អ្នករើសអេតចាយម្នាក់ត្រូវប្រជាពលរដ្ឋព្រួតវាយទ្រោមខ្លួនបន្ទាប់ពីរូបគេធ្វើសកម្មភាពគាស់សោរផ្ទះមានបំណងចូលលួចទ្រព្យសម្បត្តិ ផ្ទះលេខ២៦ដែលមានទីតាំងស្ថិតតាមបណ្តោយផ្លូវ២៩៤ក្នុងសង្កាត់បឹងកេងកងទី១ខណ្ឌចំការមនកាលពីវេលាម៉ោង១២និង៤០នាទីយប់ថ្ងៃទី០៣ខែធ្នូឆ្នាំ២០១៤ ។
ជនសង្ស័យខាងលើមានឈ្មោះជីងខៃពៅអាយុ២០ឆ្នាំមានទីលំនៅសង្កាត់វាលស្បូវខណ្ឌច្បារអំពៅមុខរបរជាអ្នករើសអេតចាយ។
យោងតាមសម្តីរៀបរាប់របស់ប្រជាពលរដ្ឋដែលបានឃើញហេតុការណ៍បានអោយដឹងថានៅមុនពេលកើតហេតុគេសង្គេតឃើញជនសង្ស័យជិះម៉ូតូរ៉ឺម៉ក់មួយគ្រឿងដឹកពេញទៅដោយអេតចាយហើយជិះទៅវិញទៅមកជាច្រើនលើកច្រើនសារតែម្នាក់ឯងតាមបណ្តោយផ្លូវ២៩៤លុះមកដល់វេលាកើតហេតុស្រាប់តែជនសង្ស័យរូបនោះបានជិះម៉ូតូរ៉ឺម៉ក់មកឈប់នៅចំណុចមុខផ្ទះលេខ២៦រួចក៏បានយកប្រដាប់ប្រដាររបស់របស់ខ្លួនពីក្នុងរទេះមកធ្វើសកម្មភាពកាត់សោរផ្ទះខាងលើបានសម្រេចទៅហើយតែត្រូវប្រជាពលរដ្ឋដែលរស់នៅជិតកន្លែងកើតហេតុ ឃើញក៏នាំគ្នាស្រែកឆោរឡោរហើយនាំគ្នាព្រួតវាយរហូតទ្រោមខ្លួនទើបប្តឹងទៅសមត្ថកិច្ចអោយចុះមកអន្តរាគមន៍។
បច្ចុប្បន្នជនសង្ស័យត្រូវបានសមត្ថកិច្ចឃាត់ខ្លួនយកទៅកាន់ប៉ុស្តិ៍រដ្ឋបាលនគរបាលបឹងកេងកងទី១ដើម្បីធ្វើការព្រមាននិងព្រលែងអោយទៅវិញដោយយល់ថាជនសង្ស័យខាងលើមិនទាន់បានធ្វើសកម្មភាពបានសម្រេចនៅឡើយណាមួយបើតាមចម្លើយសារភាពគឺរូបគេមិនធ្លាប់ធ្វើសកម្មភាពបែបនេះពីមុខមកទេជាពិសេសជាជនក្រីក្រទៀតនោះទើបសមត្ថកិច្ចធ្វើការអប់រំហើយអោយទៅផ្ទះវិញ៕
