កំពង់ឆ្នាំង៖ យុវជនម្នាក់បានរងរបួសធ្ងន់ដៅយផ្លែដាវ ដោយសារយុវជនមួយក្រុមទៀតបានព្រួតគ្នាកាប់ប្រហារ ដែលករណីនេះបានកើតឡើងនៅម៉ោង១០និង៥០នាទីយប់ថ្ងៃទី២២ ខែវិច្ឆិកា ឆ្នាំ២០១៤ នៅក្នុងវត្តអង្គ ស្ថិតក្នងភូមិខុនរ៉ង ឃុំខុនរ៉ង ស្រុកបរិបូណ៌ ខណៈជនរងគ្រោះទៅលេងរាំវង់
ធុងបាស់ក្នុងពិធីបុណ្យអកអំបុកក្នុងវត្ត។ តាមការរៀបរបស់ស្ត្រី ឈ្មោះ ឈុន ឡី អាយុ៥៥ឆ្នាំ ជាម្តាយជនរងគ្រោះមានទីលំនៅ ភូមិសាលាឃុំ ឃុំពពេល ស្រុកបរិបូណ៌ បានអោយដឹងថាៈ កូនប្រុសគាត់រងគ្រោះមានឈ្មោះ ឈុន លី ហៅ ជាសុខនី អាយុ២៥ឆ្នាំ គាត់មិនបានដឹងថាៈ កូនគាត់ត្រូវគេកាប់ព្រោះរឿង អ្វីនោះទេ ។
ប៉ុន្តែនៅយប់នោះ ក្រោយពីទទួលដំណឹងថាកូនគាត់ត្រូវគេកាប់ បណ្តាលអោយរងរបួសធ្ងន់ហើយត្រូវបានគេដឹកយកទៅសង្គ្រោះនៅមណ្ឌលសុខភាពស្រុកបរិបូណ៌ គាត់បានជិៈម៉ូតូជាមួយកូនស្រីគាត់ម្នាក់ទៀតទៅមណ្ឌលសុខភាពស្រុក ក្នុងពេលនោះគាត់បានឃើញក្មេងមួយក្រុមមានគ្នា៤នាក់ មានដាវនិងកាំបិតគ្រប់ដៃ ចូលទៅមណ្ឌលសុខភាពស្រុក គ្រាន់តែឃើញគាត់ជិៈម៉ូតូ ពួកគេបានស្ទុះមកដេញកាប់គាត់ទៀត តែកូនស្រីគាត់ជំហររឹងបានព្យាយាមបើកម៉ូតូរត់ចេញមកវិញ ហើយពួកក្មេងនោះក៏បានគេចចេញពីមណ្ឌលសុខភាពអស់ទៅ ។
ក្រោយមកគាត់ក៏ត្រឡប់ចូលទៅមើលកូនប្រុសគាត់ម្តង ទៀតឃើញកូនប្រុសគាត់ត្រូវបានគ្រូពេទ្យកំពុងសង្គ្រោះ ដោយដេររបួសជាច្រើនថ្នេរលើមុខរបូស២កន្លែង គឺក្រោមឆ្អឹងជំនីខាងឆ្វេងមួយកន្លែង ដែលគ្រូពេទ្យប្រាប់ថាឆែបដល់ឆ្អឹងជំនី១ និងលើក្បាលមួយកន្លែង ដាច់ដល់លលាដ៏ ។ដោយសាររបួសធ្ងន់ធ្ងរពេកទើបកូនប្រុសគាត់ត្រូវបានគ្រូពេទ្យបញ្ជូន មកមន្ទីរពេទ្យ ខេត្តដើម្បីសង្គ្រោះជីវិត។
ប្រភពពីមន្ត្រីនគរបាលស្រុកបរិបូណ៌វិញបាននិយាយអោយដឹងថាៈ រឿងហេតុខាងលើដោយសាររឿង គំនុំ ឌឺដងដាក់គ្នាពេលរាំវង់ធុងបាស់ក្នុងវត្ត ហើយតាមការស្រាវជ្រាវបានដឹងថាៈ ជនដៃដល់ដែលបាន ប្រើដាវសាម៉ូរ៉ៃកាប់ ទៅលើជនរងគ្រោះមានឈ្មោះ ហេង រតនា អាយុ២១ឆ្នាំ មានទៅលំនៅ ភូមិអូរ ឃុំពន្លៃ ស្រុកបរិបូណ៌ ពេលនេះបានរត់គេចខ្លួនបាត់ជាមួយបក្សពួក តែមិនទាន់ដឹងមានគ្នាប៉ុន្មាននាក់ទេ និង មានឈ្មោះអីខ្លះទេ ករណីនេះសមត្ថកិច្ចកំពុងធ្វើការស្រាវជ្រាវ។
នៅព្រឹកថ្ងៃទី២៣ ខែវិច្ឆិកា ឆ្នាំ២០១៤ គេឃើញឪពុកម្តាយជនបង្ក បានទៅព្យាយាមទៅសម្រប សម្រួលឪពុកជនរងគ្រោះ នៅអធិការដ្ឋាននគរបាលស្រុក តែមិនទាន់ត្រូវរ៉ូវគ្នាបែបណានោះទេ ប៉ុន្តែ មន្ត្រីនគរបាលបាននិយាយថាៈ បើទុកជាគូរភាគីទាំង២ត្រូវរ៉ូវគ្នាមិនបានផ្តឹងផ្តល់ ដោយព្រមទទួលសំណង រប្បវេណីក៏ពិតមែន តែបទល្មើសព្រហ្មទណ្ឌ័នៅតែមានជាធរមានដដែល ហើយជនបង្កត្រូវតែទទួល ទោសចំពោះមុខច្បាប់ និងពេលនេះសមត្ថកិច្ចបានកសាងសំណុំរឿងបញ្ជូនទៅស្នងការដា្ឋននគរបាលខេត្ត ដើម្បីបំពេញសំណុំបែបបទបន្ថែមបញ្ជូនទៅតុលាការខេ្តចាត់ការបន្តតាមនិវិធី ៕
