កំពង់ធំៈ សមត្ថកិច្ចចម្រុះប្រមាណជិត៣០នាក់ បានចុះឃាត់ការដ្ឋានសាង់លំនៅដ្ឋានអត់ច្បាប់តាមការបញ្ជារបស់ឯកឧត្តម អ៊ុត សំអន អភិបាលខេត្តកំពង់ធំ ដោយមានការចូលរួមពីសំណាក់លោក អ៊ា គឹមឡូន អភិបាលរងក្រុងស្ទឹងសែន លោក វរៈសេនីយ៍ទោ ញ៉ែម ឈុនលី អធិការក្រុងស្ទឹសែន និងលោក អ៊ឹម សុឌីណា ប្រធាមមន្ទីរសូរិយោដីខេត្ត បានចុះឃាត់សំណង់អត់ច្បាប់ នៅព្រឹកថ្ងៃទី ២២ ខែ វិឆ្ឆិកា ឆ្នាំ ២០១៤ ស្ថិតនៅ ភូមិដំរីជាន់ខ្លា សង្កាត់ដំរីជាន់ខ្លា ក្រុងស្ទឹងសែន ខេត្តកំពង់ធំ។
តាមការឲ្យដឹងពីលោក អ៊ា គឹមឡូន អភិបាលរងក្រុងស្ទឹងសែន បានឲ្យដឹងថា ដំបូងឡើយសំណង់អត់ច្បាប់នេះបានសុំដោយមាត់ទទេ ថាសុំជួសជុលផ្ទះតែប៉ុណ្ណោះ តែលុះម្ចាស់ផ្ទះដែលមានឈ្មោះ លោក ឡាំ គឹមសួរ បានលួចសាងសង់ជាសំណង់រ៉ឹង ដែលមានសរសទំហំ ៤តិក និងបណ្តោយប្រវែងជិត២០ម៉ែត្រ ដោយមិន បានសុំច្បាប់អនុញ្ញាតិ សាងសង់នោះទេ
ថែមទាំងសាងសង់រំលោភយកដីចំណីផ្លូវទៀតផង តែក្នុងនោះដែរក្រុងបាន ហៅលោក ឡាំគឹមសួរ ជាម្ចាស់ផ្ទះមកសាលាក្រុងដើម្បីដោះស្រាយពាក់ព័ន្ឋទៅនឹងការសាងសង់រំលោភ ប៉ះពាល់ចំណីផ្លូវ តែលោក ឡាំ គឹមសួរ ពុំព្រមចូលរួមដោះស្រាយនោះទេ ក្រោយមកក៏បានឲ្យមន្ត្រីចូលទៅពិនិត្យស្ថានភាពសាងសង់ ដើម្បីវាស់វែងតែពុំត្រូវបានលោក រតនា ជាកូន លោក ឡាំគឹមសួរ អនុញ្ញាតិឲ្យចូលទៅ ពិនិត្យនោះទេ ទើបតែពេលនេះ
ឯកឧត្តម អ៊ុត សំអន អភិបាលខេត្តកំពង់ធំ បានដាក់បទបញ្ជាឲ្យកំលាំង ចម្រុះចុះមកផ្អាក់ជាងមិនអោយសាងសង់បន្ត ព្រមទាំងបានបញ្ជាឲ្យម្ចាស់ផ្ទះ ធ្វើច្បាប់សាងសង់ផ្ទះ ចំនែក ជណ្តើរនិងបរិវេណដែលសង់ចូលក្នុងដីសាធារណៈ ត្រូវវាយកំទេចចោល ។
លោក ប៉ែន ពីនី ប្រធានការិយាល័យ សំណង់ខេត្ត នៃមន្ទីរសូរិយោដីខេត្ត បានឲ្យដឹងថា លោក ឡាំ គឹមសួរ បានសាងសង់សំណង់អត់ច្បាប់ ថែមទាំងធ្វើចូលមកដីចំណីផ្លូវ ផ្នែកខាងមុខ ២.៧០មផ្នែកជំហ៊ាង៣.៧០ម ជណ្តើរដែលសាងសង់រួច ត្រូវវាយចោលទាំងអស់ ចំណែកផ្លូវសាធារណៈនេះ គឺមានទំហំ១៥ម៉ែត្រ ដូច្នេះក្នុងពេលនេះត្រូវបានផ្អាកសំណង់នេះដោយពុំអនុញ្ញាតិឲ្យមានការសាងសង់អ្វីទាំងអស់ ចំណែកលោកឡាំ គឹមសួរ ជាម្ចាស់ផ្ទះត្រូវបាន កោះហៅមកសាលាក្រុង ដើម្បីដោះស្រាយដោយសន្តិវិធី ។
