ខេត្តព្រះសីហនុ នគរបាលនាយកដ្ឋានប្រឆាំងបទល្មើសសេដ្ឋកិច្ចនៃក្រសួងមហាផ្ទៃ សហការជាមួយនគរបាលការិយាល័យប្រឆាំងបទល្មើសសេដ្ឋកិច្ចខេត្តព្រះសីហនុ ដឹកនាំដោយលោក រស់ សារាំ ព្រះរាជអាជ្ញារងសាលាដំបូងខេត្តព្រះសីហនុ ចុះឆែកឆេរសង្ស័យទីតាំងផ្ទះយីហោ ៣៣៣
លក់ទូរសព្ទ័ដៃ វិថី ៧មករា ស្ថិតនៅភូមិ១ សង្កាត់លេខ៤ ក្រុង ខេត្តព្រះសីហនុ នៅព្រឹកថ្ងៃទី០២ ខែធ្នូ ឆ្នាំ២០១៤ ។
លោកវរសេនីយ៌ឯក ទូច យុទ្ធា ប្រធានការិយាល័យប្រឆាំងបទល្មើសកម្មសិទ្ធិបញ្ញា នៃក្រសួងមហាផ្ទៃ ដោយមានការបញ្ជារផ្ទាល់ពីលោកឧត្តមសេនីយ៌ឯក ជា សុមេធី ប្រធាននាយកដ្ឋានប្រឆាំងបទល្មើសសេដ្ឋកិច្ច និងជាអគ្គស្នងការរងនៃក្រសួងមហាផ្ទៃ មានប្រសាសន៌ថា ដោយមានបណ្តឹងពីក្រុមហ៊ុន វីស្តារ គ្រុប ដែលបានទទួលសិទ្ធិផ្តាច់មុខនៃការនាំចូលផលិតផលឡេលាបស្បែក ពីសហរដ្ឋអាមេរិក ពីម្ចាស់ដើម និងបានចុះបញ្ជីត្រឹមត្រូវនៅក្រសួងពាណិជ្ជកម្ម និងក្រសួងសុខាភិបាល ។
ក្នុងយុទ្ធនាការឆែកឆេរលំនៅដ្ឋានខាងលើ កម្លាំងនគរបាលបានរកឃើញឡេលាបស្បែក OBAGI MEDICAL (and logo) ចំនួន១២មុខ និងដកហូតពីទីតាំងផ្ទះលេខ៣៣៣ របស់លោកស្រី ហួង ចាន់ណា ភេទស្រី អាយុ ៤៧ឆ្នាំ ស្រុកកំណើតភូមិស្វាយកណ្តាល ឃុំស្វាយសាច់ភ្នំ ស្រុកស្រីសន្ធរ ខេត្តកំពង់ចាម ទីលំនៅបច្ចុប្បន្នក្រុម៤១ ភូមិ១ សង្កាត់លេខ៤ ក្រុង ខេត្តព្រះសីហនុ ។ និងនាំម្ចាស់ទីតាំងយកមកសាកសួរ ដើម្បីបន្តនិតិវិធីនៅស្នងការដ្ឋាននគរបាលខេត្តព្រះសីហនុ តាមបញ្ជារបស់លោក រស់ សារាំ ព្រះរាជអាជ្ញារងសាលាដំបូងខេត្តព្រះសីហនុ ។
លោក ឡុង ថារ៉េត នាយកចាត់ចែងទូទៅក្រុមហ៊ុនវីស្តារ គ្រុប បានមានប្រសាសន៌ថា ក្រុម ហ៊ុនបានធ្វើការផ្សព្វផ្សាយតាមកាសែត ទូរទស្សន៌ជាច្រើនលើករួចមកហើយ ឪ្យអាជីវករទាំងអស់ឈប់កាលួចនាំចូល ស្តុក និងចែកចាយ ផលិតផលរបស់ក្រុមហ៊ុន វីស្តារគ្រុប ។ បើមិនដូច្នោះទេ និងទទួលខុសត្រូវតាមផ្លូវច្បាប់ ។ ក្រុមហ៊ុនវីស្តារ គ្រុប មានទីតាំងនៅរាជធានីភ្នំពេញ និងសាខាមួយទៀតនៅខេត្តបាត់ដំបង ដែលបានទទួលសិទ្ធិផ្តាច់មុននាំចូលនូវឡេលាបស្បែកពីសហរដ្ឋអាមេរិក និងមានការចុះបញ្ជីការនៅក្រសួងពាណិជ្ជកម្ម និងត្រួតពិនិត្យត្រឹមត្រូវពីក្រសួងសុខាភិបាល ។
ដោយមានការឪ្យដឹងពីអតិថិជនដែលបានទិញផលិតផល OBAGI (and logo) ពីផ្ទះលេខ៣៣៣ ដែលមានទីតាំងខាងលើយលទៅលាបមិនមានប្រសិទ្ធិភាព និងខាតបង់ថវិកាបន្ថែមទៀត ទើបក្រុមហ៊ុនបានបញ្ជូនភ្នាក់ងារចុះមកតាមដានត្រួតពិនិត្យ និងជាវផលិតផល ដើម្បីយកមកធ្វើការពិសោធន៌រហូតឈានទៅកំណត់បានមុខសញ្ញាការលួចនាំចូល ស្តុក និងលក់ចែកចាយនូវផលិតផលគ្រឿងសម្អាងម៉ាក OBAGI (and logo) ដោយខុសច្បាប់ពីកម្មសិទ្ធិបញ្ញារបស់ក្រសួងពាណិជ្ជកម្ម ។
បើតាមការឪ្យដឹងពីលោក ទូច យុទ្ធា ប្រធានការិយាល័យនគរបាលប្រឆាំងបទល្មើសសេដ្ឋកិច្ចឪ្យដឹងថា ក្នុងការលួចនាំចូល ស្តុក និងចែកចាយគ្រឿងសម្អាងម៉ាក OBAGI MEDICAL (and logo) របស់ក្រុមហ៊ុនវីស្តារ គ្រុប មានពីរករណី ទី១ លោកស្រី ហួង ចាន់ណា ត្រូវដោះស្រាយជាមួយក្រុមហ៊ុន ដើម្បីដកពាក្យបណ្តឹង និងទី២ គឺយើងធ្វើទៅតាមផ្លូវច្បាប់ ប្រសិនបើរកឃើញថា លោកស្រីហួង ចាន់ណា បានលួចនាំចូល ស្តុក និងចែកចាយគ្រឿងសម្អាងម៉ាក OBAGI MEDICAL (and logo) ពិតប្រាដកដមែនត្រូវជាប់ទោសពី១ឆ្នាំ ដល់៥ឆ្នាំ ៕
