បុរស៣នាក់ត្រូវរបួសធ្ងន់ស្រាលបន្ទាប់ពីពួកគេជិះមូតូពីរគ្រឿងផ្សេងគ្នាមួយគ្រឿងម៉ាកកូនទានិងមួយគ្រឿងទៀតម៉ាកសង់សេ១២៥ហើយត្រូវរថយន្តមួយគ្រឿងម៉ាកកូរ៉ូឡាបើកបុកពេញពីក្រោយពេញទំហឹងនៅចំណុចស្តុបនាគវ័ន្តស្ថិតតាមបណ្តោយផ្លូវសហព័ន្ធរុស្ស៊ីក្នុងសង្កាត់ផ្សារដេប៉ូទី៣
ខណ្ឌទួលគោកកាលពីវេលាម៉ោង២២និង៣០នាទយប់ថ្ងៃទី២៤ខែវិច្ឆិកាឆ្នាំ២០១៤។
យោលតាមការរៀរាប់ ពីបុរសម្នាក់ដែលជាជនរងគ្រោះក្នុងគ្រោះថ្នាក់ខាងលើនេះបានអោយដឹងថានៅមុនពេលមានហេតុការណ៍កើតឡើងគឺដំបូងឡើយរូបខ្លួនបានជិះម៉ូតូមួយគ្រឿងម៉ាកសង់សេ១២៥ស៊េរីឆ្នាំ២០១៣ពណ៌ខ្មៅពាក់ស្លាកលេខភ្នំពេញ 1CE-3975 រួមដំណើរដោយបុរសម្នាក់ទៀតជិះធ្វើដំណើរតាមបណ្តោយផ្លូវសហព័ន្ធរុស្ស៊ីទិសដៅពីលិចទៅ
កើតក្នុងល្បឿនល្មមលុះមកដល់កន្លែងកើតហេតុស្រាប់តែមានរថយន្តមួយគ្រឿងម៉ាកកូរ៉ូឡាពណ៌ទឹកប្រាក់មិនចាំស្លាកលេខបើកបរដោយបុរសម្នាក់បានបើកមកបុកពីក្រោយពេញទំហឹងបណ្តាលអោយដួលបោកផ្ទប់ទៅនឹងថ្នល់រងរបួសធ្ងន់ម្នាក់និងស្រាលម្នាក់ចំណែកម៉ូតូ
បុរសរងគ្រោះខ្ទាតទៅប៉ះនឹងម៉ូតូមួយគ្រឿងទៀតម៉ាកកូនទាពណ៌ក្រហមគ្មានស្លាកលេខបើកបរធ្វើដំណើរដោយបុរសម្នាក់ក្នុងទិសដៅស្របគ្នាបណ្តាលអោយបុរសជាម្ចាស់ម៉ូតូកូនទាដួលរងរបួសក្រិចជើងខាងស្តាំចំណែកម៉ូតូទាំងពីរគ្រឿងត្រូវរងការខូចខាតរីឯរថយន្តបង្កបានព្យាយាមបើករត់គេចខ្លួនបាត់ស្រមោលសូន្យឈឹង។
ក្រោយកើតហេតុភ្លាមៗជនរងគ្រោះបានទំនាក់ទំនងទៅសាច់ញាតិអោយមកទទួលយកទៅព្យាបាលនៅមន្ទីរពេទ្យរៀងៗខ្លួន៕
