ក្រុងប៉ោយប៉ែត៖នៅក្នុងភោជនិយដ្ឋានមួយដែលមានឈ្មោះ អូរម្លប់ស្នាយ ត្រូវបានមហាជនជាច្រើនរិះគន់ថា បានបើកវង់ល្បែងស៊ីសង់សម្រាប់ជូនអស់លោកធំៗ ចូលទៅភ្នាល់លេងបែបអាណាធិបតេយ្យទង្វើរបែបនេះ ពលរដ្ឋដែលនៅក្បែរនោះ នាំគ្នាហួសចិត្តត្រង់ថា គួរតែអស់លោកចៅហ្វាយក្រុង និងមន្ត្រីថ្នាក់ជាន់ខ្ពស់មួយចំនួនួទៀត យកថវិការផ្ទាល់ខ្លួនទៅជួយរាស្ត្រក្រីក្រ រឺយកទៅចំណាយកសាង ហិក្ថារចនាសម្ពន្ធនានា នៅក្នុងក្រុងទើបមានការកើតសសើរពីមហាជននោះ ។
សូមបញ្ជាក់ដែលថា ប្រភពព័ត៏មានពីប្រជាពលរដ្ឋជាច្រើន ដែលនៅក្បែរភោជនិយដ្ឋានខាងលើនោះ បានបង្ហើបអោយដឹងថា ជារៀងរាល់ថ្ងៃគេតែងតែឃើញ ថ្នាក់ដឹកនាំក្នុងក្រុងប៉ោយប៉ែតមួយចំនួនធំ បាននាំគ្នាលួចទៅលែងក្បែងស៊ីសងក្នុងម៉ោងធ្វើការជារៀងរាល់ថ្ងៃ ចាប់ពីម៉ោង១២ រហូតដល់ម៉ោង៤ល្ងាច ទើបបំបែកវ៉ូង ហើយហេតុការខាងលើនោះ គឺស្ថិតនៅក្នុងទីតាំង ភោជនិយដ្ឋានអូម្លប់ស្នាយ ដែលមានម្ចាស់ឈ្មោះទ្រីឆាយ ដែលជាមន្ត្រីកងកម្លាំងប្រដាប់អាវុធម្នាក់ដែលមុខមាត់ខ្ពស់គួសំ ដែលជាម្ចាស់ហាងតែម្តង ដែលស្ថិតនៅក្នុងភូមិអូរជ្រៅ
សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ នោះតែម្តង គួរំលឹកដែលថា មានប្រជាពលរដ្ឋជាច្រើន បានពេបមាត់ថា ពួកគាត់ធ្លាប់ឃើញតែប្រជាពលរដ្ឋតូចតាច បានលែងល្បែងស៊ីសង ហើយត្រូវសមត្ថកិច្ច នាំគ្នាទៅបង្គ្រាប ចាប់ពួកគាត់ផាកយកលុយពិន័យ ហើយ យកពួកគាត់ទៅញាត់គុកទៀតផង ពលរដ្ឋបានលើកឡើងទៀតថា ចុះបើសិនជាអស់លោកធំៗ នាំគ្នាលេងបែបនេះតើអ្នកណាចាប់អ្នកណា? ប្រជាពលរដ្ឋបានបន្តទៀតថា ការលេងល្បែងស៊ីសងរបស់អស់លោកធំៗនោះ គឺមិនមែនមានតែក្នុងក្រុងប៉ោយប៉ែតទេ
សូម្បីតែនៅក្នុងគណះបក្សប្រជាជនខេត្ត ក៏មានថ្នាក់ដឹកនាំកំពូលៗចូលទៅលេងផងដែរ ដោយឡែកនៅក្នុងក្រុងប៉ោយប៉ែតឯណេះ គេឃើញលោកអភិបាលក្រុងចូលទៅទទួលទានអាហារពេលថ្ងៃ នៅក្នុងភោជនិយដ្ឋានដូចខាងលើនោះ ហើយក៏នាំកូននាំចៅរបស់ខ្លួន និងជនខិលខូចផ្សេងៗទៀត បង្កើតអោយមានបនល្បែងស៊ីសង នៅក្នុងហាងនោះជារៀងរាល់ថ្ងៃទៀតផង ពលរដ្ឋបានបញ្ជាក់ទៀតថា មានបទល្មើសកើតឡើងជាប្រចាំដូចជា ចោរឆក់ ចោរលួច ចោរប្លន់ជាប្រចាំ នៅក្នុងភូមិដ្ឋានរបស់ប្រជាពលរដ្ឋ ឯសមត្ថកិច្ចនិង
អាជ្ញាធរ ដូចខាងលើនោះ រវល់តែនាំគ្នាលេងល្បែងស៊ីសងយកឈ្នះយកចាញ់រៀងៗខ្លួន ដោយមិនខ្វល់ពីទុក្ខលំបាករបស់ប្រជាពលរដ្ឋឡើយ ដោយឡែកម្ចាស់ហាងខាងលើនោះ ពុំបានបំភ្លឺអ្វីដល់អ្នកកាសែតនោះទេ គឺគេគ្រាន់តែធ្វើសកម្មភាពរត់ចុះរត់ឡើងភ័យស្លន់ស្លោរ ដោយខ្លាចអ្នកកាសែតថតយករូបភាពទីតាំងរបស់ខ្លួនយកទៅផ្សពផ្សាយ ម្យ៉ាងទៀតនោះដោយសារតែខ្លាចលោកចៅហ្វាយក្រុងស្តីបន្ទោស ដោយសារតែយាមកាមមិនល្អជូនថ្នាក់ដឹកនាំដែលកំពុងលេងល្បែងស៊ីសងនៅកន្លែងរបស់ខ្លួននោះ ៕
