កំពង់ឆ្នាំង៖អ្នកបើកបររថយន្តម្នាក់បានកៀបជាប់ជើងក្នុងកាប៊ីនរថយន្ត១ម៉ោងកន្លះទើបគាស់ចេញយករួចរបួសធ្ងន់ ចំណែកព្រូរថយន្តម្នាក់របួសស្រាល នៅក្នុងគ្រោះថ្នាក់បើករថយន្តធ្លាក់ប្រឡាយជំរៅជាង២ម៉ែត្រដែលគេសង្ស័យថាបើកបររថយន្តងោក។ហេតុការណ៍នេះបានកើតឡើង
នៅវេលាម៉ោង១និង៣០នាទីរសៀលថ្ងៃទី២៩ ខែវិច្ឆិកា ឆ្នាំ២០១៤ នៅចន្លោះគីឡូម៉ែត្រលេខ១០២និង១០៣ នៅលើផ្លូវជាតិលេខ៥ស្ថិតក្នុងភូមិទព័ត្បែង ឃុំពង្រ ស្រុករលាប្អៀរ ខេត្តកំពង់ឆ្នាំង។ សមត្ថកិច្ចនគរបាលចរាចរណ៍ស្រុក ចុះត្រួតពិនិត្យកន្លែងកើតហេតុបានអោយដឹងថា៖រថយន្តបង្កគ្រោះថ្នាក់ដោយខ្លួនឯងនេះម៉ាកហ៊ីយ៉ាន់ដាយពណ៍ស ពាក់
ស្លាកលេខ ឆ៥០០៦ភព២ អ្នកបើកបរឈ្មោះ រ៉ាយ អាយុ៣១ឆ្នាំ រស់នៅភូមិគ្រួស ឃុំរលាប្អៀរ ស្រុករលាប្អៀររបួសបាក់ជើងខាងស្តាំ ចំណែកព្រូរថយន្តឈ្មោះ សីហា អាយុ១៧ឆ្នាំ រស់នៅខេត្តកំពង់ស្ពឺ របួសស្រាល។
\
មុនពេលកើតហេតុគេបានបើករថយន្តដឹកចំណីសត្វពីត្បូងទៅជើង មកដល់ចំណុចកើតហេតុ ក៏បានរេចង្កូតពីស្តាំទៅឆ្វេងប្រមាណជាង១០ម៉ែត្រ ទើបធ្លាក់ចូលក្នុងប្រឡាយទឹកបុកជាប់និងដើមអាកាស្យា ចំណែកទ្រុងរថយន្តបានដាច់ចេញពីតួក្រឡាប់បះជើងចាក់
ការ៉ុងចំណីសត្វពេញប្រឡាយទឹក។នៅក្នុងហេតុការណ៍នេះបានធ្វើអោយអ្នកបើកបររថយន្តកៀបជើងជាប់ក្នុងកាប៊ីនរថយន្តរយះពេល១ម៉ោងកន្លះហូរឈាមជោគខ្លួន ទើបអ្នកស្រុកនិងអ្នកធ្វើដំណើរជួយគាស់យកចេញបាន បណ្តាលអោយអ្នកបើកបររូបនោះរបួសធ្ងន់បាក់ជើងខាងស្តាំ ចំណែកព្រូរថយន្តរបួសស្រាល។ 
ក្រោយពេលកើតអ្នករបួសត្រូវបានរថយន្តសាមុយមន្ទីរពេទ្យខេត្តដឹកបញ្ជូនមកកាន់មន្ទីរពេទ្យខេត្តដើម្បីជួយសង្គ្រោះព្យាបាល។ដោយឡែករថយន្តត្រូវបាន ម្ចាស់គេសុំសមត្ថកិច្ចស្ទូចយកទៅជួសជុលប្រើប្រាស់។ ករណីគ្រោះថ្នាក់ខាងលើនេះត្រូវបានសមត្ថកិច្ចក៏ដូចជាប្រជាពលរដ្ខសន្និដ្ឋានថា អាចបណ្តាលមកពីការបើកបររថយន្តងោកងុយ ឬស្រវឹង ព្រោះបើកបររថយន្តនៅខាងស្តាំដៃសុខៗ បែរជាទៅធ្លាក់ក្នុងប្រឡាយនៅឯខាងឆ្វេងដៃឯណាវិញ៕
