កំពង់ធំ៖ គ្រោះថា្នក់មួយបានកើតឡើងនៅលើកំណាត់ផ្លូវជាតិលេខ 6 ដោយរថយន្ដ LEXUS .RX300បានបែកកង់ខាងស្ដាំទៅ បុកជាមូយនិង កង់សិស្សយ៉ាងពេញទំហឺងបណ្ដាលឲ្យអ្នកភូមិមានការភ្ញាក់ផ្អើលក៏នាំគ្នារត់មកមើលឈូរឆរពេលនោះក៏ស្រាប់តែឃើញមានសិស្សសាលា២នាក់
បានស្លាប់នៅនឹងកន្លែងកើតហេតុស្លាប់យ៉ាងអាណោចអធ័ម គ្រោះថ្នាក់នេះបានកើតឡើងនៅវេលាម៉ោង ១២.៣០នាទី រសៀលថ្ងៃទី ១៤ខែវិច្ចិកា ឆ្នាំ២០១៤ត្រង់ចំនុច ភូមិ ស្ពានគ្រង ឃុំចំណាក្រោម ស្រុកស្ទោង ខេត្តកំពង់ធំ។
យោងតាមប្រភពពត៌មាននៅកន្លែងកើតហេតុ បានឲ្យដឹងថា មុនពេលកើតហេតុគាត់បានឃើញកង់សិស្សសាលានាំគ្នាធ្វើដំណើចេញពីសាលារៀន ធ្វើដំណើ ក្នុងទឹសដៅពីរជើងទៅ ត្បូង លុះដល់ចំណុចកើតហេតុខាងលើក៏ស្រាប់តែមានឡាន LEXUS .RX300 ព៏ណស្ករ ពាក់ស្លាកលេខ ភ្នំពេញ
2F,6111មួយគ្រឿងបើកបរយ៉ាងលឿនពេលនោះក៏ស្រាប់តែឡានបែកកង់ខាងស្ដាំមកបុកចំពីរក្រោយយ៉ាងពេញទំហឹង បណ្ដាលឲ្យបុរស២នាក់ស្លាប់ភ្លាមៗនៅនឹងកន្លែងកើតហេតុ ចំណែកឯអ្នកបើកបររថយន្ដ រងរបួសយ៉ាងធ្ងន់ចំក្បាលនឹងដងខ្លូន។
គាត់ក៏បានបន្តទៀតថាក្រោយពេលកើតហេតុភ្លាមៗប៉ូលីសប៉ុស្តិ៍បានមកវាស់វែងរួចហើយក៏នាំយករថយន្តសង្គ្រោះដឹកសាកសព យកទៅផ្ទះជនរងគ្រោះ ដើម្បីប្រគល់សាកសពជូនសាច់ញ្ញាតិជនរងគ្រោះ ទទួលយកទៅធ្វើបុណ្យតាមប្រពៃណី ចំណែកកង់នឺងរថយន្តត្រូវបានសមត្ថកិច្ចនាំយកទៅរក្សាទុកនៅអធិការ ស្រុកស្ទោង ដើម្បីរងចាំភាគីទាំងសងខាងចូលមកដោះស្រាយដោយសន្តិវិធី ។ ដោយផន សុខជាតិ
