ភ្នំពេញ៖ គ្រោះថ្នាក់ចរាចរណ៍មួយ បង្កឡើងដោយបុរសម្នាក់ ចេញពីស្ថានីយ៍ប្រេងឥន្ឋនៈសូគីម៉ិច ឆ្លងផ្លូវមិនប្រយ័ត្ន ក៏ជ្រុលទៅបុកម៉ូតូមួយគ្រឿងទៀត បណ្តាលឱ្យរងការខូចខាតទាំងសងខាង ប៉ុន្តែមិនបណ្តាលឱ្យនណារម្នាក់រងរបួសនោះទេ ។ ហេតុការណ៍នេះ បានកើតឡើងកាលពីវេលា
ម៉ោង១១នឹង៤០នាទីយប់ ថ្ងៃទី១៩ ខែវិច្ឆិកា ឆ្នាំ២០១៤ នៅចំណុចច្រមុះជ្រូកក្បាលថ្នល់ តាមបណ្តោយផ្លូវលេខ២៧១ ស្ថិតក្នុងសង្កាត់ផ្សារដើមថ្កូវ ខណ្ឌចំការមន ។
ប្រភពពត៌មាន ពីសាក្សីដែលបានឃើញហេតុការណ៍នេះ បានឱ្យដឹងថា នៅមុនពេលកើតហេតុ គេបាន ឃើញប្តីប្រពន្ឋ២នាក់ ជិះម៉ូតូមួយគ្រឿង ម៉ាក ប្រេស ពាក់ស្លាកលេខភព១ ភ២០៣៧ ធ្វើដំណើរចុះពីស្ពានព្រះមុន្នីវង្សថ្មី ទិសដៅពីកើតទៅលិច ខណៈមកដល់ចំណុចច្រមុះជ្រូក
ក្បាលថ្នល់ ស្រាប់តែមានម៉ូតូសងកូរ៉េ ពណ៍ក្រហម គ្មានពាក់ស្លាកលេខ បានចេញពីស្ថានីយ៍ប្រេងឥន្ឋនៈ សូគីម៉ិច ឆ្លងទៅខាងស្តាំដៃ ក៏ជ្រុលទៅបុក ម៉ូតូប្រេស បណ្តាលឲ្យរងការខូចខាតទាំងសងខាង ប៉ុន្តែមិនបណ្តាលឱ្យនណារម្នាក់ រងរបួសនោះទេ ។
ក្រោយកើតហេតុ សមត្ថកិច្ចមូលដ្ឋាន បានចុះមកធ្វើការអន្តរាគមន៍ ដល់កន្លែងកើតហេតុ និងសហការជាមួយជំនាញ វាស់វែងយកម៉ូតូទាំង២គ្រឿង ទៅរក្សាទុកនៅអធិការដ្ឋាននគរបាល ខណ្ឌចំការមន រង់ចាំដោះស្រាយនៅពេលក្រោយ ៕
