ស្ត្រីម្នាក់បានរងរបួសបាក់ជើកខាងឆ្វេង ត្រូវបានរថយន្តសាមុយ របស់មន្ទីរពេទ្យមិត្តភាពខ្មែរ សូវៀត ដឹកយកទៅសង្គ្រោះនៅមន្ទីរភ្លាមៗ ដោយសារតែនារីម្នាក់ បើករថយន្តតូយ៉ូតា កាមេរីបាឡេន មួយគ្រឿង ក្នុងល្បឿនយ៉ាងលឿន ចាប់ហ្វ្រាំងមិនទាន់ ក៏ជ្រុលទៅបុកម៉ូតូមួយគ្រឿង
កាលពីវេលាម៉ោង៩នឹង២០នាទីព្រឹក ថ្ងៃទី២០ ខែវិច្ឆិកា ឆ្នាំ២០១៤ តាមបណ្តោយផ្លូវលេខ៣៦០ កែងនឹងផ្លូវលេខ៥១ ស្ថិតក្នុងសង្កាត់បឹងកេងកងទី៣ ខណ្ឌចំការមន ។ 
យោងតាមប្រភពពត៌មាន ពីសាក្សីដែលបានឃើញហេតុការណ៍ គ្រោះថ្នាក់ចរាចរណ៍ខាងលើនេះ បានឱ្យដឹងថា នៅមុនពេលកើតហេតុ គេបានឃើញស្ត្រីវ័យចំណាស់ខាងលើ ជិះម៉ូតូឌុបមួយគ្រឿង ពណ៍ក្រហម ម៉ាក វ៉េវអាល់ហ្វា ពាក់ស្លាកលេខ ភ្នំពេញ1F-2003 ធ្វើដំណើរតាមបណ្តោយផ្លូវលេខ៥១ ទិសដៅពីជើងទៅត្បូង ខណៈមកដល់កែងផ្លូវលេខ៣៦០ ដែលជាផ្លូវបែកជា៤នោះ ស្រាប់តែមានរថយន្តតូយ៉ូតាកាមេរីបាឡែន ពណ៍ស្ករមួយគ្រឿង គ្មានស្លាក
លេខ បើកបរដោយនារីម្នាក់តាមបណ្តោយផ្លូវលេខ៣៦០ ទិសដៅពីកើតទៅលិច ក្នុងល្បឿនយ៉ាងលឿន ចាប់ហ្វ្រាំងមិនទាន់ ក៏ជ្រុលទៅបុកម៉ូតូ បណ្តាលឱ្យស្ត្រីវ័យចំណាស់ រងរបួសបាក់ជើងខាងឆ្វេង ត្រូវបានរថយន្តសាមុយរបស់មន្ទីរពេទ្យមិត្តភាព ខ្មែរ សូវៀត ដឹកយកទៅសង្គ្រោះនៅមន្ទីរពេទ្យភ្លាមៗ ។
ក្រោយកើតហេតុ សមត្ថកិច្ចមូលដ្ឋាន បានចុះធ្វើការអន្តរាគមន៍ភ្លាមៗ និងបានសហកាជាមួយជំ នាញ ចុះធ្វើការវាស់វែង យកមធ្យោបាយធ្វើដំណើរទាំង២គ្រឿង ទៅរក្សាទុកនៅអធិការដ្ឋាន នគរបាលខណ្ឌចំការមន រង់ចាំដោះស្រាយនៅពេលក្រោយ ។
គួរបញ្ជាក់ផងដែរថា គ្រោះថ្នាក់ចរាចរណ៍ខាងលើនេះ បង្កឡើងដោយសារនារី បើករថយន្ត ក្នុងល្បឿនលឿន ខ្វះការប្រុងប្រយ័ត្ន ទើបបង្កឱ្យគ្រោះថ្នាក់ដូច្នេះ ៕
