ខេត្តរតនគីរី៖យោងសេចក្តីរាយការណ៍ពីខេត្តរតនគីរី បានឲ្យដឹងថា លោក ប្រាក់ សាវ័ន្ត័ មន្ត្រីពន្ធដាខេត្តរត នគីរី មានតួនាទីជាប្រធានផ្នែកបំណុល ត្រូវនគរបាលក្រុងបានលុងចាប់ខ្លួន ពីបទចាប់រំលោភលើស្ត្រី ជា អ្នកបោសសម្អាតអនាម័យ ក្នុងអង្គភាពរបស់ខ្លួន នៅភូមិកន្សែង សង្កាត់បឹង
កន្សែង ក្រុងបានលុង។ប្រភពពីសមត្ថកិច្ចមូលដ្ឋានបានឲ្យដឹងនៅថ្ងៃទី២៨ ខែវិច្ឆិការ ឆ្នាំ២០១៤នេះថា មុនចាប់ខ្លួន កាលពីវេលា ម៉ោង៦និង៤៨នាទី ព្រលប់ថ្ងៃទី២៧ ខែវិច្ឆិកា ឆ្នាំ២០១៤ម្សិលមិញ ជនសង្ស័យបានធ្វើសកម្មភាពចាប់ រំលោភលើស្ត្រីម្នាក់ ឈ្មោះ ឈ ន អាយុ១៩ឆ្នាំ ហើយនាងត្រូវបានគេដឹងថាជាបុគ្គលិកផ្នែកអនាម័យក្នុងអង្គ ភាពពន្ធដាខេត្តរតនគីរីតែម្តង។
គួរបញ្ជាក់ថា ការចាប់ខ្លួនលោក ប្រាក់ សាវ័ន្ត គឺសមត្ថកិច្ចធ្វើឡើង ក្រោយពីមានពលរដ្ឋរាយការណ៍មកថា ស្ត្រីម្នាក់ត្រូវគេចាប់រំលោភ ទើបកម្លាំងនគរបាលក្រុងបានឡុងចុះអន្តរាគមន៍ រហូតឈានដល់ការចាប់ខ្លួន ជនសង្ស័យយកមកសួរនាំ និងកសាងសំណុំរឿងចាត់ការតាមច្បាប់។
ជុំវិញករណីនេះ អង្គរថែមស៍មិនអាចសុំការអិធប្បាយលម្អិត ពីលោក យុន ប៊ុនណា អធិការក្រុងបានលុង នៅឡើយទេ ព្រោះទូរសព្ទ័មិនអាចទំនាក់ទំនងបាន។ប្រភពមួយបានបង្ហើបថា រឿងនេះគឺមានគេកំពុងរត់ការបិត និងធ្វើការសម្របសម្រួលជាមួយភាគីជនរងគ្រោះផ្តល់ជាសំណងជម្ងឺចិត្ត ជាថ្នូរឲ្យនាងដកពាក្យបណ្តឹង។មិ
នត្រឹមតែប៉ុណ្ណោះបានសុំមិនឲ្យអ្នកកាសែត ក្នុងស្រុកចេញ ផ្សាយទៀតផង ដែលអ្នកអន្តរាគមន៍រឿងនេះ គឺត្រូវបានគេដឹងថាជាអ្នកមានលុយនិងមានអំណាច៕
