ក្រុងប៉ោយប៉ែត៖ក្រុមមន្ត្រីនៃភូមិបាល សំណង់និងសូរិយោដីខេត្ត បន្ទាយមានជ័យ រួមជាមួយនិងមន្ត្រីជំនាញរបស់សាលាក្រុងប៉ោយប៉ែត និងច្រកទ្វារអន្តរជាតិ បានឯកភាពគ្នាជាមួយនិងតំណាងក្រុមហ៊ុនកាស៊ីណូ ហូលីដេ ផាលេស បានចុះវាស់វែង កំណត់ទីតាំងព្រំដី របស់ទីស្នាក់ការ
ច្រកទ្វារនិងព្រំដីរបស់កាស៊ីណូអោយបានច្បាស់លាស់ បន្ទាប់ពីមានការបុកគ្រើសចូលមកដែនដីរបស់ស្នាក់ការច្រកទ្វារអន្តរជាតិកន្លងទៅ។
ក្នុងការចុះវាស់កំណត់ព្រំប្រទល់ដីនោះ គឺកើតមាននៅម៉ោង៩ ១០នាទីព្រឹក ថ្ងៃទី២១ ខែវិច្ចិការ
ឆ្នាំ២០១៤នេះ នៅចំណុចទីស្នាក់ការច្រកទ្វារអន្តរជាតិប៉ោយប៉ែតតែម្តង ខណះដែលមានការភ្ញាក់ផ្អើលរឿង ក្រុមហ៊ុនកាស៊ីណូខាងលើបានបន្តការលួចបុកគ្រើសសង់កាស៊ីណូថ្មីនិងសណ្ឋាគាររបស់ខ្លួន រំលោភចូលមកដីស្នាក់ការច្រកទ្វាររបស់រដ្ឋ ជាបន្តបន្ទាប់កន្លងទៅរហូតមកដល់ពេលនេះ ជាពិសេសគឺហេតុការនោះកើតមានកាលពីព្រឹកថ្ងៃទី២០ខែឆ្នាំដ៏ដែល ក្រោយមកក៏អាជ្ញាធរខេត្តបន្ទាយមានជ័យ បញ្ជាអោយដកគ្រឿងចាក់ របស់កាស៊ីណូនោះចេញភ្លាមៗតែម្តងទៅ ។
ចំពោះសម្តីរបស់មន្ត្រីចម្រុះនៃគណះកម្មការច្រកទ្វារអន្តរជាតិ បានបញ្ជាក់ថា ការចុះវាស់វែងកំណត់ទីតាំងដីសម្រាប់សម្គល់ព្រំនៃភាគីទាំងពីរនោះ គឺវាមិនខុសពីការដែលសត្វគោចូលស៊ីដំណាំក្នុងចំការអស់ហើយ ទើបនាំគ្នាផ្អើលទៅធ្វើរបង យ៉ាងណាមិញ ដូចជាករណីម្ចាស់កាស៊ីណូហូលីដេ និងទីស្នាក់ការច្រកទ្វារអន្តរជាតិប៉ោយប៉ែតអឹចឹង ដោយឃើញគេធ្វើ
សណ្ឋាគារនិងកាស៊ីណូ រំលោភចូលដីរបស់ខ្លួនហើយនោះ ទើបនាំគ្នាភ្ញាក់ផ្អើលទាញខ្សែរវាស់កំណត់ទីតាំងទាំងព្រំដីតែម្តង មតិរបស់មន្ត្រីទាំងនោះក៏បានលើកឡើងទៀតថា ការវាស់ព្រំដីនាព្រឹកថ្ងៃទី២១ ខែឆ្នាំដ៏ដែលនោះ គឺគេរកឃើញថា ខាងកាស៊ីណូបានរំលោភធ្វើសំណង់ចូលក្នុងដីរបស់ស្នាក់ការរដ្ឋមួយចំនួនធំដូចជា នៅជ្រុងអារគារខាងត្បូងឈាងខាងកើត ចូលដីស្នាក់ការ១ម គុគុណ១៥ម៉ែត្រ ចំពោះជ្រុងអគារឈាងខាងត្បូង និងឈាងខាងលិចចូលដីស្នាក់ការ០
ម៉ែត្រ១៥ រឺឯឈាងខាងលិចទៅទិសខាងត្បូង ពីជញ្ជាំងស្នាក់ការដល់គ្រើសហូលីដេ មានទំហំ៥ម៉ែត្រគុណនិង២០ ទល់និងដីហូលីដេ៩ម៉ែត្រ គុណ៧០ ឯខាងលិចឈាងខាងជើង ចាប់ពីជញ្ជាំងស្នាក់ការទៅដល់គ្រើសហូលីដេ មានទំហំ៥ម៉ែត្រ គុណនិង២០ ទាំងនេះគឺជាចំណុចដែលគេរកឃើញថា ខាងកាស៊ីណូបានរំលោភលើដីរបស់ស្នាក់ការ ដូចមានចំនួនខាងលើពិតប្រាកដមែន ការសង្ស័យរបស់មន្ត្រីដ៏ដែលនោះ កំពុងងើយឆ្ងល់ថា តើអស់លោកថ្នាក់ខាងលើមានវិធានការបែបណាបន្ទាប់ពីរកឃើញនូវកំហុសឆ្គងរបស់កាស៊ីណូនោះ ។
លោកឪម ណារ៉ាត់ មន្ត្រីភូមិបាលសំណង់និងសូរិយោដីខេត្តបន្ទាយមានជ័យដែលបាននាំកំលាំងរបស់ខ្លួន ចុះមកវាសវែងកំណត់ទីតាំងព្រំនោះ បានបង្ហើបអោយដឹងថា ការដោះស្រាយរឿងម្ចាស់កាស៊ីណូសង់សំណង់ចូលមកក្នុងដីរបស់ស្នាក់ការដូចមានចំនួនខាងលើនោះ លោកនិងយករបាយការណ៏នេះរាយការណ៏ទៅមន្ទីរបស់លោក និងបន្តទៅសុំសេចក្តីសម្រេចពីអភិបាលខេត្ត ដើម្បីសុំគោលការសម្រេច ថាតើត្រូវធ្វើបែបណាត៏ទៅមុខទៀតនោះ ព្រោះពេលនេះគឺលោកមិនហ៊ានកំណត់ច្បាស់លាស់ថា ត្រូវធ្វើបែបណានោះទេ ហើយរឿងទាំងអស់ខាងលើនេះ គឺវាជាសិទ្ធរបស់អាជ្ញាធរខេត្តនិងក្រសួងមហាផ្ទៃឯណោះ៕
