ខេត្តព្រះសីហនុៈកម្លាំងការិយាល័យស្រាវជ្រាវប្រឆាំងគ្រឿងញៀននៃកងរាជអាវុធហត្ថខេត្តព្រះសីហនុ ធ្វើការបង្ក្រាបបទល្មើសគ្រឿងញៀនពីរករណីផ្សេងគ្នា ព្រមទាំងធ្វើការឃាត់ខ្លួនជនសង្ស័យចំនួន៤នាក់ ។ កាលពីវេលាម៉ោង១៤និង២០នាទី ថ្ងៃទី ២៩ ខែវិច្ឆិការ ឆ្នាំ២០១៤ នៅចំណុចក្រុមទី
១៧ ភូមិ៣ សង្កាត់លេខ៤ ក្រុង ខេត្តព្រះសីហនុ និងធ្វើការឃាត់ខ្លួនបានជនសង្ស័យចំនួន០៣នាក់ និងនៅវេលាម៉ោង១៦ និង០០នាទី ថ្ងៃទី២៩ ខែវិច្ឆិកាឆ្នាំ២០១៤ កម្លាំងជំនាញបានធ្វើការឃាត់ខ្លួនជនសង្ស័យម្នាក់នៅចំណុចមុខផ្ទះសំណាក់គារ៉ា ស្ថិតក្នុងក្រុម២ ភូមិ៤ សង្កាត់លេខ៤ ក្រុង ខេត្តព្រះសីហនុ ។
លោកវរសេនីយ៏ត្រី ឆាយ រិន នាយការិយាល័យស្រាវជ្រាវប្រឆាំងគ្រឿងញៀននៃកងរាជអាវុធហត្ថខេត្តព្រះសីហនុមានប្រសាសន៌ថា ដោយមានការចង្អុលបង្ហាញ និងបទបញ្ជាររបស់លោកឧត្តមសេនីយ៌ត្រី ហេង ប៊ុនទី មេបញ្ជាការកងរាជអាវុធហត្ថខេត្តព្រះសីហនុ ជម្រុញឪ្យកងរាជអាវុធហត្ថទាំងអស់ចូលរួមធ្វើការទប់ស្កាត់ និងស្រាវជ្រាវបង្ក្រាបបទល្មើសគ្រឿងញៀននៅទូទាំងខេត្តព្រះសីហនុ រហូតឈានទៅបង្គ្រាបមុខសញ្ញាចែកចាយ ជួញដូរគ្រឿងញៀន ធ្វើការស្រាវជ្រាវរកមុខសញ្ញាចែកចាយ និងជនសង្ស័យជួញដូរគ្រឿងញៀន រហូតកំណត់កំណត់បានមុខសញ្ញា ឈានធ្វើការឃាត់ខ្លួនបានជនសង្ស័យបានចំនួន០៤នាក់ និងវត្ថុតាងមួយចំនួន ។
លោកនាយការិយាល័យបានបញ្ជាក់ថា ករណីទី១ ឃាត់ខ្លួនជនសង្ស័យចំនួន០៣នាក់ ទី១ឈ្មោះ សុំ សុខលី ភេទប្រុស អាយុ ២៩ឆ្នាំ ជនជាតិខ្មែរ ទី២ ឈ្មោះ ឆាយ បូរី ភេទប្រុស អាយុ៣១ឆ្នាំ ជនជាតិខ្មែរ ទី៣ ឈ្មោះ នួន ធិតា ភេទស្រី អាយុ២៣ឆ្នាំជនជាតិខ្មែរ ព្រមទាំងដកហូតបានវត្ថុតាងមួយចំនួន មានម្សៅពណ៌សរថ្លា ចំនួន១៦កញ្ចប់តូច ថ្នាំគ្រាប់ពណ៌ផ្កាឈូកចំនួន០២គ្រាប់ ជញ្ជីងថ្លឹង០១ ដបជក់គ្រឿងញៀន០៣ ទូរសព្ទ័ដៃចំនួន០១គ្រឿង ។ ករណីទី២ ឃាត់ខ្លួនជនសង្ស័យបាន០១នាក់ ឈ្មោះ គឹម តឿ ភេទប្រុស អាយុ៣១ឆ្នាំ ជនជាតិវៀតណាម និងដកហូតបានម្សៅពណ៌សរថ្លា ០១កញ្ចប់តូច ។
ជនសង្ស័យទាំង០៤នាក់ និងវត្ថុតាង ត្រូវបានធ្វើការសាកសួរក៌សាងសំណុំរឿង ដើម្បីបញ្ជូនទៅកាន់សាលាដំបូងខេត្តចាត់វិធានការតាមផ្លូវច្បាប់ ៕
