ប្រធានាធិបតីរុស្ស៊ី លោកវ្ល៉ាឌីមៀរ ពូទីន បានប្រកាសថា ប្រទេសរបស់ លោកនឹងការពារសន្ដិសុខរបស់ខ្លួន និង សម្ពន្ធមិត្ដ ប៉ុន្ដែរុស្ស៊ីមិនមែនជាការ គំរាមកំហែងដល់ប្រទេសណាមួយនោះ ឡើយ តាមរយៈការពង្រឹងសន្ដិសុខរបស់ ខ្លួន ។ ប្រធានាធិបតីពូទីន បានប្រកាស បែបនេះ
នៅពេលចូលរួមប្រជុំជាមួយ ប្រមុខដឹកនាំយោធាប្រចាំនៅតំបន់ស៊ូជី ស្ថិតនៅដែនសមុទ្រខ្មៅ ។
លោកពូទីន បានបញ្ជាក់ថា ការការពារដែនអធិប-តេយ្យរបស់រុស្ស៊ី ក៏ដូចជាសន្ដិសុខដល់ បណ្ដាប្រទេសជាសម្ពន្ធមិត្ដជារឿងចាំ បាច់បំផុតដែលរុស្ស៊ីត្រូវតែធ្វើ ។ សកម្ម ភាពពង្រឹងកម្លាំងយោធា ការពារផល ប្រយោជន៍នោះមិនមែនន័យថា រុស្ស៊ី គំរាមកំហែងដល់ប្រទេសណាមួយដែល ជាសត្រូវរបស់រុស្ស៊ីនោះឡើយ ។
ការប្រកាសខាងលើរបស់ប្រធានា ធិបតីពូទីន ចំពេលដែលរដ្ឋមន្ដ្រីការបរ ទេសស៊ីរី លោកអាល់ មូលែន បានធ្វើ ទស្សនកិច្ចទៅកាន់ទីក្រុងស៊ូជី ជួបពិភាក្សា ជាមួយមន្ដ្រីជាន់ខ្ពស់រុស្ស៊ីនៅទីនោះ ។ នៅក្នុងជំនួបពិភាក្សា រុស្ស៊ីបានសន្យា គាំទ្រស៊ីរីនៅក្នុងសង្គ្រាមប្រឆាំងក្រុម ភេរវកម្មក្នុងទឹកដីស៊ីរី ។
ក្រោយការពង្រឹងកម្លាំងយោធា ក្រោមការដឹកនាំរបស់លោកពូទីន ប្រទេសជាច្រើន ពិសេសតំបន់អឺរ៉ុបខាង កើតយល់ឃើញថា រុស្ស៊ីកំពុងគំរាម កំហែងដល់សន្ដិសុខរបស់ខ្លួន។ ទាំងនោះ ហើយប្រទេសអឺរ៉ុបខាងកើតមានប៉ូឡូញ ជាដើមបានស្នើសុំអង្គការណាតូ និង អាមេរិកពង្រាយកម្លាំង ក៏ដូចជាដាក់ ប្រព័ន្ធមីស៊ីលការពារទប់ស្កាត់ការគំរាម កំហែងពីរុស្ស៊ី ។
