កំពង់ធំៈ ឯកឧត្តម គង់ វិមាន អភិបាលរងខេត្តកំពង់ធំ បានអញ្ជើញជាអធិតីភាព ក្នុងកិច្ចប្រជុំពិភាគក្សាការ តបណ្តាញអគ្គីសនីយ៍ និងបច្ចុះតំម្លៃអគ្គីសនីយ៍ នៅក្នុងខេត្តកំពង់ធំ និងមានការចូលរួមពីសំណាក់ អាជ្ញាធរ អគ្គីសនីយ៍ ក្រុមហ៊ុន មេឃុំ និងតំណាងអជីវករនៅតាមបណ្តាស្រុកក្រុង ក្នុងគោលបំណង់បញ្ចុះតំលៃតាម ការកំណត់របស់ អាជ្ញាធរ
អគ្គីសនីយ៍ និងការជម្រុញឲ្យមានការតបណ្តាញអគ្គីសនីយ៍ដែលមានការខ្វះខាតក្នុងស្រុកស្ទោង ស្រុកបារាយណ៍ ស្រុកកំពង់ស្វាយ ស្រុកសន្ទុកចំពោះឃុំមួយចំនួនដែលនៅជាប់ផ្លូវជាតិលេខ៦ និងក្រុងស្ទឹងសែន នៅព្រឹកថ្ងៃទី ២៦ ខែ វិច្ឆិកា ឆ្នាំ ២០១៤ ។លោក តេង សុកុមាល តំណាងអាជ្ញាធរអគ្គីសនីយ៍ បានមានប្រសាសន៍ថា នៅក្នុងខេត្តកំពង់ធំ បានតបណ្តាញអគ្គីសនីយ៍ នៅតាមបណ្តោយផ្លូវជាតិលេខ៦ ជិតគ្រប់ស្រុកក្រុង
ហើយ គឺនៅតែស្រុកស្ទោងមួយទេក្រោយគេ ដែលកំពុងតែរៀបចំតភ្ជាប់ ក្រុមហ៊ុននឹងបញ្ចុះថ្លៃសេវាកម្មអគ្គីសនីយ៍ ពី១៣០០រៀល មកក្នុងតំលៃ១២០០រៀល ក្នុងថ្ងៃទី១ ខែមករាឆ្នាំ ២០១៥នេះតទៅ សម្រាប់នៅក្នុងស្រុកស្ទោង ថ្ងៃទី១ខែ ១២ ឆ្នាំ ២០១៤ តំលៃភ្លើង ២៨០០រៀលដល់ថ្ងៃ១ខែ ១២ឆ្នាំ ២០១៥ ត្រូវបានបញ្ចុះតំលៃ មកនៅ១៦០០រៀល និងចាប់ពីថ្ងៃទី ១ ខែ មករា ឆ្នាំ ២០១៥ និងបញ្ជុះតំលៃនៅត្រឹម ១៥០០រៀល ក្នុងមួយគីឡូវ៉ាត់ ដោយសារតែត្រូវបានប្តូរពីប្រព័ន្ឋប្រេង មកការតភ្ជាប់អគ្គីសនីយ៍ តែតំបន់ដែលប្រើប្រាស់ម៉ាស៊ីនភ្លើង សូមឲ្យថែរក្សាលំនឹងដើម ហើយអាជ្ញាធរនិងព្យាយាមតបណ្តាញចូលទៅតំបន់ទាំងនោះ។
លោក សៅ សោវ័ន្ត តំណាងក្រុមហ៊ុនBVC បានឲ្យដឹងថា បញ្ហាដាច់ភ្លើង ក្រុមហ៊ុនបានកត់ត្រាចំនុចខ្សោយទាំងអស់ ដើម្បីកែសម្រួលបញ្ហាការដាច់ភ្លើង ការឆ្លងចរន្តអគ្គីសនីយ៍ ដល់ផ្នែកបច្ចេកទេស ឲ្យមានគុណភាពល្អ ។ ឯកឧត្តម គង់ វិមាន អភិបាលរងខេត្តកំពង់ធំ បានសម្តែងនូវការកោតសរសើរ ចំពោះក្រុមហ៊ុន វិនិយោគ បណ្តាញចរន្តអគ្គីសនីយ៍ ដែលបានបច្ចុះតំលៃអគ្គីសនីយ៍ តាមការកំណត់ និងបានសំណូមពរឲ្យសេវាករ ដែល បានទទួល
