ខេត្តកំពង់ឆ្នាំង កាលពីវេលាម៉ោងជិត៨យប់ ថ្ងៃទី១៩ ខែវិច្ឆិកា ឆ្នាំ២០១៤នារីម្នាក់ក្នុងចំណោមគ្នា៣ ត្រូវបានក្រុមស្ទាវចំនួន៨នាក់ក្នុងចំណោមបក្ខពួក៩នាក់ ធ្វើសកម្មភាពចាប់រំលោភម្តងម្នាក់ៗ រហូតបានសម្រេច នៅចំណុចព្រៃមួយកន្លែងក្បែរមាត់បឹងចាន់គៀត ក្នុងឃុំអូរឫស្សី ស្រុក
កំពង់ត្រឡាច ខេត្តកំពង់ឆ្នាំង ។ ជនសង្ស័យទាំង៩នាក់ដែលត្រូវសមត្ថកិច្ចចាប់ខ្លួនបានជាបន្តបន្ទាប់ កាលពីយប់ថ្ងៃទី១៩ និងព្រឹកថ្ងៃទី២០ ខែវិច្ឆិកា ឆ្នាំ២០១៤ មាន ៖ ១-ឈ្មោះម៉ាត់ អែល អាយុ២៥ឆ្នាំ, ២-ឈ្មោះលី សូម អាយុ២៣ឆ្នាំ, ៣-ឈ្មោះសា អែល អាយុ១៩ឆ្នាំ, ៤-ឈ្មោះ លី ឃាក់ អាយុ១៨ឆ្នាំ, ៥-ឈ្មោះ ទិត្យ ប៉ូ ហៅសា អាយុ២០ឆ្នាំ, ៦-ឈ្មោះលី វ៉ាន់នី អាយុ២០ឆ្នាំ,៧-ឈ្មោះហ៊ឹម ទិត្យ អាយុ២១ឆ្នាំ, ៨-ឈ្មោះលី ស៊ីម អាយុ១៩ឆ្នាំ និង៩-ឈ្មោះសុខ អែល អាយុ២០ឆ្នាំ ជនសង្ស័យទាំង៩នាក់នេះជាខ្មែរឥស្លាម មានទីលំនៅក្នុងភូមិឧកញ៉ាប៉ាង ឃុំលង្វែក ស្រុកកំពង់ត្រឡាច ខេត្តកំពង់ឆ្នាំង ។
លោក ហ៊ុល វាសនា អធិការនគរបាលស្រុកកំពង់ត្រឡាច បានអោយដឹងថា នារីរងគ្រោះទាំង៣នាក់ ជាកម្មការិនីរោងចក្រ មានទីលំនៅក្នុងភូមិឧកញ៉ាប៉ាង ឃុំលង្វែក ស្រុកកំពង់ត្រឡាច ខេត្តកំពង់ឆ្នាំង ។ នៅល្ងាចថ្ងៃកើតហេតុ ជនសង្ស័យបានទូរស័ព្ទទៅនារីរងគ្រោះ ដោយកុហកថា ទៅហូបបង្អែមនៅឧដុង្គ ប៉ុន្តែពេលជនសង្ស័យបានឌុបនារីទាំងនោះទៅឯកំពង់ត្រឡាចក្រោមវិញ មិនបានទៅហូបបង្អែមទេ ហើយបានរៀបចំផឹកស៊ីនៅទីនោះ ។
ក្រោយពីបានជុំគ្នាផឹក ហើយ ក្រុមជនសង្ស័យបានអូសបន្លាយពេលផឹកស៊ីរហូតដល់យប់ទើបត្រឡប់មកវិញ ។ នៅពេលមកដល់កណ្តាលផ្លូវ ក្រុមជនសង្ស័យដែលជាក្មេងស្ទាវទាំងនោះបានធ្វើសកម្មភាព ចាប់រំលោភនារីរងគ្រោះតែម្តង ។ ប៉ុន្តែក្នុងចំណោមនារីរងគ្រោះទាំងនោះ មាននារី២នាក់ បានរត់គេចខ្លួនរួច ដោយឡែក នារីរងគ្រោះម្នាក់ទៀត ត្រូវបានក្រុមជនសង្ស័យធ្វើសកម្មភាពចាប់រំលោភម្តងម្នាក់ៗ រហូតបានសម្រេច នៅក្នុងព្រៃតាមផ្លូវលំមួយ ។
នារីរងគ្រោះបានបញ្ជាក់ប្រាប់សមត្ថកិច្ចថា ក្នុងចំណោមជនសង្ស័យទាំង៩នាក់ មាន៨នាក់ដែលរំលោភនាងបានសម្រេច លើកលែងតែជនងសង្ស័យម្នាក់គត់ ដែលមិនបានធ្វើសកម្មភាពរំលោភនាង គឺឈ្មោះ លី ឃាក់ ។ជនសង្ស័យទាំ៩នាក់សមត្ថកិច្ចកំពុងសាកសួរយកចម្លើយ កសាងសំណុំរឿងបញ្ជូនមកកាន់ស្នងការដ្ឋាន នគរបាលខេត្តកំពង់ឆ្នាំង ដើម្បីចាត់ការបន្តទៅតាមនីតិវិធី ៕
