ខេត្តកណ្តាល៖រថយន្តកាមរីប្រលះម៉ូតូស្កូពីយ៉ាងពេញទំហឹងក្នុងទិសដៅបញ្ច្រាសទិសគ្នាបណ្តាលឲ្យបុរសវ័យ១៩ឆ្នាំម្នាក់ដាច់ខ្យល់ស្លាប់ភ្លាមមួយរំពេចនៅកន្លែងកើតហេតុ។ ហេតុការណ៍នេះបានកើតឡើងនៅលើកំណាត់ផ្លូវជាតិលេខ២ស្ថិតនៅចំណុចភូមិព្រែកតាតូចឃុំបឹងខ្យាង
ស្រុកកណ្តាលស្ទឹងខេត្តកណ្តាល។ មន្ត្រីមូលដ្ឋានបានឲ្យដឹងថាជនរងគ្រោះមានឈ្មោះឌុកឌីណាភេទប្រុសអាយុ១៩ឆ្នាំមានទីលំនៅភូមិកោះខ្នុលឃុំព្រែករកាស្រុកកណ្តាលស្ទឹងខេត្តកណ្តាលបើម៉ូតូម៉ាកស្កូពីពណ៌សពាក់ស្លាកលេខកណ្តាល1Q-4788។
ចំណែករថយន្តបង្កម៉ាកកាមរីពណ៌សពាក់ស្លាកលេខ2A-1300បើកបរដោយឈ្មោះឌៀបវ៉ាន់ឌីភេទប្រុសអាយុ៥៤ឆ្នាំមានទីលំនៅសង្កាត់ទំនប់ខណ្ឌចំការមនរាជធានីភ្នំពេញ។ សាក្សីបានឲ្យដឹងនៅមុនពេលកើតហេតុឃើញជនរងគ្រោះជិះម៉ូតូស្កូពីធ្វើដំណើរពីជើងទៅត្បូងក្នុងល្បឿនយឺតល្អមស្រាប់តែឃើញរថយន្តមានកាមរីបើកពីត្បូងមកជើងក្នុងល្បឿនយ៉ាងលឿនបានជ្រុលចង្កូត
ទៅបុកម៉ូតូជនរងគ្រោះយ៉ាងពេញបណ្តាលឲ្យបុរសវ័យ១៩ឆ្នាំបោកក្បាលស្លាប់ភ្លាមមួយរំពេចតែម្តងបច្ចុប្បន្នសព្វជនរងគ្រោះត្រូវបានសមត្ថកិច្ចប្រគល់ទៅឲ្យក្រុមគ្រួសារដឹកយកធ្វើបុណ្យតាមប្រពៃណីចំពោះវត្ថុតាងរថយន្តនិងម៉ូតូត្រូវកម្លាំងនគរបាលយកទៅរក្សាទុកនៅអធិការដ្ឋាននគរបាលស្រុកកណ្តាលស្ទឹងដើម្បីដោះស្រាយទៅតាមផ្លូវច្បាប់៕