ការតបណ្តាញពីក្រុមហ៊ុន សូមឲ្យតបណ្តាញឲ្យគ្រប់ទាំងអស់នូវចំនុចខ្វះខាត ជាពិសេសគឺស្រុក ស្ទោងពុំទាន់មានបណ្តាញអគ្គីសនីយ៍គ្រប់គ្រាន់ នៅតាមឃុំមួយចំនួន និងសូមឲ្យសេវាក ផ្តត់ផ្គង់ភ្លើងគោរពតាមការបញ្ចុះតំលៃរបស់អាជ្ញាធរអគ្គីសនីយ៍ នៅពេលដែលបណ្តាញចរន្តអគ្គីសនីយ៍ត្រូវ បានតភ្ជាប់ និងត្រូវរាយការណ៍ មកអាជ្ញាធរអគ្គីសនីយ៍ និងអាជ្ញាធរដែលដី បើមានការតបណ្តាញហើយ មិនគោរពតាមការសេចក្តីប្រកាស់របស់អាជ្ញាធរអគ្គីសនីយ៍ ដោយមិនអនុញ្ញាតិឲ្យលួចលក់តំលៃដដែលនោះទេ ហើយក៏បាន អរគុណដល់អាជ្ញាធរអគ្គីសនីយ៍ និងក្រុមហ៊ុន BVC និងក្រុមហ៊ុនមួយចំនួន ដែលបាន ឯកភាពលើការស្នើរសុំរបស់ ប្រជាពលរដ្ឋ និងបានបញ្ចុះតំលៃជាបន្តបន្ទាប់ និងពិតជា ដំណឹងល្អណាស់សម្រាប់ប្រជាពលរដ្ឋ នៅក្នុងខេត្តកំពង់ធំ ដែលបានប្រើប្រាស់ ប្រព័ន្ឋចន្តរអគ្គីសនីយ៍ ។
លោក អភិបាលរងស្រុកសន្ទុក បានឲ្យដឹងថា មិនយល់ទាល់តែសោះ កាលតំលៃ១៨០០រៀល ក្នុងមួយគីឡូ វ៉ាត ផ្ទះរបស់លោក ប្រើអស់ក្នុងខែ ១៣ម៉ឺន តែដល់ភ្លើងចុះតំលៃនៅ១៣០០រៀល ផ្ទះគាត់បែរជាអស់ ១៨ម៉ឺនរៀលទៅវិញ ម្យ៉ាងទៀត កុងទ័រភ្លើងមិនប្រកតី ដាច់ជាច្រើនដង លោក អៀ គឹមឡូន អភិបាលរងក្រុងស្ទឹងសែន បានឲ្យដឹងថាប្រជាពលរដ្ឋមានការរអ៊ូរទាំថា នៅក្នុងក្រុងស្ទឹងសែន មានផ្លូវកៅស៊ូ តែពុំមានបង្គោលភ្លើង នៅចំនុចខ្លះមានបង្គោលតែអ់មានបំពាក់ខ្សែ ភ្លើង ដូច្នេះសំណូមពរឲ្យក្រុមហ៊ុនអគ្គីសនីយ៍ ជួយរៀបចំឲ្យបានគ្រប់ផង ។
ក្នុងនោះដែរក៏សំណូមពរឲ្យ អាជ្ញាធរខេត្តមេត្តា ជួយសម្រួលដល់ម្ចាស់គេហដ្ឋានដែលមានផ្ទះជួល ឲ្យជួយ ឲ្យកម្មករ និងកម្មការនី ឬអ្នកមកស្នាក់អាស្រ័យធ្វើការនៅក្នុងខេត្តកំពង់ធំ ដែលកំពុងតែត្រូវបានម្ចាស់អជីវកម្មទាំងអស់ គេបកេងចំណេញថ្លៃបន្ទប់មិនគ្រប់គ្រាន់ បែរជាកេងប្រវ័ញ្ចទាំងទឹកភ្លើងទៀតផង ជាក់ស្តែងតំលៃភ្លើង នៅតាមផ្ទះជួល២៥០០រៀល ក្នុងមួយគីឡូវ៉ាត កន្លែងខ្លះ តំលៃ២០០០រៀល ខណៈពេលដែលភ្លើងត្រូវបានបញ្ចុះត្រឹមតែ ១២០០ក្នុងមួយគីឡូវ៉ាត់ ដូច្នេះសូមឲ្យឯកឧត្តម អភិបាលខេត្តកំពង់ធំ មេត្តាជួយគិតគូរពីជីវភាពអ្នកជួលបន្ទប់ផង កុំឲ្យម្ចាស់អជីវកម្មកេងចំណេញខ្លាំងពេក ។ ដោយ ប៊ុន រដ្ឋា
