ខេត្តបន្ទាយមានជ័យទោះបីជាលោកគោស៊ុំសារឿតអភិបាលខេត្តបន្ទាយមានជ័យបានដាក់វិធានឲ្យកងកំលាំងនិងមន្ត្រីជំនាញឈរជើងនៅតាម ព្រំដែនធ្វើការទប់ស្កាត់រាល់ទំនិញគេចពន្ធនិងទំនិញខូចគុណភាពដែលនាំចូលពីប្រទេសថៃយ៉ាងណាក៏ដោយ។ប៉ុន្តែកំលាំងដែលឈជើងតាមបន្ទាត់
ព្រំដែននិងឈ្មួញនៅតែបន្តឃុបឃិតគ្នានាំចូលទំនិញគេចពន្ធពីប្រទេសជិតយ៉ាងអាណាធិបតេយ្យតែដ៏ដែលធ្វើអោយបាត់បង់ចំណូលបង់ពន្ធជូនរដ្ឋយ៉ាងច្រើនសន្ធឹកសន្ធាប់ក្នុងមួយឆ្នាំៗ។
ជាក់ស្តែងនៅខេត្តបន្ទាយមានជ័យមានស្រុក.ក្រុងចំនួន៩ហើយមានស្រុក.ក្រុងដែលជាប់ព្រំដែនថៃចំនួន៥មានស្រុកម៉ាឡៃ ស្រុកអូរជ្រៅ ស្រុកស្វាយចេក ស្រុកថ្មពួកនិងក្រុងប៉ោយប៉ែត។កន្លងមកលោក គោស៊ុំ សារឿត អភិបាលខេត្តបន្ទាយមានជ័យបានប្រជុំដាក់វិធានការជារឿយៗដល់ថ្នាក់ដឹកនាំសមត្តកិច្ចនិងមន្ទីពាក់ព័ន្ធដើម្បីទប់ស្កាត់រាល់ទំនិញគេចបន្ធនិងទំនិញដែលខូចគុណភាពដឹកមកពីប្រទេសថៃយកមកលក់ស្រុកខ្មែរទំនិញដែលខូចគុណភាពក្រោយពីប្រជាពលរដ្ឋបរិគោគហើយបណ្តាលឲ្យមានជម្ងឺផ្សេងៗ។
ប៉ុន្តែសមិត្តកិច្ចទាំងនោះមិនបានអនុវត្តតាមនោះឡើយ ហើយបណ្តោយឲ្យមុខទំនិញគេចពន្ធនាំនិងទំនិញខូចគុុណភាពចូលទាំងយប់ទាំងថ្ងៃដូចគេហែគឋិនទៀតផង។ គួររំលឹកផងដែរថាទំនិញគេចពន្ធដែលនាំចូលតាមច្រករបៀងខុសច្បាប់មាននៅស្រុកម៉ឡៃនិងស្រុកអូរជ្រៅ ស្រុកស្វាយចេក ស្រុកថ្មពួក ក្រុងប៉ោយប៉ែតដែលមានច្រករបៀងជាច្រើនកន្លែងដែលនាំចូលទាំងយប់និងថ្ងៃមានដូចជាទំនិញហូបចុកនិងទំនិញហាមឃាត់មានមាន់ខូចគុណភាពនិងទំនិញផ្សេងៗទៀតជាច្រើនមុខទៀត។
លោក គោស៊ុំ សារឿត ធ្លាប់បានព្រមានជាច្រើនដងចំពោះកងកំលាំងដែលឈជើងតាមបន្ទាត់ព្រំដែនត្រូវចូលរួមទប់ស្កាត់ទំនិញគេចពន្ធនិងទំទិញហាមឃាត់តែការព្រមាននោះមិនត្រូវបានកងកំលាំងនិងឈ្មួញបានអនុវត្តតាមនុះឡើយនៅតែធ្វើផ្អើននិងបទបញ្ជាររបស់លោកអភិបាលខេត្តហើយលួចនាំចូលទាំងយប់និងថ្ងៃធ្វើបាត់បង់ចំណូលរដ្ឋយ៉ាងច្រើនសន្ធឹកសន្ធាប់ក្នុងមួយខែៗរាប់សែនដុល្លា។
យ៉ាងណាក៏ដោយប្រជាពលរដ្ឋនិយាយថាពួកគេអាងខ្សែអាងខ្នងខាងលើមិនខ្លាចបទបញ្ជាខេត្តធ្វើដើម្បីប្រយោជន៍ខ្លួននិងមេរបស់ខ្លួននៅលើមិនគឹតគូអំពីប្រយោជជាតិនិងប្រជាពលរដ្ឋឡើយ៕
