សៀមរាប : បន្ទាប់ពីកម្លាំងនគរបាលចរាចរណ៍ផ្លូវគោកខេត្តសៀមរាបបានទទួលសេចក្តីជូនដំណឹងស្តីពីការបែងចែកប្រភេទយានជំនះឲ្យប្រើប្រាស់បើកបរលើកំណាត់ផ្លូវជាតិលេខ៦ចាប់ពីចំណុចភ្លើងសញ្ញាចរាចរណ៍សណ្ឋាគារសុខាអង្គរដល់រង្វង់មូលព្រះបាទជ័យវរ័ន្មទី៧និងផ្លូវ ឆ្ពោះទៅកាន់
អាកាសយានដ្ឋានអន្តរជាតិសៀមរាប ។ ជាក់ស្តែងជាប្រចាំលោក វរសេនីយ៍ទោ ជឹម សុវណ្ណ នាយការិយាល័យចរាចរណ៍ផ្លូវគោកនៃស្នងការដ្ឋាននគរបាលខេត្តសៀមរាបបានដឹកនាំកម្លាំងក្នុងការិយាល័យជំនាញចុះប្រតិបត្តិការណ៍ផ្សព្វផ្សាយនិងពន្យល់ណែនាំដល់អ្នកបើកបរយានជំនះអោយយល់ពីការប្រើប្រាស់ផ្លូវទៅតាមស្លាកសញ្ញាចរាចរណ៍ថ្មីនៅត្រង់ចំណុចខាងលើ ។
ដោយលោក វរសេនីយ៍ទោ ជឹម សុវណ្ណ បានបញ្ជាក់ថា ខ្សែផ្លូវមេធំនៅចំកណ្តាល៖ អនុញ្ញាតសម្រាប់តែរថយន្ត ២ប្រភេទគឺ រថយន្តទេសចរណ៏នឹង រថយន្ត ដឹក ជញ្ជូន អ្នកដំណើរ។ ចំនែកយានជំនិះ ផ្សេងៗទៀត និងយានយន្ត ដឹកជញ្ជូនទំនិញគ្រប់ប្រភេទ ក្រៅពីរថយន្ត២ ប្រភេទនេះ អាចបើកបរ ឆ្លងកាត់ទទឹង ផ្លូវបាន តាមចន្លោះអនុញ្ញាត ។
ខ្សែ ផ្លូវរណបទាំងសងខាង ជាប្រភេទផ្លូវ ឯកទិសមានគន្លង ២ ស្របគ្នាគឺ ខ្សែផ្លូវខាង ជើង ខ្សែ មេធំ សម្រាប់ទិសដៅ ចេញពីក្រុង និងខ្សែ ផ្លូវខាងត្បូង ខ្សែមេធំ សម្រាប់ទិស ដៅចូល ក្នុង ក្រុង ដោយក្នុង គន្លង ផ្លូវរណបនីមួយៗ មានគូសគំនូស ចែកជា 0២ សម្រាប់យានជំនិះ មានល្បឿន យឿត បើកបរ ខាងស្តាំដៃនឹង
ល្បឿន លឿនបើកបរ ខាងឆ្វេងដៃ ដោយ អនុញ្ញាត អោយយាន ជំនិះគ្រប់ប្រភេទ រួមមាន កង់ ម៉ូតូ រ៉ឺម៉ក រ៉ឺម៉កម៉ូតូ ម៉ូតូកង់បី រទេះ អាច
ធ្វើចរាចរណ៏លើខ្សែ ផ្លូវរណបនេះបាន លើកលេងតែរថយន្តទេសចរណ៏ រថយន្តដឹកជញ្ជូន អ្នកដំណើរ នឹងរថយន្តដឹកជញ្ជួនទំនិញធំៗ គ្រប់ប្រភេទ នឹង មិនអនុញ្ញាតអោយប្រើប្រាស់ នឹង ធ្វើចរាចរណ៏លើផ្លូវរណប នេះឡើយ ។
ជាមួយគ្នានេះដែរ មិនអនុញ្ញាតិ អោយយានជំនិះគ្រប់ ប្រភេទ ចតលើចិញ្ចើមផ្លូវរណប ទាំងសងខាង ព្រមទាំងមិនអនុញ្ញាត អោយតាំងរបស់របរ លក់ ដូរធ្វើអាជីវកម្ម នឹងផ្សាយពានិជ្ជកម្មលើចិញ្ចើមផ្លូវនេះឡើយ។
លោក ព្រិន្ទបាលទោ ខេង ខេមរា
