ព្រៈវិហារ៖ប្រតិភូនៃគណៈកម្មាធិការសម្របសម្រួលអន្ដរជាតិដើម្បី ការអភិរក្សនិងកិច្ចការពារប្រាសាទព្រៈវិហារ ( ICCព្រៈវិហារ ) មួយក្រុមដឹកនាំដោយ ឯកឧត្តម បណ្ឌិតសភាចារ្យ សុខ អាន ឧបនាយករដ្ឋមន្ដ្រី រដ្ឋមន្ដ្រី ទទួលបន្ទុក ទីស្ដីការគណៈរដ្ឋមន្ដ្រី និងជាប្រធាបេតិកភណ្ឌកម្ពុជាបាន
អញ្ជើញចុះទៅពិនិត្យមើលអំពីការរៀបចំផែនការអភិវឌ្ឍន៍ ការគ្រប់ គ្រង ការអភិរក្ស នៅតំបន់ បេតិកភណ្ឌព្រៈវិហារ ក្រោយពេលដែលតំបន់នេះ ត្រូវបានដាក់ បញ្ចូលទៅក្នុងបញ្ជី បេតិកភណ្ឌពិភពលោក កាលពីថ្ងៃទី៧ ខែកក្កដា ឆ្នាំ២០០៨ ក្នុងសម័យ ប្រជុំពេញអង្គរបស់អង្គការយូណេស្កូ នៅទីក្រុងកេប៊ិច នៃប្រទេសកាណាដា។
ក្នុងឪកាសអញ្ជើញដល់គណៈប្រតិភូ បានទៅពិនិត្យមើលទីតាំងសំខាន់ៗមួយចំនួន ដែលរាជ រដ្ឋាភិបាលកម្ពុជារៀបចំនិងអភិវឌ្ឍឡើងវិញ រួមមាន សារមន្ទីរធម្មជាតិសកលសម្ដេចតេជោ. ហ៊ុនសែនព្រៈវិហារ.ការដាំកូនឈើ ការថែទាំប្រាង្គបាសាទ និងការរៀបចំហេដ្ឋារចនាសម្ព័ន្ធ ផ្សេងៗ ជាច្រើនកន្លែង ទៀតផងដែរ ។
ឆ្លងកាត់ពីរជ្ជកាលមួយ ទៅរជ្ជកាលមួយ និងពីរបបមួយ ទៅរបបមួយ ជាច្រើនសតវត្សនាពេលកន្លងមក រួមទាំងសង្គ្រាមនិងគ្រោះធម្មជាតិដោយពុំមានការថែទាំច្បាស់លាស់ ប្រាសាទបូរាណមួយនេះត្រូវទទួលរងការខូចខាតយ៉ាងធ្ងន់ធ្ងរ។ ដើម្បីថែរក្សាកេរ្ដ៍ដំណែលរបស់បុព្វបុរសខ្មែរជំនាន់មុនឲ្យបាននៅគង់វង្ស
សំរាប់មនុស្សជាតិជំនាន់ក្រោយៗ បានស្គាល់អំពីតម្លៃនៃវប្បធម៌ រាជរដ្ឋាភិបាលបានសំរេចដាក់បញ្ជូលប្រាសាទព្រៈវិហារក្នុងបញ្ជីរបេតិកភណ្ឌពិភពលោកព្រមទាំងបានចំណាយថវិកាដើម្បីធ្វើការរៀបចំស្ដារកសាងរាល់ហេដ្ឋារចនាសម្ព័ន្ធការគ្រប់គ្រងថែទាំ អភិរក្សប្រាង្គប្រាសាទនិងធ្វើការអភិវឌ្ឍន៍ តំបន់បេតិកភណ្ឌ នេះទាំងមូលឡើងវិញបន្ទាប់៕
