តាមភា្នក់ងារគ្រប់គ្រង និង កាត់បន្ថយគ្រោះមហន្តរាយជាតិបានឲ្យដឹងថា ចំនួនអ្នកស្លាប់ បានកើនដល់ ០៤ នាក់ ហើយ ខណៈពេលដែល មនុស្សចំនួន ០២ នាក់រងរបួស និង បាត់ខ្លួន ០៨ នាក់ ផ្សេងទៀត ដោយសារតែវិសម្ពាធត្រូពិក ឆេប៊ី វាយប្រហារភាគកណ្តាល ទៅដល់ភាគខាងត្បូង
ប្រទេសហ្វីលីពីន នេះ។ទីភ្នាក់ងារព័ត៌មានចិន ស៊ិនហួ ចេញផ្សាយនៅថ្ងៃអាទិត្យ ទី៣០ ខែវិច្ឆិកា ឆ្នាំ២០១៤នេះ ដោយយោងតាមភ្នាក់ងារក្នុងតំបន់ខាងលើបានឲ្យដឹងទៀតថា អ្នកស្លាប់ ០២ នាក់ខាងលើនេះស្ថិតនៅខេត្តសេប៊ូ ភាគកណ្តាលប្រទេស និង បន្ថែមអ្នកស្លាប់ ០២ នាក់ទៀតក្នុងចំណោមអ្នកដែលរាយការណ៍ថាបាត់ខ្លួន។
គួរបញ្ជាក់ថា សម្ពាធទាប ឬ ព្យុះត្រូពិក ក៏បានបណ្តាលឲ្យប្រជាជន ១.៦១៧គ្រួសារ ស្មើនឹងសមាជិក ៧.៥២៨ នាក់ ជម្លៀសទៅកន្លែងមានសុវត្ថិភាព និង ផ្ទះប្រជាជនជាង ៥០០ខ្នងក្នុងខេត្តចំនួន ០៥ ក៏បានទទួលរងការខូតថែមទៀត។ វិសម្ពាធនេះ បានកើនឡើងនៅព្រឹកថ្ងៃសុក្រ ហើយស្ងប់ស្ងាត់ទៅវិញ នៅយប់ថ្ងៃដដែល៕
