បាតុកម្មប្រែក្លាយទៅជាហិង្សានៅ តំបន់ជាច្រើនក្នុងទឹកដីអាមេរិកធ្វើឱ្យ កម្លាំងសន្ដិសុខអាមេរិកឃាត់ខ្លួនបាតុករ ដល់ទៅ៤០០នាក់ដែលបង្កឱ្យមាន ហិង្សា ។ ក្នុងឱកាសនោះ រុស្ស៊ីបានថ្កោល ទោសអាមេរិកថ មានសីលធម៌ក្លែង ក្លាយនៅពេលដែលបង្រៀនរុស្ស៊ីពីការ គោរពសិទ្ធិមនុស្ស ប៉ុន្ដែ
អាមេរិកមិន បានគោរពសិទ្ធិមនុស្សនោះឡើយ ។បាតុកម្មបានផ្ទុះឡើងនៅទីក្រុងបូស្ទន់ ញូវយ៉ក ឡូអេនជឺឡេស ដាឡាស់ អាត្លង់ តា ហ្វឺហ្គូសាន់ និងទីក្រុងជាច្រើនផ្សេង ទៀត ហើយបាតុកម្មប្រែក្លាយទៅជា ហិង្សា ។ ប៉ូលិសបង្ខំប្រើប្រាស់វិធីសាស្ដ្រ ចាំបាច់ទប់ស្កាត់ក្រុមបាតុករហិង្សានៅ ទីក្រុងហ្វឺហ្គូសាន់ និងមីស៊ូរី ដោយចាប់ ខ្លួនបាតុករប្រមាណ៤០០នាក់កាលពីថ្ងៃ ទី២៦ ខែវិច្ឆិកា ។
ទីក្រុងហ្វឺហ្គូសាន់មានជនជាតិស្បែក ខ្មៅរស់នៅភាគច្រើនបានប្រឈមនូវ បាតុកម្មហិង្សារយៈពេល២ថ្ងៃកន្លងមក។ ការលួចប្លន់ ដុតបំផ្លាញទីសាធារណៈជា ច្រើន ក្នុងនោះមានទាំងរថយន្ដប៉ូលិស ទៀតផង ។ អភិបាលរដ្ឋ មីស្ស៊ូរី ដែល មានទីក្រុងហ្វឺហ្គូសាន់បានសម្រេចដាក់ ពង្រាយកម្លាំងសន្ដិសុខ២២០០នាក់នៅ ទីនោះទប់ស្កាត់អំពើហិង្សា ។
ជាច្រើនទសវត្សរ៍កន្លងមក ភាពតាន តឹងរវាងប៉ូលិស នឹងជនជាតិស្បែកខ្មៅ មកពីទ្វីបអាហ្វ្រិក ដោយសារតែជនជាតិ ស្បែកខ្មៅយល់ឃើញថា ក្រុមសន្ដិសុខ មិនផ្ដល់តម្លាភាព ផ្ដល់ភាពយុត្ដិធម៌ ដល់ក្រុមជនជាតិស្បែកខ្មៅនោះឡើយ ហើយតែងតែដាក់គំនាបទៅលើក្រុម ស្បែកខ្មៅទៀតផង ។
ប្រធានាធិបតីអាមេរិក ក៏មានការ ប្រុងប្រយ័ត្ន មិនហ៊ានវិភាគអ្វីចំៗពាក់ ព័ន្ធស្ថានភាពហ្វឺហ្គូសាន់នោះឡើយ ខ្លាច ធ្វើឱ្យពលរដ្ឋកាន់តែខឹងសម្បាខ្លាំងថែម ទៀត ។
នៅថ្ងៃទី២៦ ខែវិច្ឆិកា រុស្ស៊ីបានថ្កោល ទោសដល់អំពើហិង្សានៅទីក្រុងហ្វឺហ្គូ សាន់ និងតំបន់ផ្សេងៗទៀតនៅអាមេរិក។ រុស្ស៊ីបានបញ្ជាក់ថា អាមេរិកតែងតែ បង្រៀនគេឱ្យចេះគោរពសិទ្ធិមនុស្ស ពិសេសគឺរុស្ស៊ី ផ្ទុយទៅវិញ អាមេរិក ទើបជាអ្នកបំពានសិទ្ធិមនុស្សយ៉ាងពិត ប្រាកដ ។
