ក្រុងប៉ោយប៉ែត៖ជនមានអំណាចម្នាក់ បានកសាងសង្វៀនជល់មាន់មួយកន្លែង នៅចំកណ្តាលក្រុងប៉ោយប៉ែតតែម្តង ដែលមានគំរោងបើកជល់ យកលុយតែមិនបានសម្រេចដូចបំណង ដោយសារត់ការមិនចេញ ព្រោះមានមហាជនរិះគន់ច្រើនពេក ទើបផ្អាកសកម្មភាពរត់ច្បាប់ ជាមួយនិងអាជ្ញាធរតែម្តងទៅ ។
សូមបញ្ជាក់ដែលថា នៅក្នុងក្រុងប៉ោយប៉ែតសព្វថ្ងៃនេះ គឺមានបនល្បែងស៊ីសងគ្រប់ប្រភេទ បានរីកដូចផ្សិត នៅគ្រប់ទីកន្លែងទាំងអស់ ក្នុងតំបន់ខាងលើនោះ ឯសមត្ថកិច្ចប៉ូលិស ដែលប្រចាំការនៅទីនោះ ហាក់ដូចជាគ្មានលិទ្ធិភាព បង្គ្រាបបាននោះទេ បង្កអោយកើនឡើងនៅបទល្មើសជាច្រើន ដូចជា ចោរលួច ចោរឆក់ ចោរប្លន់ តាមលំនៅដ្ឋានប្រជាពលរដ្ឋជាប្រចាំ រហូតមកដល់ពេលនេះ គេមិនដែលឃើញអស់លោកប៉ូលិស ចុះទៅបង្គ្រាបយកស្នាដៃនោះទេ។
គួរំលឹកដែលថា ថ្មីៗនេះ គេបានសង្គេតឃើញជនមានអំណាចម្នាក់បានលួចឃុបឃិតគ្នាជាមួយនិងអាជ្ញាធរមូលដ្ឋាន កសាងសង្វៀនជល់មានខ្នាតធំ នៅចំកណ្តាលក្រុងប៉ោយប៉ែតតែម្តងធ្វើអោយភ្ញាក់ផ្អើលពេញគ្រប់ប្រជាពលរដ្ឋ រហូតលាន់មាត់ថា អ្នកធ្វើសង្វៀនជល់មាន់នោះគឺមិនមែនជាមនុស្សធម្មតាទេ ហើយអាជ្ញាធរចាប់ពីមូលដ្ឋានរហូតដល់ក្រុង កំពុងត្រៀមចេញលិខិតស្នាម ជូនទៅម្ចាស់សង្វៀននោះផងដែរ ប៉ុន្តែសំណាងអាក្រក់ ត្រូវបានមហាជនរិះគន់ភ្លាមៗ ទៅលើអាជ្ញាធរ ណាដែលហ៊ានចេញលិខិតស្នាមអោយបើកមានសង្វៀនជល់មានជាលក្ខណះល្បែងស៊ីសង នាពេលខាងមុខនេះ ក្រោយមកគេក៏ឃើញមានការស្ងប់ស្ងាត់ទៅវិញ ព្រោះមិនមានច្បាប់អនុវត្តអោយ បង្កើតនៅសង្វៀនជល់មាន់នៅកណ្តាលក្រុងនោះទេ៕
តាមការលើកឡើងរបស់ប្រជាពលរដ្ឋបានបញ្ជាក់ថា សង្វៀនជល់មាននោះគឺស្ថិតនៅ ភូមិប៉ោយប៉ែត សង្កាត់ប៉ោយប៉ែត ទល់មុខទីលានរបស់គណះកម្មការទទួលពលករចំណាក់ស្រុក ជាប់និងដីផ្សារមង្គល់ របស់លោកឧកញ៉ា ហង្សស៊ីផា សព្វថ្ងៃនេះ ប្រជាពលរដ្ឋបានបន្តទៀតថា ពួកគាត់កំពុងតែឃ្លាំមើលបើសិនជាសង្វៀនជល់មាននោះដំណើរការគឺពួកគាត់នាំគ្នាធ្វើបាតុកម្មដល់សាលាខេត្តបន្ទាយមានជ័យជាមិនខានឡើង ព្រោះគាត់មិនចង់អោយមានបនល្បែងស៊ីសងបន្ថែមទៀត នៅចំកណ្តាលក្រុងប៉ោយប៉ែតនោះទេ ខណះដែលសព្វថ្ងៃនេះ មានកន្ទុយលេខ មានបៀអាប៉ោង មានការភ្នាល់បាល់ តាមប្រពន្ធអ៊ីនធើណែត គឺវា
ធ្វើអោយប៉ះពាល់ដល់ភូមិឃុំមានសុវត្ថិភាពធ្ងន់ធ្ងរស្ទើរតែរាល់ថ្ងៃ ហើយសមត្ថកិច្ចពុំដែលឃើញ នាំគ្នាបង្គ្រាបបបានជោគជ័យនោះទេ ដោយឡែកម្ចាស់សង្វៀនដែលមានអំណាចធំដុំនោះ ហើយមិនហ៊ានបញ្ជេញឈ្មោះប្រាប់អ្នកយកព័ត៏មាននោះទេ តែលោកបានបង្ហើបអោយដឹងស្ងាត់ៗថា លោកខំរត់ការណាស់ដែរតែអាជ្ញាធរមិនទាន់ចេញលិខិតស្នាមអោយនោះទេ បើសិនជា លិខិតស្នាមមានពេលណាគឺលោកដំណើរការ បើកសម្ភោធទីលានជល់មាន់នោះតែម្តង៕ដោយពៅរី
