បាត់ដំបង: នារីវ័យក្មេងម្នាក់បានដាច់ចិត្តធ្វើអត្តឃាតដោយផឹកថ្នាំសំលាប់ខ្លួនកាលពីថ្ងៃទី26-11-14វេលាម៉ោង7យប់ត្រង់ចំនុចភូមិកណ្តាល ឃុំអូររំដួល ស្រុកភ្នំព្រឹក ខេត្តបាត់ដំបង បន្ទាប់ពីនាងមានការដើរលេងចោលផ្ទះសម្បែងញឹកញាប់ពេកក៏ត្រូវបងស្តីបន្ទោសទើបសំរេចចិត្តបែបនេះ. ។
លោកអធិការរង សារេត វិសេដ្ឋ បានស្រង់សំដីក្រុមគ្រួសារសាច់ញាតិមកនិយាយថានារីរងគ្រោះមានឈ្មោះ ភាព មុំ អាយុទើបតែ16ឆ្នាំប៉ុណ្ណោះរស់នៅជាមួយបងនៅត្រង់ចំនុចកើតហេតុខាងលើ. ។
មួយថ្ងៃៗគឺនាងមិនសូវនៅផ្ទះទេដោយសារតែសេពគប់មិត្តភក្តិមិនសូវល្អ ដូច្នេះហើយគឺមួយថ្ងៃៗនាងបានចេញដើរលេងបាត់ៗពីផ្ទះ ហើយក៏មិនសូវរវល់នឹងការងារផ្ទះប៉ុន្មានដែរ. ។ក្រុមគ្រួសារបានបន្តថា ជារឿយៗបងតែងតែធ្វើការស្តីប្រដៅ និងនិយាយណែនាំពន្យល់ដល់ប្អូនស្រីដើម្បីអោយចេះគិតនិងចេះពិចារណាអោយស្គាល់ផ្លូវណាល្អនិងផ្លូវណាដែលអាក្រក់។
រាល់លើកគឺនាងមិនមាត់មិនកតបតអ្វីឡើយ ប៉ុន្តែទង្វើអ្វីដែលនាងធ្លាប់ធ្វើគឺនាងនៅតែធ្វើដដែលដោយមិនព្រមកែអត្តចរិកឬលះបង់ ដោយត្រងត្រាប់តាមសំដីរបស់បងឡើយ ទើបនៅល្ងាចថ្ងៃកើតហេតុបងក៏បានស្តីបន្ទោសម្តងទៀតស្រាប់តែឃើញនាងបានដើរចូលទៅកន្លែងសំរាកហើយក៏ស្ងាត់មាត់ស្ងាត់កឈឹងតែម្តង ឃើញហេតុការបែបនេះបងក៏ស្រែកហៅនាងប៉ុន្តែនៅតែគ្មានចំលើយទើបនាំគ្នាចូលទៅមើលស្រាប់តែឃើញនាងមានសភាពបែកពពុះមាត់និងដាច់ខ្យល់ស្លាប់បាត់ទៅហើយដោយនៅក្បែនាងមានបន្សល់នូវសំបកដបថ្នាំសំរាប់បាញ់សំលាប់ស្មៅទើបដឹងថានាងប្រាកដជាបានផឹកថ្នាំនោះដើម្បីធ្វើអត្តឃាតខ្លួនឯង. ។
នៅខណ:នោះដែរក៏មានការធ្វើកោសលវិច័យពីសំណាក់សមត្ថកិច្ចផងដែរព្រមទាំងបានអះអាងថានាងពិតជាបានផឹកថ្នាំសំលាប់ខ្លួនមែនដោយក្រុមគ្រួសារមានការសោកស្តាយយ៉ាងខ្លាំងព្រោះមិនគួរណានាងដាច់ចិត្តសំលាប់ខ្លួនទាំងវ័យក្មេងយ៉ាងដូច្នេះសោះ. ៕
