ក្រុងប៉ោយប៉ែត៖ប៉ូលិសប្រមូលកម្លាំងជាង១០០នាក់ ធ្វើសកម្មភាពល្បាតគ្រប់ទីកន្លែង ក្នុងគោលបំណងទប់ស្កាត់ បទល្មើសដែលមានកើតឡើង នៅតាមតំបន់ភូមិដ្ឋានរបស់ប្រជាពលរដ្ឋមួយចំនួន ដែលបង្កឡើងដោយក្រុមចោរលួច ចោរឆក់ តាមលំនៅដ្ឋានពួកគាត់ជារៀងរាល់ថ្ងៃ គ្មានេល
ស្បើយនៅទេ ទើបសមត្ថកិច្ចនាំគ្នាពង្រាយកម្លាំងទប់ស្កាត់រាល់បទល្មើសដើម្បីរក្សារភូមិឃុំមានសុវត្ថិភាពជូនប្រជាពលរដ្ឋនោះ ។
សូមបញ្ជាក់ដែលថា ហេតុការខាងលើនោះ កើតមានចាប់ផ្តើមពីម៉ោង៨ ៣០នាទីយប់ ក្នុងគោលដៅសំខាន់ៗចំនួន៦កន្លែង នៅលើផ្លូវជាតិលេខ៥ ពីប៉ោយប៉ែត មកបន្ទាយមានជ័យ និងតាមដងផ្លូវបេតុងសំខាន់ៗមួយចំនួនទៀត ដើម្បីស្ទាក់ចាប់រុករកអាវុធជាតិផ្ទុះ ពីជនបង្កដែលតែងតែយាយី ដល់ប្រជាពលរដ្ឋជារៀងរាល់យប់កន្លងទៅ។
គួរំលឹកដែលថា មានក្រុមចោរលួច ចោរឆក់ ចោរប្លន់ ដ៏សកម្មបានកើតឡើងយ៉ាងគំហុក ក្នុងអំឡុវខែវិច្ចិការនេះតែម្តង ដែលសកម្មភាពខាងលើនោះ ត្រូវបានមហាជនទូទាំងក្រុងប៉ោយប៉ែតលើកឡើងថា វាមិនខុសពីសកម្មភាពឆក់លួចនិងប្លន់នៅភ្នំពេញនោះទេ ហើយទង្វើរបែបនេះក៏គេមិនដែលឃើញមានអស់លោកសមត្ថកិច្ច ទាំងប៉េអឹម ទាំងប៉ូលិស ទាំងអាជ្ញាធរមួយចំនួនទៀត រួមគ្នាចាត់វិធានការទប់ស្កាត់នោះទេ បង្កអោយមានភាពភ័យខ្លាចទាំងពលរដ្ឋទាំងភ្ញៀវទេសចរណ៏ទៀតផងសព្វថ្ងៃនេះ។
លោកអុំសុផល អធិការដ្ឋានក្រុងប៉ោយប៉ែតបានលើកឡើងថា លោកបានប្រើប្រាស់កម្លាំងសរុបដែលប្រមូលបានពីក្នុងប៉ុស្តិ៍ចំនួន៣រួមទាំងកម្លាំងមូលដ្ឋានទៀតផង បានពង្រាយទៅលើគោលដៅធំៗចំនួន៦ ដើម្បីឆែកឆេរតាមរថយន្តនិងម៉ូតូ ក្នុងគោលបំណងស្វែងរកអាវុធជាតិផ្ទុះដែលជនខិលខូចលាក់ក្នុងម៉ូតូ និងរថយន្ត ងាយស្រួលធ្វើសកម្មភាពកន្លងទៅ លោកអុំសុផលបានបន្តទៀត សកម្មភាពនេះគឺចាប់ធ្វើក្នុង១អាទិត្យ៣ដងឯណោះ ប៉ុន្តែបើសកម្មភាពនោះមាន
កើតជារៀងរាល់ថ្ងៃ អាចនិងធ្វើការល្បាតឆែកឆេរជារៀងរាល់ថ្ងៃដែរ ប៉ុន្តែទង្វើរបែបនេះក៏មានមហាជនជាច្រើនបានលើកឡើងថា អ្វីដែលសមត្ថកិច្ចធ្វើនោះ គឺគួតែធ្វើជាប្រចាំ មិនអាចអោយដកដៃបានទេ ព្រោះជនល្មើសកំពុងតែប្រមាទមាក់ងាយលើសមត្ថកិច្ចជារៀងរាល់ថ្ងៃថា ទាល់តែគោរចូលស៊ីដំណាំអស់ពីចម្ការទើបនាំគ្នាំធ្វើរបងរឺមួយយ៉ាងណា៕
