ខេត្តបន្ទាយមានជ័យជនសង្ស័យចំនួន៧នាក់មានអ្នកជក់និងអ្នកចែកគ្រឿងញៀនត្រូវបានកំលាំងកងរាជអាវុធហត្ថមូលដ្ឋានក្រុងប៉ោយប៉ែតដែលដឹកនាំដោយលោក ជាដា មេបញ្ជាការអាវុធហត្ថក្រុងប៉ោយប៉ែតបានចុះធ្វើការបង្ក្រាបនិងដកហូតបានវត្ថុតាងមានម៉ាទឹកកកចំនួន៣ថង់តូចនិងម៉ូតូ
ចំនួន៣គ្រឿងនិងវត្ថុតាងជាច្រើនទៀត។
ការបាប់ជនសង្ស័យបានចំនួន៧នគ់នោះនៅវេលាម៉ោង១០យប់ថ្ងៃទី២៥ខែវិច្ឆកាឆ្នាំ២០១៤នៅចំណុចម្តុំស្រះត្រជាក់ចិត្តថ្មីភូមិគីឡូម៉ែត្រលេខ៤សង្កាត់ផ្សារកណ្តាល ក្រុងប៉ោយប៉ែត ខេត្តបន្ទាយមានជ័យ។លោកឧត្តមសេនីយ៍ ត្រី ឪបូរិន្ទ មេបញ្ជាការកងរាជអាវុធហត្ថខេត្តបន្ទាយមានជ័យបានឲ្យដឹងថាជនសង្ស័យទាំង៧នាក់មានឈ្មោះ ១ប៊ុនវិបុត្រ ប្រុស អាយុ៣៥ឆ្នាំ២ផាន់សីុយ៉ា ប្រុស អាយុ២០ឆ្នាំ៣គឹមសីហាប្រុសអាយុ២១ឆ្នាំ៤ម៉ៅភាពប្រុសអាយុ២០ឆ្នាំ៥ឈុនលីប្រុសអាយុ១៩ឆ្នាំ៦ហួតរម្យរ៉ាវីប្រុសអាយុ៣០៧អ៊ុកសុខាប្រុសអាយុ២១ឆ្នាំអ្នកទាំងអស់រស់នៅក្រុងប៉ោយប៉ែតខេត្តបន្ទាយមានជ័យ។
លោកឪបូរិន្ទបានបញ្ជាក់ទៀតថាមុនពេលកើតហេតុដោយបានព៌តមានពីប្រជាពលរដ្ឋថាមានក្រុមជួញដូរគ្រឿងញៀននិងអ្នកជក់នៅម្តុំកើកហេតុខាងលើលោកបានចាត់ឲ្យកំលាំងអាវុធហត្ថក្រុងប៉ោយប៉ែតដឹកនាំដោយលោកជាដាដោយបញ្ជាផ្ទាល់ពីលោកឲ្យចុះប្រត្តិបត្តការចុះបង្ក្រាបជនសង្ស័យបានចំនួន៧នាក់នៅនិងកន្លែងនិងដកហួតវត្ថុតាងដូចជាគ្រឿងញៀនមេតំហ្វេតាមីុនម៉ាទឹកកកមានចំនួន៣ថង់តូចស្មើនិង០.៧២ក្រាមម៉ូតូចំនួន៣គ្រឿងនិងទូរសព្ទ័៨គ្រឿងជនសង្ស័យទាំង៧នាក់និងវត្ថុតាងត្រូវបានបញ្ជូនមកអាវុធហត្ថខេត្តបន្ទាយមានជ័យដើម្បីធ្វើការសាកសួ។
នៅមុខអាវុធហត្ថជនសង្ស័យទាំង៧នាក់បានឆ្លើយសារភាពថាខ្លួនទាំងអស់ពិតជាបានចែកចាយគ្រឿងញៀននិងជក់ពិតប្រាដកមែន។នៅថ្ងៃទី២៧ខែវិច្ឆិកាឆ្នាំ២០១៤ជនសង្ស័យនិងវត្ថុតាងត្រូវបានកសាងសនុំរឿងបញ្ជូនទៅតុលាការដើម្បីដាក់ទោសទៅតាមផ្លូវច្បាប់៕
