កំពង់ឆ្នាំង៖បុរសម្នាក់ត្រូវបានហក់ធាក់ចំដើមទ្រូង១ជើង បណ្តាលអោយរងរបួសធ្ងន់កំរើកដៃជើងមិនរួចភ្លាមៗតែម្តង ខណះដែលបុរសរងគ្រោះកំពុងអង្គុយជជែកលេងជាមួយមិត្តភ័ក្រនៅក្រោមផ្ទះរបស់ខ្លួនត្រូវគេហក់ធាក់ទំលាក់ពីលើគ្រែ។ហេតុការណ៍នេះបានកើតឡើងនៅវេលាម៉ោង១១យប់ថ្ងៃទី២៥ ខែវិច្ចិកា ឆ្នាំ២០១៤ នៅក្នុងភូមិថ្មី ឃុំក្រាំងលាវ ស្រុករលាប្អៀរ ។ប្រភពពីក្រុមគ្រួសារបាននិយាយអោយដឹងថា៖នៅវេលាម៉ោង១១យប់ថ្ងៃទី២៥ ខែវិច្ឆិកា ឆ្នាំ២០១៤ បុរសរងគ្រោះឈ្មោះ អន សារ៉ាត់ អាយុ៤៨ឆ្នាំ មុខរបរជាកសិករ មានប្រពន្ធនិង កូនម្នាក់និងមានទីលំនៅក្នុងភូមិឃុំកើតហេតុខាងលើ បានអង្គុយជជែកគ្នាលេងជាមួយនិងមិត្តភ័ក្រនៅលើគ្រែក្រោមផ្ទះ ក្នុងពេលនោះក៏ស្រាប់តែឃើញមាន មនុស្សប្រុស៤នាក់ដើរចូលមកក្បែរគ្រែរបស់ជនរងគ្រោះក្នុងចំនោម៤នាក់មានបុរសម្នាក់បានហក់ធាក់ជនរងគ្រោះមួយជើងចំដើមទ្រូង ធ្វើអោយជនរងគ្រោះធ្លាក់ពីលើគ្រែដែលមានកំពស់៦តឹក អុកគូថនិងដី បណ្តាលអោយរងរបួសធ្ងន់កំរើកដៃជើងលែងរួចនិង និយាយមិនចេញ ត្រូវបានក្រុមគ្រួសារដឹកមកសង្គ្រោះនៅមន្ទីរពេទ្យខេត្តទាំងយប់។
ចំណែកជនដៃដល់ក្រោយពេលកើតហេតុបាននាំគ្នារត់គេចខ្លួនបាត់អស់ ប៉ុន្តែត្រូវបានគេស្គាល់អត្តសញ្ញាណអស់ហើយ។ក្រុមគ្រួសារគជនរងគ្រោះនិងដាក់ពាក្យបណ្តឹងជូនសមត្ថកិច្ចបន្ទាប់ពីពួកគាត់ត្រឡប់ទៅពីមន្ទីរពេទ្យខេត្តវិញនៅថ្ងៃទី២៦ ខែវិច្ចិកា ឆ្នាំ២១០៤។
នៅក្នុងមន្ទីរពេទ្យខេត្តជនរងគ្រោះកំពុងឋិតនៅក្នុងការជួយសង្គ្រោះបន្ទាន់ ពីក្រុមគ្រួពេទ្យនៅឡើយព្រោះតែស្ថានភាពជម្ងឺនៅធ្ងន់ធ្ងរ ដងខ្លួនរបស់គាត់ទាំងមូលកំរើកមិនបាន ថែមទាំងលេបអាហារមិនចូលទៀតផង។
ក្រុមគ្រួសារជនរងគ្រោះសុំអំពាវនាវដល់សមត្ថកិច្ច មេត្តាជួយចាត់ការចាប់ខ្លួនជនដៃដល់អោយបានយកទៅផ្តន្ទាទោសតាមផ្លូវច្បាប់ ក្នុងរឿងនេះក្រុមគ្រួសារជនរងគ្រោះអះអាងថាពួកគាត់មិនដែលមានទំនាស់ជាមួយអ្នកណាឡើយ៕ .
