ក្រុងប៉ោយប៉ែត៖សាច់មាន់ខូចគុណភាពនិងប្រហិតចំនួន៣២០គីឡូក្រាម ត្រូវបានសមត្ថកិច្ចកាំកុងត្រូលបង្គ្រាបបានស្របពេលដែល ជនល្មើសបានលួចបង្កប់បានរទេះអូស យកមកលក់នៅក្រុងប៉ោយប៉ែត លុះមកដល់ច្រកទ្វារអន្តរជាតិត្រង់ចំណុចប្រាសាទកំពូល៣ ដែលជាកន្លែងត្រួតពិនិត្យរបស់
មន្ត្រីខាងលើនោះ ហើយក៏ស្ទាក់ចាប់បានតែម្តង ឯម្ចាសរទេះនិងម្ចាស់ទំនិញគេចខ្លួនទៅបាត់។
ហេតុការខាងលើនោះ គឺកើតមាននៅក្នុងម៉ោង១០ ៣០នាទីព្រឹក ថ្ងៃទី១៦ វិច្ចិការ ឆ្នាំ២០១៤ត្រង់ចំណុចច្រកទ្វារអន្តរជាតិប៉ោយប៉ែតតែម្តង ស្របពេលដែលមានរទេះអូសទំនិញបានបង្កបដោយសាច់មាន់ខូចគុណភាពចំនួន២០០គីឡូនិងប្រហិត១២០គីឡូទៀតនោះ ត្រូវបានរកឃើញនៅក្នុងបាតរទេះ ហើយក៏ត្រូវមន្ត្រីកាំកុងត្រូលឆែកឆេរ រកឃើញតែម្តងទៅហើយក៏យកដុតចោលភ្លាមៗ នៅក្នុងថ្ងៃកើតហេតុនោះ ។
សូមបញ្ជាក់ដែលថា នៅចុងឆ្នាំ២០១៤នេះ ករណីបង្គ្រាបបទល្មើសទំនិញខូចគុណភាពត្រូវបានគេសង្គេតឃើញថា មន្ត្រីខាងលើបានទប់ស្កាត់បានទាន់ពេលវេលា ហើយបានប្រមូលទំនិញដែលខូចគុណភាពនោះយកទៅដុតបំផ្លាញចោល ជាបន្តបន្ទាប់ ឯម្ចាស់ទំនិញមូយចំនួនទៀតត្រូវបានរត់គេចខ្លួន ឯមួយផ្នែកទៀតត្រូវបានចាប់បញ្ជូនទៅតុលាការ អនុវត្តតាមនិតិវិធីច្បាប់ជាបន្តបន្ទាប់រួចទៅហើយដែរ ។
លោកអ៊ុត សុភាព ប្រធានកាំកុងត្រូលស្នាក់ការច្រកទ្វារអន្តរជាតិប៉ោយប៉ែត បានបញ្ជាក់ថា ភាគច្រើនច្រករបៀងមូយចំនួន ក្នុងអំឡុងរយះពេល២ខែនេះ ត្រូវបានបិទទើបឈ្មួញខិលខូចបានដាក់មាន់ខូចគុណភាពនិងប្រហិតបង្កប់ក្រោមរទេះអូសជាមួយនិងទំនិញផ្សេងៗហើយមកតាមច្រកទ្វារអន្តរជាតិប៉ោយប៉ែតតែម្តង លោកអ៊ុត សុភាពបានបន្តទៀតថា ស្របពេលតាមច្រករបៀងកំពុងរឹតបន្តឹងលើផ្នែកសន្តិសុខតាមព្រំដែនកម្ពុជាថៃ ដើម្បីទប់ស្កាត់រាល់បទល្មើសឆ្លងដែនផ្សេងៗ
ពីកម្ពុជាទៅថៃ និងពីថៃមកកម្ពុជា ក៏បន្តែទង្វើបែបនេះ ធ្វើអោយក្រុមឈ្មួញមានការលំបាកនាំទំនិញខូចគុណភាពមកស្រុកខ្មែរតាមច្រករបៀង ហើយក៏ងាកមុខរបរ
របស់ខ្លួនមកតាមច្រកអន្តរជាតិវិញម្តង តែទួសជាយ៉ាងណាក៏ដោយមន្ត្រីកាំកុងត្រូលនៅតែបន្តការពង្រឹងនិងត្រួតពិនិត្យលើករណីនាំអាហារខូចគុណភាពចូលស្រុកខ្មែរបន្តទៀតនោះ៕
