កំពង់ធំ=ស្ដ្រីម្នាក់ដោយសារតែខ្លួនពុំចង់បានកូនតទៅទៀត ព្រោះតែរវល់និង ការងារ និងភាពចង់មានចង់បានពេកក៏សំរេចចិត្តយកកូនពី ក្នុងផ្ទៃដែលមានអាយុទើបតែ៤ខែចេញ ដោយខ្លួនកំពុង តែមានរោគខ្សោយបេះដូងផងនោះទើបធ្វើអោយមានគ្រោះថ្នាក់ដល់បាតបង់អាយុជីវិតលាចាកលោក ដោយទុកអោយកូន២នាក់កំព្រារស់នៅជាមួយឪពុកជាអ្នកចិញ្ចឹមបីរបាច់ថែរក្សា។
ស្ដ្រីរងគ្រោះមានឈ្មោះ ស៊ុយ គឹមឡូន អាយុ៣៤ឆ្នាំ ប្ដីមានឈ្មោះទុយ រីយ៉ា អាយុ៤៤ឆ្នាំ ក្នុងគ្រួសារ មានកូន ២នាក់មានជីវភាពធូរធារ មានមុខរបរលក់ចាប់ហួយ រស់នៅក្នុង ភូមិបាល្ល័ង្គលិច ឃុំដំរីជាន់ខ្លា ក្រុងស្ទឹងសែន ខេត្តកំពង់ធំ។
តាមការអោយដឹងពីរប្រជាពលរដ្នបានអោយដឹងថាស្ដ្រីរងគ្រោះរូបនេះ បានទៅអោយ គ្រូពេទ្យ ឆ្មប ដែលមានបទពិសោទច្រើនឆ្នាំដែរពុំដែលមាននណារមានបញ្ហាអ្វីរហូត ដល់អាយុជីវិតបែបនេះទេ តែការយកកូនចេញនេះពុំបានប្រាប់ម៉ែ ឬប្ដីអោយដឹងនោះទេ លុះពេទ្យឆ្មបបានយកកូនចេញហើយ ឈាមក៏ហូរចេញមិនឈប់ដោយសារគាត់មានរោគខ្សោយបេះដូងផងនោះធ្វើគាត់សន្លប់បាត់ស្មារតី រួចក៏បញ្ចូនទៅពេទ្យខេត្តទើបដឹងថាស្ដ្រីរងគ្រោះបានបាត់បងជីវិតទៅហើយ នៅវេលា ម៉ោង ៩,២០នាទី យប់ថ្ងៃទីច័ន្ទ ទី១ ខែ ធ្នូ ឆ្នាំ២០១៤។
លោកសាយ ណូរ៉ា ព្រះរាជអាជ្ញារងអមសាលាដំបូងខេត្តបានមានប្រសាសន៍ថា លោកបានដឹកនាំកំលាំងមន្ដ្រី កងរាជអាវុធក្រុងស្ទឹងសែន នគរបាលសង្កាត់ដំរីជាន់ខ្លា ព្រមទាំងក្រុមគ្រូពេទ្យខេត្ត និងមន្ដ្រី មួយចំនួន ទៀត ដើម្បី ចុះពិនិត្យ និងធ្វើកុសលវិច្ច័យ រួច ទើបដឹងថាដោយសារតែគ្រូពេទ្យ ឆ្មបរូបនេះជាពេទ្យ បឋម បានធ្វើអោយ មានការធ្វេសប្រហែស និងគ្មាន
បទពិសោធគ្រប់គ្រាន់ គ្មាន ឧបករណ៍ប្រើប្រាស់គ្រប់គ្រាន់ ធ្វើអោយកូនដែលនៅក្នុងពោះយកចេញបានតែ៣០%ចំណែក៧០%ទៀត ដាច់នៅក្នុងពោះ គួរផ្សំ និង អ្នករងគ្រោះ មានជំងឺខ្សោយបេះដូង រាំរ៉ៃផងនោះទើបធ្វើអោយប៉េះពាល់ដលអាយុជីវិត តែទោះជាយ៉ាងណាក៏ដោយ នេះជាការសំរេចចិត្តរបស់ជនរងគ្រោះដែល ព្រមព្រៀងអោយគ្រូពេទ្យ ជួយយកកូនចេញ៕ប៊ុនរិទ្ធី
