បាត់ដំបង: រយ:កាលកន្លងមកគេសង្គេតឃើញថាសកម្មភាពលក់កន្ទុយលេខនៅក្រុងបាត់ដំបងគឺមានសភាពស្ងប់ស្ងាត់ដោយសារតែមានការរឹតបន្តឹងពីកំលាំងសមត្ថកិច្ចនៃស្នងការដ្ឋាននគរបាលខេត្តក្នុងគោលបំនងធានាអោយបាននូវគោលនយោបាយភូមិ ឃុំមានសុវត្ថិភាពតាមអនុសាសន៍ដ៏ថ្លៃថ្លារបស់ប្រមុខនៃរាជរដ្ឋាភិបាលកម្ពុជា. ។
ប៉ុន្តែការបង្ក្រាបនិងភាពស្ងប់ស្ងាត់នេះបានត្រឹមតែមួយចំអិនកំពឹសតែប៉ុណ្ណោះគឺសកម្មភាពចាស់បានរើឡើងវិញគ្រប់ទីកន្លែងមិនខុសអីពីវែកចកកណ្តាលទន្លេអញ្ចឹងដែរ ដោយគ្រាន់តែថាទីតាំងខ្លះលួចលក់ស្ងាត់ៗនៅក្នុងតូប ឯតូបខ្លះទៀតដែលជាកម្មសិទ្ធិរបស់មន្ត្រីប៉ូលីសនិងមន្ត្រីកងរាជអាវុធហត្ថគឺគេបានឈរកត់កន្ទុយលេខនេះជាចំហរតែម្តងដោយគ្មានខ្លាចរអារដល់
ផ្លូវច្បាប់បន្តិចណាសោះឡើយជាក់ស្តែងនៅត្រង់ចំនុចក្បែច្រមុះជ្រូកទល់មុខស្នងការដ្ឋាននគរបាលខេត្តដែលជ្រកក្រោមស្លាកwingនិងនៅក្បែផ្លូវឡាអេ គឺជាទីតាំងរបស់សមត្ថកិច្ចនគរបាល ចំណែកនៅខាងមុខសារមន្ទីរនិងមុខក្លឹបជ័យជំនះគឺជារបស់មន្ត្រីកងរាជអាវុធហត្ថ ហើយទីតាំងទាំងនេះនៅលក់ជាប់ជាប្រចាំបើទោះបីជាកំលាំងសមត្ថកិច្ចកំពុងធ្វើការបង្ក្រាបនាពេលកន្លងមកយ៉ាងណាក៏ដោយ. ។
ស្ថិតក្នុងសកម្មភាពលក់ឆ្នោតយ៉ាងគគ្រឹកគគ្រេងនេះដែរមេឆ្នោតកណ្តាលមួយរូបបាននិយាយថាសព្វថ្ងៃការដែលហ៊ានលក់ឡើងវិញនេះគឺដោយសារតែមានការយកលុយដាក់ខែពីសំណាក់សមត្ថកិច្ចគ្រប់អង្គភាពនៅក្នុងខេត្តដូចជាប៉េអឹមក្រុង ប៉េអឹមខេត្ត និងប៉ូលីសក្រុងព្រមទាំងប៉ូលីសខេត្តផងដែរប៉ុន្តែគេមិនដឹងថាតើប៉ូលីសខេត្តមានការចែករំលែកគ្នាឬអត់បានជាមានមួយក្រុមត្រៀមចាំបង្ក្រាប និងមួយក្រុមទៀតអ្នកដើរយកលុយដោយអ្នកលក់ឆ្នោតបានកំណត់ភិនភាគថាប៉ូលីសខេត្តដែលតែងតែមកយកលុយប្រចាំខែនោះរាងស្គមខ្មៅសក់រួញនិងប្រើប្រាស់ម៉ូតូម៉ាកclick014ព៌ណស. ដែលភិនភាគ.នេះគឺជាបុគ្គលមួយរូបស្ថិតក្នុងក្រុមបង្ការ បង្ក្រាបនៃស្នងការដ្ឋាននគរបាលខេត្តបាត់ដំបង. ។រាល់បញ្ហាខាងលើនេះលោក ម៉េង លាង នាយការិយាល័យព្រហ្មទណ្ឌកំរិតស្រាលធ្លាប់បាននិយាយថា ការបង្ក្រាបនេះគឺនៅតែធ្វើជាប់រហូតអោយដូចភ្លៀងរលឹមដោយមិនអនុញ្ញាតិអោយមន្ត្រីណាមួយទៅដើរយកលុយដូចគ្រាកន្លងមកនោះឡើង ហើយបើលោកដឹងលោកនឹងស្នើសុំអោយដកចេញពីមន្ត្រីប៉ូលីស
តែម្តង. ។ ពាក្យសំដីនេះគេទទួលស្គាល់បានថាពិតជាត្រឹមត្រូវសំរាប់ថ្នាក់ដឹកនាំ
និងក្នុងនាមជាមេក្រុមបង្ការ បង្ក្រាប ប៉ុន្តែការលបដើរប្រមូលលុយដាក់ខែនេះប្រហែលជាលោកមិនបានជ្រាបទេមើលទៅបានជាបុគ្គលរូបនោះនៅតែបន្តសកម្មភាពនេះដដែលនិងជាបុគ្កលដែលញៀននឹងល្បែងឆ្នោតថែមទៀតផង. ។
ជាក់ស្តែងនៅថ្ងៃទី 1-12-14 គឺជាថ្ងៃដែលឆ្នោតសៀមត្រូវចេញដូច្នេះគេសង្គេតឃើញថា
ល្បែងឆ្នោតនៅតែមានសកម្មភាពរស់រវើកដដែលដោយគ្មាននរណាអាចមានសិទ្ធិទៅរារាំងបានឡើយគឺនៅទូទាំងក្រុងបាត់ដំបងតែម្តង បើនៅតែដូច្នេះមែនចោរកម្មក៏នៅតែកើតមានឡើង ហើយគោលនយោបាយភូមិ ឃុំមានសុវត្ថិភាពក៏អត់សុពលភាពដែរដោយសារតែល្បែងទាំងនេះមិនមានលទ្ធភាព
បង្ក្រាបបានបែបនេះ.
