្តចំប៉ាសាក់ឡាវរៀបចំពង្រឹងកិច្ចសហប្រតិបត្តិការលើគ្រប់វិសយ័ជាពិសេសការងារ សន្តិសុខព្រុំដែនដើម្បីធា នា ការងារ សណ្តាប់ធ្នាប់សង្គម ឲ្យបានល្អប្រសើរជូនប្រជាពលរដ្ឋ នៃប្រទេសទាំងពីរក្នុងកិច្ចប្រជុំទ្វេរភាគី កម្ពុជា .ឡាវ លើកទី១១ដែល
រៀបចំធ្វើឡើ់ងនៅសណ្ឋាគារចំប៉ាសាក់ហ្គេន ខេត្តចំប៉ាសាក់ប្រទេសឡាវថ្ងៃទី១២វិច្ឆិកាឆ្នាំ ២០១៤ឯកឧត្តមកុល សំអុលអភិបាលខេត្តស្ទឹងត្រែង មានប្រសាសន៏ថាៈការងារសន្តិសុខព្រុំដែន ជាផ្នែកមួយជួយជំរុញឲ្យសេដ្ឋកិច្ចជាតិ នៃប្រទេសទាំងពីរមានការរីកចំរើន ជឿនលឿនប្រជាពលរដ្ឋរស់នៅមានភាពសុខសាន្តនិងមានជីវភាពរស់នៅល្អប្រសើរ។
លោកកុល សំអុលអភិបាលខេត្តមានប្រសាសន៏បន្ថែមថាៈឆ្លងតាមកិច្ចប្រជំនេះអាជ្ញាធរខេត្ត នៃប្រទេសទាំងពីរនិង ពង្រឹងកិច្ចសហប្រតិបត្តិការ រួមគ្នានៅតាមខ្សែបន្ទាត់ ឬច្រកព្រំដែននានាដើម្បី ប្រយោជន៏របស់ប្រជាពលរដ្ឋនៃប្រទេសទាំងពីរ គឺខេត្តទាំងពីបានព្រមព្រៀងគ្នា ក្នុងការរៀបចំឲ្យមានកិច្ចសហប្រតិបត្តិការ លើការគ្រប់គ្រងច្រកទ្វាអន្តរជាតិត្រពាំងគ្រៀល កម្ពុជានិងច្រកណងណុកខានឡាវ បានសហការផ្តល់សេវាចេញចូលរបស់ភ្ញៀវជាតិ ក្នុងការចូលរួម
លើកកំពស់វិសយ័ពាណិជ្ជកម្ម វិនិយោគ ការដឹកជញ្ជូន និងទេសចរណ៏ ការផ្តល់ព័ត៌មាននិងផ្លាស់ប្តូរ សភាពការចាំបាច់នានា រវាងខេត្តនិងខេត្ត ឬប្រទេសនិងប្រទេសទាំងពីរ បានធ្វើដំណើរចេញចូល តាមច្រកនានាក្នុងតំបន់ ដែលនៅជិតគ្នាក្នុងការធ្វើពាណិជ្ជកម្ម លក្ខណៈគ្រួសារដោយស្របច្បាប់ដើម្បីជីវភាពប្រចាំថ្ងៃរួមទាំងការសួរសុខទុក្ខក្រុមគ្រួសារនិងការពញយាបាលជំងឺផងដែរ។
លោកប៊ុនថង ឌីវិសៃ អភិបាលខេត្តចំប៉ាសាក់នៃសាធារណៈរដ្ឋប្រជាមានិតឡាវបានសំដែង ការគាំទ្រដល់កិច្ចព្រមព្រៀង ទៅលើលទ្ធផលក្នុងកិច្ចប្រជំនេះ ពីព្រោះថា៖ប្រទេសក៏ដូចជាខេត្ត យើងទាំងពីរបានចងសម្ពន្ធ័ភាព ល្អជាមួយគ្នាជាយូរមកហើយ ចំណែករាល់កិច្ចការងារ ក៏បានធ្វើការទាក់ទងគ្នាទៅវិញទៅមកបានល្អប្រសើរផងដែរ។លោក អភិបាលខេត្តចំប៉ាសាក់បានសន្យាថា៖ភាគីទាំងពីរឡាវនិងកម្ពុជានិងរួមសហការគ្នាឲ្យបានល្អប្រសើរជាងមុនព្រមទាំងអនុវត្តនូវ វិធានការរួម មធ្យោបាយរួម រវាងកំលាំងសន្តិសុខនៅតាមខ្សែបន្ទាត់ព្រុំដែនដើម្បីកាត់បន្ថយ និងលប់បំបាត់ការជួញដូរគ្រឿងញៀន ការជួញដូរមនុស្ស ទប់ស្កាត់ការរត់ពន្ធ័ទំនិញខុសច្បាប់ផ្សេងៗ
និងបទល្មើសឆ្លងដែន។សូមបញ្ជាក់ថា៖កិច្ចប្រជុំថ្នាក់អភិបាលខេត្តទាំងពីរបានចុះហត្ថលេខារួមគ្នាលើកំណត់ហេតុកិច្ចសហប្រតិបត្តិ ការណ៏រួមគ្នាជាផ្លូវការ ដើម្បីពង្រឹងការងារសន្តិសុខនៅតាមខ្សែបន្ទាត់ព្រុំដែនដែលមានប្រវែង២៥៧គីឡូម៉ែត្តរូមនិង ច្រករបៀងសំរាប់ក្នុងការធ្វើចរាចរណ៏ចេញចូលបានងាយស្រួលនិងផ្តល់នូវសុវត្ថិភាពជូនភ្ញៀវទេសចរណ៏ និង ប្រជាពលរដ្ឋផ្សេងៗទៀត នៅតាមព្រុំដែននៃប្រទេសទាំងពីរ៕
