នៅព្រឹកថ្ងៃទី១៩ ខែវិច្ឆិកា ២០១៤ សប្បុរសជនក្រុមរួមមិត្ត ដើម្បីសប្បុរសធម៌ ដឹកនាំដោយលោក ផែង វណ្ណៈ ដោយមានការរួមដំណើរដោយកញ្ញា ក្បាល ជ្រោយ និង រ៉ាកាមី មួង បានចុះសួរសុខទុក្ខនឹង ផ្តល់នូវអំណោយឧបត្តមជូនដល់ ស្ត្រីដែល មានផ្ទៃពោះឈ្មោះ ស៊ូ សុខរ៉េន ប្តីឈ្មោះ អ៊ុង
សុភារិទ្ធ មានទីលំនៅ ភូមិទួលក្រឡាញ់ សង្កាត់កំពង់ឆ្នាំងក្រុងកំពង់ឆ្នាំងខេត្តកំពង់ឆ្នាំងដែលត្រូវធ្វើការវះកាត់យកទារក នៅមន្ទីរពេទ្យបង្អែកខេត្តកំពង់ឆ្នាំង នៅថ្ងៃទី១៩ ខែវិច្ឆិកា ឆ្នាំ ២១០៤នេះ ចំនួន៧០ម៉ឺនរៀល និងសំភារៈឧបភោគ បរិភោកដូចជា ទឹកត្រី៦ដប អង្ករ៥០គ.ក្រ កន្ទេល១ ភួយ១ សារុង២ ត្រីខ ១ឡូ ទឹកស៊ីអ៊ីវ១យួរ មី២កេស ទឹកដោះគោខាប់៦កំប៉ុង និងខោអាវក្មេងចំនួន៩កំប្លេ ។
ដោយឡែក សប្បុរសជនក្នុងខេត្ត លោក លៀង ជុំសុបិន្ត ឧបត្ថម្ភចំនួន៤ម៉ឺនរៀល និង លោក ចេង ចាន់ដូណា អភិបាលរងស្រុកកំពង់លែង ឧបត្ថម្ភចំនួន២ម៉ឺនរៀល និងមានការចូលរួមពីសំណាកអាជ្ញាធរភូមិទួលក្រឡាញ់ផងដែរ។
នេះជាអំណោយលើកទី៣ហើយ ដែលសប្បុរសជនបាននាំយកមកឧបត្ថម្ភដល់ស្ត្រី ឈ្មោះ ស៊ូ សុខរ៉េន ដែលត្រូវចូលពនិត្យ ដើម្បីវះកាត់ទារកនៅថ្ងៃទី១៩ ខែវិច្ឆិកានេះ ។
ស្ត្រី ឈ្មោះ ស៊ូ សុខរ៉េន ប្តីឈ្មោះ អ៊ុងសុភារិទ្ធ បានថ្លែងអំណរអគុណចំពោះ សប្បុរសជន ដែលបានផ្តល់ថវិការ និងសំភារៈប្រើប្រាស់ ដល់រូបគាត់ ដោយបានបង្ហូរទឹកភ្នែកកាត់ផ្ទៃមុខដែលធ្លាប់តែក្រៀមក្រំដោយក្តីរំភើបឥតឧបមា ។
