បន្ទាយមានជ័យ: លោក ឈួន ហៃ ប្រធានការិយាល័យគយ ច្រកទ្វារអន្តរជាតិប៉ោយប៉ែត ចំណូលពន្ធគយតាមច្រកទ្វារអន្តរជាតិប៉ោយប៉ែតពីមួយខែទៅមួយខែឆ្នាំ២០១៤មានការកើនទ្បើងទៅតាមផែនការកំណត់របស់ក្រសួងនិងអគ្គនាយកដ្ឋានគយនិងរដ្ឋាករ។ហើយលោករំពឹងថាចំណូលនេះនឹង
កើនបន្ថែមទៀតនៅឆ្នាំ២០១៥បន្ទាប់ពីថ្នាក់លើបានអោយបង្កើតទីតាំងមួយជាក់លាក់សំរាប់អនុវត្តន៍ ការឆែកឆេរ ត្រួត ពិនិត្យទំនិញ ក្នុងគ្រប់រទេះអូស ទាំងធំ និងទាំងតូច ឬឆៃលីរបស់កម្មករ និងរបស់ម្ចាស់ទំនិញ ដែលដឹកពីផ្សាររោងក្លឿ ប្រទេសថៃ មកប៉ោយប៉ែត ប្រទេសកម្ពុជា។
លោកបានបន្តអោយដឹងកាលពីព្រឹកថ្ងៃទី២ធ្នូនេះទៀតថាតាមការគ្រោងទុកដែលបានការចង្អុលបង្ហាញ របស់លោករដ្ឋមន្ត្រី ក្រសួងហិរញ្ញវត្ថុ និងការណែនាំរបស់ អគ្គនាយកដ្ឋានគយ និងរដ្ឋាករ ព្រមទាំងការគាំទ្រ របស់អាជ្ញាធរ និងសមត្ថកិច្ច កងកម្លាំងផង មន្ត្រីគយនឹងអនុវត្តន៍ ពេញលេញ ការឆែកឆេរ ត្រួតពិនិត្យល្អិតល្អន់ ទំនិញគ្រប់ប្រភេទ ផ្ទុកក្នុងរទេះអូសទាំងធំ ទាំងតូច ដែលចរាចរណ៍ឆ្លងព្រំដែន ច្រកទ្វារអន្តរជាតិប៉ោយប៉ែត ចាប់ពីថ្ងៃទី១២ ខែធ្នូ ឆ្នាំ២០១៤ តទៅដោយរទេះដឹកទំនិញទាំងអស់គៀងប្រមូលផ្តុំ ដាក់នៅចំណុចអតីតផ្សាររ៉ា-កុកអាន ស្ថិតក្នុងភូមិ/សង្កាត់/ក្រុងប៉ោយប៉ែត។
កន្លងមកមន្ត្រីគយរបស់លោកមិន ត្រួកពិនិត្យលើរទេះអូសដឹកទំនិញអោយឈប់យូរ ដើម្បីឆែកឆេរ នៅចំណុចប្លុក ច្រកទ្វារព្រំដែនបានទេ ព្រោះនាំកកស្ទះចរាចរណ៍ បាត់បង់សណ្តាប់ធ្នាប់ និងមិនល្អសំរាប់ច្រកនេះដែលមាន ទាំងភ្ញៀវទេសចរ ឆ្លងកាត់ក្នុងមួយថ្ងៃៗរាប់រយនាក់ហើយពេលខ្លះអោយតែមានការត្រួកពិនិត្យឬចាប់ទំនិញតែងរងការតវ៉ាពីបងប្អូនជាកម្មករអូសរទេះ។
លោក ឈួន ហៃ បានបញ្ជក់បន្ថែមថាចាប់តាំងពីការអនុវត្តលើការបង់ពន្ធ១០០%តាមកំណែទម្រងថ្មីរបស់រដ្ឋាភិបាលនីតិការទី៥ដែលមានសម្តេចហ៊ុន សែន ជាប្រមុខមន្ត្រីគយច្រកអន្តរជាតិប៉ោយប៉ែតបានធ្សព្វធ្សាយច្បាប់ស្តីពីគយដល់អាជីវករនិងកម្មករអូសរទេះអោយយល់ពីចាប់ពន្ធគយឃើញថាពួកគាត់បានយល់ដឹងច្រលនងាកមករត់ច្បាប់ដើម្បីបង់ពន្ធលើទំនិញនាំចូលហើយក៍បានកាត់បន្ថយការតវ៉ាជំទាស់ពីពួកគាត់ដែរ។
ទោះបីជាមានការត្រួកពិនិត្យល្អិតល្អន់ទៅលើរទេសអូសយ៉ាងណាក៍ដោយនៅពេលខាងមុខទៅលើទីតាំងតែមួយក៍ដោយ លោកនិងប្រមូល មន្ត្រីគយចល័ត របស់ការិយាល់័យច្រក ដែលបានដកពីប៉ុស្តិ៍ត្រួតពិនិត្យ ចំណុចផ្លូវជាតិលេខ៥ កែងផ្លូវ ៥០ ម៉ែត្រ ហើយជំនួសដោយគយចល័ត របស់សាខាខេត្តអោយមកប្រចាំការត្រៀម បង្ក្រាបអំពើរត់ពន្ធគយ នៅច្រករបៀងចំនួន២៦ ច្រកខាងជើង និងខាងត្បូង ភូមិសាស្ត្រក្រុងប៉ោយប៉ែត។
ជាមួយនិងការប្រមូលពន្ធគយតាមច្រកអន្តរជាតិប៉ោយប៉ែតនេះដែរ លោក គោស៊ុំ សារឿត អភិបាលខេត្តបន្ទាយមានជ័យ នៅក្នុងកិច្ចប្រជុំសាមញ្ញ លើកទី៦ អាណត្តិទី២ ក្រុមប្រឹក្សាខេត្ត កាលពីថ្ងៃទី២៧ ខែវិច្ឆិកា ឆ្នាំ២០១៤បានលើកទ្បើងថាចំណូលពន្ធគយ ក្នុង១ខែៗ នៅច្រកទ្វារអន្តរជាតិ ប៉ោយប៉ែត ខេត្ត បន្ទាយមានជ័យ ប្រមូលបានគិតជាប្រាក់ដុល្លាគឺ ១០ ទៅ ១១ លានដុល្លារអាមេរិក ឬក្នុង ១ឆ្នាំ បានជាង ១០០ លានដុល្លារដោយការប្រមូលបានច្រើនដូចនេះក៍ដោយសារ មន្ត្រីគយ និងជំនាញពាក់ព័ន្ធ បានខិតខំទប់ស្កាត់ បង្ក្រាបអំពើរត់គេចពន្ធគយ ទើបចំណូលពន្ធ រក្សាបានថេរ ឬលើសផែនការ។
ហើយសូមអោយបន្តខិតខំធ្វើអោយបានគ្រប់ ឬលើសផែនការបន្ថែមទៀត ព្រោះចំណូលទាំងនេះ សម្រាប់ទ្រទ្រង់ថវិកាជាតិ៕សូមបញ្ជក់ថារឿងរទេសអូសដឹកទំនិញជារឿងមួយចម្រងចម្រាសបំផុតកន្លងមកតែងមានការតវ៉ាពីកម្មករអូសរទេះពេលដែលសមត្ថកិច្ចធ្វើការចាបើនៅទំនិញដែលពួកគាត់សីុឈ្នួលដឹក៕
