កំពង់ឆ្នាំង៖ យុវជនសង្ស័យចំនួន៤នាក់ត្រូវបានសមត្ថកិច្ចនគរបាលព្រហ្មទ័ណ្ឌក្រុងកំពង់ឆ្នាំង ធ្វើការចាប់ ខ្លួនយកមកកាន់អធិការដ្ឋាននគរបាលក្រុងកំពង់ឆ្នាំង បន្ទាប់ពីពួកគេបាននាំគ្នាស្ពាយដាវសាមម៉ូរ៉ៃលាក់ក្នុងកាបូបចូលទៅក្នុងបរិវេណ វិទ្យាល័យក្រុងកំពង់ឆ្នាំងស្ថិតក្នុងភូមិទី៨ សង្កាត់ខ្សាម
ក្រុងកំពង់ឆ្នាំង ដើម្បីរកគូរសត្រូវសងសឹក។ ការឃាត់ខ្លួនជនសង្ស័យខាង លើបានធ្វើឡើងនៅវេលាម៉ោង៤និង៣០នាទីរសៀលថ្ងៃទី២០ ខែវិច្ឆិកា ឆ្នាំ២០១៤ ។ លោក ម៉ា យន្ត នាយផ្នែកនគរបាលព្រហ្មទ័ណ្ឌក្រុងកំពង់ឆ្នាំង បាននិយាយអោយដឹងថាៈ យុវជនខាងលើនេះមាន ១,ឈ្មោះ ញ៉ើញ សុធា អាយុ២០ឆ្នាំ ២,ឈ្មោះ យ៉ុន សុថែ អាយុ២០ឆ្នាំំ ៣.ឈ្មោះ ជ្រើន
វ៉ាន់ថុន អាយុ២០ ឆ្នាំ និង៤,ឈ្មោះ ហេង គឹមសាក់ អាយុ២១ឆ្នាំ ពួកគេទាំង៤នាក់មានទីលំនៅភូមិទី៨សង្កាត់ខ្សាម ក្រុងកំពង់ឆ្នាំង ។
លោកបានបន្តថាៈ តាមចម្លើយសារភាពរបស់ជនសង្ស័យខាងលើនេះថាៈ កាលពីសប្តាហ៏កន្លងទៅ ឈ្មោះ ញ៉ើញ សុធា បានជិៈម៉ូតូមកលេងសួនច្បារកង្រី ពេលនោះត្រូវយុវជនមួយក្រុមជាសិស្សវិទ្យាល័យព្រះបាទសុរាម្រឹត បានព្រួតគ្នាវាយទៅលើឈ្មោះសុធា នេះឡើងទ្រមខ្លួន តែឈ្មោះ សុធា មិនហ៊ានតដៃទេ ព្រោះតែគេមានគ្នាច្រើន។ស្រាប់តែនៅរសៀលថ្ងៃកើតហេតុនេះ ឈ្មោះ សុធា បានទទួលទូរសព្ទ័ពីមិត្តភក្រ័ថាៈ អ្នកដែលវ៉ៃឈ្មោះ សុធា ឯងពីថ្ងៃមុនបានចូលមកវិទ្យាល័យក្រុងកំពង់ឆ្នាំង ភ្លាមនោះឈ្មោះ ញ៉ើញ សុធា ដែលកំពុងផឹកស្រវឹងស្រាប់ផង បានបបួលបក្សពួកមានគ្នា ៤នាក់ លាក់ដាវសាម៉ូរ៉ៃ១ដើមក្នុងកាបូបស្ពាយ ហើយនាំគ្នាជិៈម៉ូតូ២គ្រឿង ចូលទៅក្នុងវិទ្យាល័យក្រុង កំពង់ឆ្នាំង បំណង ទៅរកគូសត្រូវដើម្បីសងសឹក ។
ប៉ុន្តែគ្រាន់តែជិៈចូលផុតរបងសាលាវិទ្យាល័យចូលទៅ កន្លែងដាក់ភាស៊ីផ្ញើរម៉ូតូ ត្រូវលោកគ្រូបង្រៀនឃើញនិងមានការសង្ស័យ ក៏ចាប់ឆែកកាបូបនោះឃើញដាវ សាមម៉ូរ៉ៃមួយដើម ទើបរាយការប្រាប់ សមត្ថកិច្ចនគរបាលទៅទទួលយកមកអធិការនគរបាលក្រុងតែម្តង។
លោក នាយផ្នែកនគរបាលព្រហ្មទណ្ឌ័រូបនោះបន្តថាៈទោះបីជនសង្ស័យមិនទាន់មានសកម្មភាពក៏ពិតមែន តែពេលនេះត្រូវបាននគរបាលក្រុងកំពង់ឆ្នាំងកសាងសំណុំរឿងបញ្ជូនទៅស្នងការដ្ឋាននគរបាលនៅព្រឹក ថ្ងៃទី២១ ខែវិច្ឆិកានេះហើយ គឺពីបទមានអាវុធសម្រាប់ប្រហារជាប់ខ្លួនប៉ុនប៉ងបង្កគ្រោះថ្នាក់ដល់មនុស្ស៕
