នាយករដ្ឋមន្ត្រីអ៊ុយក្រែនលោក អាសិនណៃ យ៉ាត់សិនយុគ កាលពីថ្ងៃ អង្គារ សប្តាហ៍នេះ បានអំពាវនាវអោយមានកិច្ចពិភាក្សាជាថ្មីជាមួយនឹងរដ្ឋាភិបាលក្រុង ម៊ូសស្គូល ស្តីពីបញ្ហាបូរណភាពទឹកអព្យាក្រឹត្យ ខណៈដែលភាពតានតឹងនៅភាគ ខាងកើតប្រទេសអ៊ុយក្រែន បាននឹងកំពុងបន្ត
កើតមានឡើងជាបន្តបន្ទាប់ ។លោក យ៉ាត់សិនយុគ បានបន្តថា រដ្ឋាភិបាលក្រុងគៀវនឹងអញ្ជើញសហព័ន្ធរុស្ស៊ី ដើម្បីឲ្យចូលរួមកិច្ចចរចាដ៏មានសារៈសំខាន់មួយ ពាក់ព័ន្ធនឹងបញ្ហាបូរណភាពទឹក ដីអព្យាក្រឹត្យ ហើយសហរដ្ឋអាមេរិក និង សហភាពអឺរ៉ុបជាអ្នកជួយជ្រោមជ្រែង នៅក្នុងបញ្ហាមួយនេះ ។
ការអំពាវនាវឲ្យមានការចរចាជាថ្មីរបស់នាយករដ្ឋមន្ត្រីអ៊ុយក្រែនរូបនេះ បានធ្វើ ឡើងខណៈដែលរដ្ឋមន្ត្រីការបរទេសអាល្លឺម៉ង់លោក ហ្វ្រេន វ៉លធ័រ ស្តេនមែរ មកបំពេញទស្សនៈកិច្ចនៅក្នុងប្រទេសអ៊ុយក្រែន នាមុនពេលចូលរួមកិច្ចប្រជុំ សំខាន់ជាមួយសមភាគីរុស្ស៊ីគឺលោក សឺហ្គេ ឡារ៉ូវ ។
ទាក់ទិនទៅនឹងបញ្ហាខាងលើនេះ រដ្ឋមន្ត្រីការបរទេសអាល្លឺម៉ង់ក៏បានជំរុញឲ្យ ភាគីទាំងពីរគឺរុស្ស៊ី និង អ៊ុយក្រែន ត្រូវខិតខំប្រឹងប្រែងបំពេញចំណុចខ្វះខាត នៃគម្រោងការណ៍សន្តិភាព ដើម្បីបញ្ចប់ជម្លោះដែលគេអះអាងថា បណ្តាលឲ្យ មានជនរងគ្រោះបាត់បង់ជីវិតច្រើនជាង ៤.១០០ នាក់ហើយនោះ ៕
