)ខេត្តស្វាយរៀង:មន្ត្រីនគរបាលម្នាក់ពាក់សក្តិ៣ម្នាក់រងរបួសធ្ងន់ដោយសារស្រវឹងស្រាជិះម៉ូតូដួលបោកអូសជាង១៥ម៉ែត្រហេតុការណ៍នេះបានកើតឡើងកាលវេលាម៉ោង៤:៣០នាទីល្ងាចថ្ងៃទី១៨ខែវិច្ឆិកាឆ្នាំ២០១៤ស្ថិតនៅភូមិ ព្រៃឈើទាល ឃុំ ប្រសូត្រ ស្រុក ស្វាយទាប ខេត្ត ស្វាយរៀង
បើតាមប្រភពពីកន្លែងកើតហេតុបានប្រាប់ឲ្យដឹងថា៖ជនរងគ្រោះបានទៅលេងផ្ទះមិត្តភក្តិនៅភូមិ ព្រៃតាយឹង ឃុំ ប្រសូត្រ ស្រុក ស្វាយទាប ហើយផឹកស្រាដល់ស្រវឹងក៏ត្រឡប់មកផ្ទះវិញលុះដល់ចំណុចកើតហេតុខាងលើក៏ធ្លាក់ជង្ហុកដួលបោកក្បាលហូឈាមពេញមុខគួរឲ្យញាក់សាច់។
ប្រភពខាងលើបន្តទៀតថា៖មុនពេលកើតហេតុគេបុរសម្នាក់ជាមន្ត្រីនគរបាលពាក់សក្តិ៣នៅស្រុកស្វាយទាបបើកបរក្នុងសភាពស្រវឹងជោគបើកបរក្នុងល្បឿនលឿនក៏ធ្លាក់ជង្ហុកបណ្តាលឲ្យដួលបោកក្បាលហូឈាមនិងក្អួតចេញឈាមសន្លប់ស្តូកស្តឹង។បើតាមសមត្ថកិច្ចបានប្រាប់ឲ្យដឹងថា៖ជនរងគ្រោះមានឈ្មោះ ស្រី នឿន ភេទប្រុសអាយុ ប្រហែល៤៥ឆ្នាំ មានទីលំនៅភូមិ បន្ទាយ ឃុំកន្តៀងរាយស្រុកស្វាយទាបខេត្តស្វាយរៀងមុខរបរជាមន្ត្រីនគរបាលនៅស្រុក
ស្វាយទាបជិះម៉ូតូ សេ១២៥ ពណ៌ ខ្មៅ ពាក់ស្លាកលេខ ភ្នំពេញ 1BI 2923មានប្រពន្ធឈ្មោះឥនសំអឿន អាយុ៤៣ឆ្នាំក្រោយពេលកើតហេតុត្រូវបានអ្នកឃើញហេតុទូរស័ព្ទហៅរថយន្តសង្គ្រោះនិងក្រុមគ្រួសារដឹកមកសង្គ្រោះនៅមន្ទីរពេទ្យក្នុងខេត្តស្វាយរៀងប៉ុន្តែសភាពធ្ងន់ធ្ងរពេកក៏បញ្ជួនបន្តទៅប្រទេសវៀតណាមដើម្បីធ្វើការសង្គ្រោះ៕
