កំពង់ឆ្នាំង៖ បុរសម្នាក់បានស្លាប់នៅនឹងកន្លែងកើតហេតុ យ៉ាងរន្ធត់ បន្ទាប់ពីត្រូវរថយន្តវីហ្គោមួយគ្រឿងបើកបុកយ៉ាងពេញទំហឹង នៅវេលាម៉ោង ៣និង៥០នាទីល្ងាច ថ្ងៃទី ២៦ ខែវិច្ឆិកា ឆ្នាំ២០១៤។ហេតុការណ៍នេះបានកើតឡើង លើកំណាត់ផ្លូវជាតិលេខ៥ ត្រង់ចំណុច ភូមិសំរោង ឃុំតាជេស ស្រុក កំពង់ត្រឡាច ខេត្តកំពង់ឆ្នាំង ខណៈដែលបុរសរងគ្រោះជិៈម៉ូតូបត់ឆ្លងថ្នល់ជាតិ។
លោក ហ៊ុល វាសនា អធិការស្រុកកំពង់ត្រឡាចបាននិយាយថាៈ ជនរងគ្រោះមានឈ្មោះ ស៊ឹម កុសលអាយុ ៥៨ឆ្នាំ មានទីលំនៅ ភូមិតាមលក្រោម ឃុំកោះថ្កូវ ស្រុកជលគីរី។ មុនពេលកើតហេតុបុរសរងគ្រោះ បានជិៈម៉ូតូម៉ាកវ៉េវ អាល់ហ្វា ពណ៌ខ្មៅគ្មានស្លាកលេខ តាមបណ្តោយផ្លូវជាតិលេខ៥ លុះមកដល់ចំណុច កើតហេតុ ក៏បានបត់ឆ្លងថ្នល់ បំណងទៅផ្ទះ ខណៈនោះមានរថយន្តមួយគ្រឿងម៉ាក វីហ្គោពណ៏ស ពាក់ ស្លាកលេខ 2X.4717
បើកបរដោយជនពុំស្គាល់ឈ្មោះ បានបើកយ៉ាងលឿនក្នុងដំណើរពីត្បូង មកជើង បានបុកម៉ូតូជនរងគ្រោះ យ៉ាងពេញទំហឹង បណ្តាលអោយជនរងគ្រោះស្លាប់នៅនឹងកន្លែងកើតហេតុ ចំណែករថយន្តមិនបានឈប់មើលជនរងគ្រោះឡើយ គឺបានបើករត់គេចខ្លួនបាត់តែម្តង។
លោកបានបន្តថាៈភ្លាមៗនោះ លោកបានប្រើវិទ្យុទាក់ទងតាមស្រុកក្រុងមួយអោយជួយស្ទាក់ចាប់
តែចាប់មិនបាន មិនដឹងថាៈរត់គេចទៅផ្លូវណា ព្រោះផ្លូវច្រើនពេកឬក៏ទៅសម្ងំលាក់ខ្លួននៅកន្លែងណា ឡើយ ។ លោកបានបញ្ជាក់ថាៈ តាមពិតរថយន្តខាងលើនេះបើកលឿនពេក ជនរងគ្រោះមើលទំនងជា អាចឆ្លងផុតថ្នល់ជាតិ តែនៅពេលឆ្លងក៏ត្រូវរថយន្តនោះបុកតែម្តង ព្រោះរថយន្តបើកលឿនហួសកំណត់ និនៅក្នុងទីប្រជុំជន ហើយបើទោះបីបែបនេះក្តី អ្នកបើករថយន្តនោះពិតជាគ្មានក្តីមេត្តាដល់ជនរងគ្រោះ ឡើយ គឺបើករត់យករួចខ្លួនតែម្តង។
សពបុរសរងគ្រោះត្រូវបានក្រុមគ្រួសារមកដឹកយកទៅធ្វើបុណ្យតាមប្រពៃណី ចំណែកម៉ូតូជនរងគ្រោះដែកខូចខាតត្រូវបានមន្ត្រីនគរបាលយកទៅរក្សាទុកជាបណ្តោះអាសន្ន ដើម្បីរង់ចាំសមត្ថកិច្ចការធ្វើការស្រាយជ្រាវរករថយន្តបង្ក មកដោះស្រាយទៅតាមនិតិវិធី៕ (
