នៅថ្ងៃអាទិត្យខាងមុខនេះ គឺជាខួបលើកទី ៤ នៃការវាយប្រហារទៅលើកោះ យ៉ុងព្យុង ដែលបានកើតឡើងរវាងកូរ៉េខាងត្បូង និង កូរ៉េខាងជើង។ហើយនៅចុងសប្តាហ៏នេះដែរ ប្រទេសបងប្អូនទាំងពីរបានធ្វើការព្រមាន និង វាយប្រហារគ្នាដោយពាក្យសម្តីទៅវិញទៅមកជុំវិញ
ព្រឹត្តិការណ៏ ដែលធ្លាប់បានកើតឡើងខាងលើនេះ ដោយរដ្ឋាភិបាលក្រុងព្យុងយ៉ាងបានផ្តើមចេញសេចក្តីថ្លែងការណ៏មួយចំអកទៅកាន់រដ្ឋាភិបាលក្រុង សេអ៊ូល ថា ប្រទេសកូរ៉េខាងត្បូងមិនត្រូវភ្លេចមេរៀនប្រវត្តិសាស្ត្រចាញ់សង្គ្រាមរបស់ខ្លួននោះឡើយ ខណៈដែលយោធារបស់ខ្លួនជាច្រើនត្រូវបានចាញ់ក្រោមដៃរបស់យោធាកូរ៉េខាងជើង។ 
ជាការឆ្លើយតបវិញភ្លាមៗ អ្នកនាំពាក្យក្រសួងការពារជាតិកូរ៉េខាងត្បូង លោក គីម មីនសឹក ក៏បានធ្វើការព្រមានទៅកាន់កូរ៉េខាងជើងអោយធ្វើការបញ្ឈប់ការវាយប្រហារដោយពាក្យសម្តីប្រឆាំងនឹងក្រុង សេអ៊ូល ដែលនឹងអាចឈានទៅដល់ការបំផ្លាញខ្លួនឯងទៅវិញនោះ
ខណៈដែលពេលនេះកងយោធាកូរ៉េខាងត្បូងបាននឹងកំពុងរឹតបន្តឹងបន្ថែម ចំពោះការត្រួតពិនិត្យទៅលើសកម្មភាពទាំងឡាយ របស់កូរ៉េខាងជើងគ្រប់ខ្សែរបន្ទាត់ទាំងអស់ទៅហើយនោះ ៕
