ស្ទឹងត្រែង៖មន្ទីរសាធារណៈ ការខេត្តស្ទឹងត្រែងសំណូមពរឲ្យអាជីវករឈប់លក់ដូរនៅជិតការដ្ឋានធ្វើផ្លូវ សួនច្បារ ដើម្បីបញ្ចៀសការរាំងស្ទះដល់ការសាងសង់ ក្នុងពេលដែលក្រុមការងារជុំនាញ កំពុងធ្វើការហើយបើមានប៉ះពៀរកើតគ្រោះថ្នាក់ដោយប្រការណាមួយក្រុមការងារមិនទទួលខុសត្រូវ
ឡើយ ។ក្នុងសកម្មភាពកំពុងស្ថាបនាផ្លូវនៅលេខ៦៣.៦៤ក្នុងក្រុងទល់មុខកំពុងផែរផ្សាស្ទឹងត្រែងនៅថ្ងៃទី១៨វិច្ឆកាឆ្នាំ២០១៤នេះលោកប៊ុន ណារីអភិបាលក្រុងស្ទឹងត្រែងបានលើកឡើងថា៖ អាជីវករលក់ដូរប្រមាណតែជាង១០នាក់ប៉ុណ្ណោះ នាំគ្នាដាក់តាំងលក់ទំនិញ នៅជិតការដ្ឋានដែលមន្ទីរការសាធារណៈការ កំពុងធ្វើសកម្មភាពសាងសង់ផ្លូវនៅក្នុងក្រុងដើម្បីធ្វើឲ្យទីក្រុងស្អាត។
លោកប៊ុណារីអភិបាលក្រុងបានប្រាប់អោយដឹងថាៈសាលាក្រុងបានជូនដំណឹងជាសាធារណៈបានញឹកញាប់និងចុះណែនាំផ្ទាល់ថែមទៀត តែអាជីវករមួយចំនួនតូចនេះ ខ្វះស្មារតីចូលរួម និងមិនបានគិតពីប្រយោជន៍សង្គមបំរើឲ្យវិស័យសាធារណៈ បង្កភាពលំបាកដល់អាជ្ញាធរ ធ្វើឲ្យប៉ះពាល់បរិដ្ឋាន បាត់សោភណ័ភាព និង ធ្វើឲ្យខូចសណ្តាប់ធ្នាប់ក្នុងខេត្ត ។ លោកអភិបាលក្រុងសំណូមពរឲ្យអាជីវករលក់ដូរនៅផ្លូវនេះ ត្រូវមានស្មារតីចូលរួចជាមួយអាជ្ញាធរផងបើមិនបានជួយអ្វីសុំឲ្យតែកុំបង្កភាពលំបាកពិបាកដោះស្រាយទៅបានហើយ។
បើតាម លោក សរ គឹមណាត ប្រធានមន្ទីរសាធារណៈការមានប្រសាសន៍ទទួលស្គាល់ថា៖ ការស្ថាបនាផ្លូលូរនៅតាមផ្លូវជាតិលេខ៦៤និង៦៣នេះ វាពិតជាមានផលប៉ះពាល់ ទៅលើមុខរបរប្រជាពលរដ្ឋខ្លះៗ ហើយការងារអភិវឌ្ឍន៍ក៏តែងតែទទួល បានសំណូមពរពីប្រជាពលរដ្ឋជាច្រើនណាស់ដែរ (តែសូមកុំឲ្យមន្ត្រីជំនាញធ្វើផ្លូវផងដើររើសសំរាមផងវាដូចជាជ្រុលហួសហេតុពេក)ហើយអាជ្ញាធរខេត្តបានរៀបចំឲ្យមានកន្លែងលក់ដូរជូនរួចកមហើយតែមិនអនុវត្តតាម។
លោកប្រធានមន្ទីរបញ្ជាក់ថា៖ចំពោះផ្លូវនេះក្រុមជំនាញនិងខិតខំធ្វើការស្ថាបនាទៅតាមលក្ខណៈបច្ចេកទេសដើម្បីឲ្យមានគុណភាពត្រឹមត្រូវហើយផ្លូវនេះ និងសាងសង់ជាបេតុង សំរាប់ឲ្យបងប្អូនប្រជាពលរដ្ឋ ស្រួលធ្វើដំណើរទាំងម៉ូតូនិងរដ្ឋយន្ត ។ក្រុមអាជីវករបានទទួលស្គាល់ថា៖ពួកគាត់ធ្វើបែបនេះពិតជាប្រាស់ចាកទៅហ្នឹងសណ្ដាប់ធ្នាប់សង្គមហើយតែគ្មានជំរើសបើមិនមកលក់នៅទីនេះទេ វារកប្រាក់ចំណូលចិញ្ចឹមជីវភាពមិនបាន។
សូមបញ្ជាក់ថា៖ការស្ថាបនាផ្លូវជុំវិញផ្សារនេះមានប្រវែង៧០០ម៉ែត្រក្នុងគម្រោងចំណាយថវិកាជាតិប្រមាណជាងបីពាន់លានរៀលនិងគ្រោងបញ្ចប់ការស្ថាបនានៅក្នុងឆ្នាំ ២០១៥ ៕
ងិន
