ព្យុះព្រិលកំពុងវាយប្រហារនៅទូទាំង សហរដ្ឋអាមេរិក ហើយតំបន់ដែលរង ផលប៉ះពាល់ខ្លាំងជាងគេនោះ គឺតំបន់ ភាគឦសាន ដោយមានជើងហោះហើរ ដល់ទៅ៩០០ជើងត្រូវលុបចោល ដោយ សារតែព្រិលធ្លាក់ក្រាសគ្របដណ្ដប់លើ ផ្លូវហោះហើរ ធ្វើឱ្យយន្ដហោះមិនអាច ចាកចេញ
បាន។ ការអាក់ខានហោះហើរ ជាច្រើនបែបនេះ ធ្វើឱ្យអ្នកដំណើររាប់ សិបពាន់នាក់ត្រូវជាប់គាំង ចំពេលដែល អាមេរិកឈានចូលដល់ថ្ងៃបុណ្យអំណរ គុណ ជាពិធីបុណ្យធំបំផុតនៅអាមេរិក ហើយពលរដ្ឋក៏ត្រូវបានអនុញ្ញាតឱ្យឈប់ ជាច្រើនថ្ងៃក្នុងពិធីបុណ្យនេះផងដែរ ។
ក្រុមហ៊ុនអាកាសចរណ៍មួយចំនួនក៏ បានអនុញ្ញតឱ្យអ្នកដំណើរផ្លាស់ប្ដូរកាល បរិច្ឆេទធ្វើដំណើរទៅ ឬចាកចេញពី ទីក្រុងនៅភាគឦសាន អាមេរិកដោយ មិនចាំបាច់បង់ប្រាក់ពិន័យដូចពេលមុន។ ផ្លូវហោះហើរនៅក្នុងអាកាសយានដ្ឋាន នានាគ្របដណ្ដប់ដោយព្រិលយ៉ាងក្រាស មិនអាចហោះហើរបាន ។ ពលរដ្ឋអាមេ រិកភាគច្រើនបង្វែទិសដៅធ្វើដំណើរតាម ផ្លូវគោកវិញម្ដង ។ ការធ្វើដំណើរតាម ផ្លូវគោកមិនមែនជារឿងប្រសើរនោះ ឡើយ ដោយជួបឧបស័គ្គជាច្រើនដូចគ្នា។
ក្រសួងព្យាករណ៍អាកាសធាតុអាមេរិក បានប្រកាសឱ្យដឹងថា នៅតំបន់ភាគ ឦសាននឹងនៅមានភ្លៀងធ្លាក់ខ្លាំង ហើយ មានទាំងភ្លៀងទឹកកកទៀតផងនាពេល ខាងមុខ ។ នៅតំបន់មួយចំនួន ក្នុងនោះ មានទីក្រុងញូវយ៉ក ទីក្រុងប៊ូសហ្វេលឡូ និងទីក្រុងមួយចំនួនទៀត កំពុងតែស្វះ ស្វែងបោសសម្អាតព្រិលនៅពេលដែលព្យុះព្រិលបានឆ្លងផុត។
សកម្មភាពឈូស ឆាយព្រិលមិនមែនជារឿងងាយស្រួល ឡើយ ដោយសារព្រិលក្រាសកករឹងដូច ជាដុំទឹកកក ។ ព្យុះព្រិលនៅអាមេរិក បណ្ដាលឱ្យពលរដ្ឋជាង១០នាក់បាត់បង់ ជីវិត ដោយមូលហេតុផ្សេងៗ ក្នុងនោះ មានទាំងគ្រោះថ្នាក់ចរាចរណ៍ ។ ក្រៅពី នេះក៏មានពលរដ្ឋរាប់លាននាក់រងផល ប៉ះពាល់ផ្ទះសម្បែងជាច្រើនត្រូវបាក់ ស្រុតដោយព្រិលយ៉ាងក្រាសគ្របដណ្ដប់ ពីលើ ។
នៅតំបន់ខ្លះមានកម្រាស់ព្រិល ដល់ទៅជាង២ម៉ែត្រ ហើយពលរដ្ឋចាំ បាច់ត្រូវតែឡើងលើដំបូលផ្ទះទាំងអាកាស ធាតុត្រជាក់ ដើម្បីឈូសឆាយព្រិលចេញ ចៀសវាងដំបូលផ្ទះស្រុតចុះមក 9
