បន្ទាយមានជ័យះជនសង្ស័យជួញដូរនិងប្រើប្រាស់គ្រឿងញៀន៤នាក់ដែលនគរបាលប៉ុស្ត៍រដ្ឋបាលប៉ោយប៉ែតឃាត់ខ្លួនបញ្ជូនមកស្នងការខេត្តកាលពីរសៀលថ្ងៃទី២៥វិច្ឆិកា២០១៤លើករណីថ្នាំញៀន៥៦ថង់តូចតុលាការខេត្តបន្ទាយមានជ័យមិនទាន់សម្រេចថាត្រូវឃុំខ្លួនបណ្ណោះអាសន្នឬយ៉ាងណានៅ
ទ្បើយទេមកដល់ថ្ងៃទី២៦វិច្ឆិកានេះ។លោក ធិន សិុនដេត នាយការិយាល័យនគរបាលប្រឆាំងការជួញដូរគ្រឿងញៀនបានអោយដឹងថា ជនសង្ស័យ២នាក់នោះ១-ឈ្មោះ មុយ ធី ភេទប្រុសអាយុ៣២ឆ្នាំរស់នៅភូមិសូភីសង្កាត់កំពង់ស្វាយក្រុងសិរីសោភ័ណ និង២-ឈ្មោះ ស៊ុន ណារិន ភេទប្រុស អាយុ ២៩ឆ្នាំ រស់នៅភូមិដូងហុង ស្រុកជីក្រែង ខេត្តសៀមរាប។
ដែលត្រូវបានប៉ូលិសសង្កាត់និងក្រុងប៉ោយប៉ែតឃាត់ខ្លួនកាលពីយប់ម៉ោង១និង៣០នាទីចូលថ្ងៃទី២៥វិច្ឆិកា២០១៤រួមនិងគ្រឿងញៀនប្រភេទម្សៅខេទឹកកក ៥១ថង់តូច ហើយបន្តឆែកឆេរបន្ទប់ស្នាក់នៅរបស់ជនសង្ស័យនាព្រឹករកឃើញបំពង់ជក់១ ជញ្ជីងថ្លឹង១ ដែកកេះ៤ ថហ់ប្លាសស្ទិចតូចៗសំរាប់ច្រកថ្នាំចែកចាយមួយចំនួន។
លោក បន្តទៀតថាជនសង្ស័យទាំងពីនេះរួមនិង្នះកប្រើប្រាស់២នាក់ទៀតជំនាញរបស់លោកបានកសាងសំណុំរឿងនិងបញ្ជូនជនសង្ស័យទៅតុលាការរួចហើយកាលពីរសៀលថ្ងៃទី២៥តែដោយសារពេលវេលាមិនទាន់គ្រប់គ្រាន់តុលាការមិនទាន់សំរេចថាត្រូវឃុំខ្លួនបណ្ណោះអាសន្នឬយ៉ាងណានោះទេដោយអោយមកុឃុំខ្លួននៅកន្លែងប៉ូលិសសិនដើម្បីបញ្ជូនទៅថ្ងៃនេះទៀត។
សូមបញ្ជក់ថាប៉ុន្មានថ្ងៃនេះសមត្ថកិច្ចនគរបាលស្រុកក្រុងរបស់ខេត្តបន្ទាយមានជ័យបានបង្ក្រាបបានការណីជួញដូរចែកចាយនិងប្រើប្រាស់គ្រឿងញៀនជាបន្តបន្ទាប់បញ្ជូនទៅតុលាការ៕
