ខេត្តបន្ទាយមានជ័យទោះជាអភិបាលខេត្តបានព្រមានដល់កំលាំងដែលឈរជើងតាមបន្ទាត់ព្រំដែនយ៉ាងណាក៏ដោយក៏ឈ្មួយនៅតែបន្តឃុបឃិតជាមួយសមិត្តកិច្ចនៅឈរជើងតាមព្រំដែនបាននាំឈើក្រញូងរាល់ថ្ងៃនិងយប់នៅតែបន្តលួចនាំចូលតាមច្រករបៀងនៅស្រុកម៉ាឡៃខេត្តបន្ទាយមានជ័យយ៉ាងគគ្រឹកគក្រេង។
លោក គោស៊ុំ សារឿត អភិបាលខេត្តបន្ទាយមានជ័យធ្លាប់បានព្រមានដល់កំលាំងដែលឈរជើងតាមបន្ទាត់ព្រំដែនក្នុងខេត្តបន្ទាយមានជ័យត្រូវចូលសហការគ្នាមានវិធានការទប់ស្កាត់ចំពោះបទល្មើសឈើក្រញ៉ូងដែលឈ្មួញឃឹបខឹតជាមួយកងកំលាំងនាំចូលពីប្រទេសថៃដែលកើតមាននៅស្រុកម៉ាឡៃនិងស្រុកស្វាយចេកនិងស្រុកថ្មពួកឲ្យបានដាច់ខាត។
លោកបានបន្តថា ចំពោះឈើក្រញូងមិនមែនជាបទល្មើសធ្ងន់ធ្ងរប៉ុន្មាននោះទេព្រោះឈើក្រញូងឈ្មួញនាំចូលពីប្រទេសថៃក៍ប៉ុន្តែបទល្មើសដែលធ្ងន់ធ្ងរនោះគឺកំលាំងដែលឈជើងតាមបន្ទាត់ព្រំដែនឃុបឃិតជាមួយមេខ្យល់នាំពលករទៅលួចកាប់ឈើក្រញ៉ូងក្នុងទឹកដីថៃដែលប្រឈមនិងគ្រោះថ្នាក់យ៉ាងខ្លាំងដែលរាជរដ្ឋាភិបាលមានវិធានការទប់ស្កាត់ការពារសុវត្ថិភាពបងប្អូនប្រជាពលកុំឲ្យមានគ្រោះថ្នាក់ដល់អាយុជីវិត។
ជាក់ស្តែងនៅស្រុកម៉ាឡៃនៅចំណុចច្រករបៀងគ្រប់គ្រងដោយកំលាំងនគរបាលការពារព្រំដែនគោកលេខ៨១៥កាលពីថ្មីៗនេះបានឃុបឃិតជាមួយឈ្មួញនាំឈើក្រញូងឆ្លងដែនចូលដឹក១រថយន្តម៉ាក់អ៊ីស៊ុយស៊ុយដែលពាក់ផ្លាក់លេខក៧៩៤៥.ភព៣ដែលដឹកចូលក្នុងស្រុកម៉ាឡៃបានម៉ាសេរីព្រោះមានសមិត្តកិច្ចនៅកាងពីក្រោយ។
ពាក់ព័ន្ធការលួចនាំចូលឈើក្រញូងខុសច្បាប់នេះលោក នៅ និល នាយសង្កាត់រដ្ឋបាលព្រៃឈើស្រុកម៉ាឡៃបានប្រាប់អ្នកយកព៌តមានឲ្យដឹងថា៖ពាក់ព័ន្ធការឈ្មួញលួចនាំឈើក្រញ៉ូងចូលពីប្រទេសថៃចូលតាមច្រករបៀងក្នុងស្រុកម៉ាឡៃនោះលោកដូចជាមិនបានដឹងទេព្រោះសមត្ថកិច្ចឈជើងតាមបន្ទាត់ព្រំដែនមិនបានសហការជាមួយមន្ត្រីជំនាញរបស់លោកនោះឡើយសមត្តកិច្ចទាំងនោះធ្វើអ្វីតាមតែទំនើងចិត្តរបស់ខ្លួន៕
