រតនគិរីៈ មនុស្សចំនួន៣នាក់រងរបួសធ្ងន់និងស្រាលខណៈពេលអ្នកទាំង៣បើកម៉ូតូមកដល់ផ្លូវបំបែកត្រូវរថយន្តមួយបាំងកន្លះកៀរដួលបោកនឹងថ្នល់ជាតិ បែកឈាមហើយរថយន្តបើករត់ដោយសុវត្តិភាព។ ហេតុការណ៍គ្រោះថ្នាក់ចរាចរណ៍នេះបានកើតឡើងនៅវេលាម៉ោង១២.០០ ថ្ងៃទី១ ខែធ្នូ
ឆ្នាំ២០១៤ ត្រង់ចំណុចផ្លូវបំបែកភូមិអូរកន្សែង សង្កាត់បឹងកន្សែង ក្រុងបាលុង ខេត្តរតនគិរី។ សាក្សីបានបញ្ជាក់នៅកន្លែងកើតហេតុនោះថា គេបានឃើញម៉ូតូម៉ាកឆៃលីកញ្ចាស់គ្មានស្លាកលេខជិះគ្នា៣នាក់គ្មានមួកសុវត្ថិភាព មកដល់ចំណុចកើតហេតុបានបត់ធ្វេងហើយមានរថយន្តមួយបាំងកន្លះបើកយ៉ាងលឿនបានជ្រុលចង្កូមកគៀរអ្នកជិះម៉ូតូទាំង៣នាក់ធ្វើអោយដួលប្រកាច់ពេញថ្នល់បែកឈាមពេញមុខខ្លះបោកក្បាលថ្នល់ជាតិសន្លប់ធំធ្វើអោយមានការភ្ញាក់ផ្អើលដល់ប្រជាពលរដ្ឋនៅម្តុំនោះ។
គ្រូពេទ្យបង្អែកខេត្តបានអោយដឹងថាជនរងគ្រោះទី១ឈ្មោះអេង អាយុ១០ឆ្នាំ បោកក្បាល់ របួសធ្ងន់ ទី២ឈ្មោះនួន ហ័ស អាយុ១០ឆ្នាំ បាក់ដងកាំបិត ទី៣ឈ្មោះ សុខគារ អាយុ១៩ឆ្នាំ អ្នកឌុបត្រូវទ្រូងរបួសធ្ងន់។ ចំណែកប៉ូលិសចរាចរណ៍ខេត្តកំពុងតាមចាប់រថយន្តដែលបង្ករនោះដែលមានស្លាកលេខភ្នំពេញ2A-0426ម៉ាកតូកូម៉ា ពណ៌ទឹកប្រាក់។
ហើយរហូតមកដល់ថ្ងៃទី២ ខែធ្នូ ឆ្នាំ២០១៤ នេះកុមារាទាំង៣នាក់ ដែលរថយន្តតាកូម៉ាកៀរនិងម៉ូតូឆាលី បានអាណាព្យាបាលយកទៅព្យាបាលនៅមន្ទីរពេទ្យបង្អែខេត្តក្នុងបន្ទប់លេខ៦ ហើយមិនត្រូវបានប្រធានមន្ទីរបង្អែកខេត្តនិងបុគ្គលិកពេទ្យមិនយកចិត្តទុកដាក់ព្យាបាលដោយសារតែឪពុកម្តាយមានជីវាភាពក្រីក្រគ្មានលទិ្ធភាពបង់ថ្លៃសេវាជូនមន្ទីរពេទ្យ ទើបគ្រូពេទ្យទាំងនោះមិនយកចិត្តទុកដាក់ ហើយរបួសនៅតែមានសភាពឈាមហូរដដែរ និងជាំពេញផ្ទៃមុខ កុមារានោះបានស្រែកយំសុំឪពុកម្តាយចេញទៅផ្ទះវិញដោយសារគ្រូពេទ្យមិនព្យាបាល។
ហើឪពុកម្តាយកុមារារងគ្រោះទាំង៣ ដង្ហោយរកសម្បុរសជនជួយព្យាបាលដល់កុមារាទាំង៣នាក់នោះផងគួរបញ្ជាក់ផងដែរថា ប្រធានមន្ទីរ និងបុគ្គលិកនៅក្នុងខេត្តរតនគិរីតែងតែរើសអើងចំពោះប្រជាពលរដ្ឋ ឫជនជាតិដើមភាគីតិចណាដែលសំរាកព្យាបាលនៅមន្ទីរពេទ្យបង្អែកនោះ ហើយមជ្ឈដ្ឋានតែងតែសុំណូមពរដល់ប្រមុខរាជរដ្ឋាភិបាល និងក្រសូងសុខាភិបាលជួយអធិការកិច្ចចំពោះប្រធានមន្ទីរពេទ្យ និងបុគ្គលិកពេទ្យបង្អែកខេត្តរតនគិរីផង៕
