កំពង់ឆ្នាំង៖បុរសម្នាក់ត្រូវបានពស់ចឹកចំប្រអប់ជើង នៅពេលគាត់ចុះមកដុតភ្លើងគោពេលយប់នៅក្រោមផ្ទះ។ហេតុការណ៍នេះបានកើតឡើង នៅវេលាម៉ោងប្រមាណជា១១យប់ថ្ងៃទី២៣ ខែវិច្ចកា ឆ្នាំ២០១៤ ក្នុងភូមិជំទាវសុខ ឃុំជ្រេស ស្រុកកំពង់ត្រឡាច ខេត្តកំពង់ឆ្នាំង។
ជនរងគ្រោះឈ្មោះ អ៊ំ យុទ្ធ អាយុ៣៤ឆ្នាំ មានទីលំនៅក្នុងភូមិឃុំខាងលើបាននិយាយអោយដឹងថា៖ នៅមុនពេលកើតហេតុគាត់បានចុះពីលើផ្ទះមកដីបំណងមកដុតភ្លើងគោនៅក្រោមផ្ទះ ពេលចុះមកដល់ដីក៏ជាន់ចំពស់ពេញមួយបាទជើង ពេលនោះគាត់ស្មាន់តែជាក្តាមគៀប គាត់ក៏លើកជើងរលាស់ចេញ ក៏ធ្លាក់សត្វពស់ពីជើងប្រមាណជា៤ម៉ែត្រ ទើបគាត់មើលឃើញថាជាសត្វពស់ដែលកំពង់តែវារ ដោយមានការឈឺចុកចាប់ខ្លាំងពេក គាត់មិនបានដេញវៃសត្វពស់នោះទេ គាត់ក៏បានស្រែហៅអោយក្រុមគ្រួសារជួយដឹកគាត់តាមម៉ូតូមកកាន់មន្ទីរពេទ្យខេត្តភ្លាមៗទាំងកណ្តាលយប់នោះ។
ពេលមកដល់មន្ទីរពេទ្យខេត្តនៅម៉ោងប្រមាណ១២និង៣០នាទីយប់ ហើយត្រូវក្រុមគ្រូពេទ្យជួយចាក់ថ្នាំបន្សាបពិសពស់ភា្លមៗផងដែរ ទើបការពើតចុកចាប់ដ៏ខ្លាំងនោះក៏ បានធូរស្រាលបន្តិច គាត់សង្ឃឹមថាគាត់មិនមានគ្រោះថ្នាក់ដល់ជីវតឡើយ និងសូមថ្លែងអំណរគុណផងដែរ ដែលបានេជួយសង្គ្រោះជីវិតរបស់គាត់ពីសេចក្តីស្លាប់។
លោកគ្រូពេទ្យខេត្តបាននិយាយអោយដឹងថា៖រជនរងគ្រោះដែលត្រូវសត្វអសិរពិសចឹក ខាំ ឬ ទិច ត្រូវប្រញាប់ប្រញាល់ដឹកជនរងគ្រោះមកកាន់មន្ទីរពេទ្យខេត្តកំពង់ឆ្នាំងអោយបានទាន់ពេលដើម្បីធ្វការសង្គ្រោះព្យាបាលអោយបានទាន់ពេលវេលា ព្រោះនៅក្នុងមន្ទីរពេទ្យខេត្តគឺមានថ្នាំចាក់បន្សាជាតិពិសដ៏ពូកែ បើទុកជនរងគ្រោះច្រើនថ្ងៃនោះ ការជួយសង្គ្រោះជីវិតពីក្រុមគ្រួពេទ្យខេត្តគឺពិតជាលំបាកជួយសង្គ្រោះណាស់ ៕
