យ៉ាងហោចណាស់មនុស្សប្រមាណ ៤១ នាក់បានដួលសន្លប់ ដោយសារ ការលេចធ្លាយឧស្ម័នពុលពីរោងចក្រគីមីមួយកន្លែង នៅក្បែររដ្ឋធានី Bhopal នៃរដ្ឋ Madhya Pradesh ប្រទេសឥណ្ឌា កាលពីចុងសប្តាហ៍មុន នេះ ។នាមុនពេលកើតហេតុខាងលើនេះ កម្មករក្នុងរោងចក្រជាច្រើននាក់
តែងតែ ត្អូញ ត្អែរពីការពិបាកដកដង្ហើម ដោយសារមានការលេចធ្លាយឧស្ម័នពុល ខណៈដែលជនរងគ្រោះមួយចំនួន ក្នុងចំនោមពួកគេត្រូវបានបញ្ជូនទៅ កាន់មន្ទីពេទ្យ ហើយក្នុងនោះមានកម្មករ ០៣ នាក់កំពុងស្ថិតក្រោមស្ថាន ភាពធ្ងន់ធ្ងរ ។
ស្របពេលជាមួយគ្នានេះ មន្ត្រីប៉ូលិសក្នុងតំបន់សង្ស័យថា ឧស្ម័នលេចធ្លាយនោះ ជាឧស្ម័ន Chlorine ដែលត្រូវបានប្រើប្រាស់នៅក្នុង រោងចក្រ ។
គួររំលឹកផងដែរថា កាលពីថ្ងៃទី០២ ខែធ្នូ ឆ្នាំ១៩៨៤ កន្លងទៅមានមនុស្សរាប់ពាន់នាក់បានបាត់បង់ជីវិត ដោយសារតែឧប្បទ្ទវេហតុលេច ធ្លាយឧស្ម័នពុល របៀបនេះ នៅក្នុងរដ្ឋធានី Bhopal ម្តងរួចមកហើយ ៕
