ខេត្តកំពង់ឆ្នាំង: ទោះជារយះពេល៣៦ឆ្នាំកន្លងទៅ ក៏ប្រជាពលរដ្ឋស្រុកជលគីរី ខេត្តកំពង់ ឆ្នាំងនៅ ចងចាំ ជានិច្ច នូវថ្ងៃទី២ ធ្នូ ឆ្នាំ១៨៧៨ ជាថ្ងៃបង្កើត រណសិរ្យសាមគ្គី សង្គ្រោះជាតិកម្ពុជា ដែលបច្ចុប្បន្នមានឈ្មោះថា រណសិរ្យសាមគ្គី អភិវឌ្ឍន៍មាតុភូមិកម្ពុជា។
នៅព្រឹកថ្ងៃទី៣ ខែធ្នូ ឆ្នាំ២០១៤ នៅស្រុកជលគីរីនេះ បានបើកពិធីអបអរសាទរ ខួបអនុស្សាវរីយ៍ លើកទី៣៦ ទិវាកំណើតរណសិរ្យសាមគ្គី អភិវឌ្ឍន៍មាតុភូមិកម្ពុជា (០២ ធ្នូ ១៩៧៩-០២ ធ្នូ ២០១៤) ដែលមានព្រះសង្ឍ,សិស្សានុសិស្សនិងប្រជាពលរដ្ឋចូលរួមចំនួន១៣៦៦នាក់ ក្រោមអធិបតីភាព ឯកឧត្តម ម៉ែន វុទ្ធី អនុប្រធានក្រុមការងារថ្នាក់កណ្ដាលចុះជួយខេត្តនិងជា ប្រធានក្រុមការងារ ចុះជួយស្រុកជលគីរីនិងលោក អ៊ុយ សុផល អនុប្រធានក្រុមការងារថ្នាក់ កណ្ដាលកណ្ដាលចុះ ជួយស្រុកជលគីរី។
នៅឪកាសនេះ លោក យិន សាវេន សមាជិកគណបក្សខេត្តនិងជាប្រធានគណ:កម្មាធិការ គណបក្សស្រុក បានអានសុន្ទរកថា សម្ដេចអគ្គមហាពញ្ញាចក្រី ហេង សំរិន ប្រធានកិត្តិយស គណ បក្សប្រជាជនកម្ពុជា ,ប្រធានរដ្ឋសភា និងជាប្រធានក្រុមប្រឹក្សាជាតិ រណសិរ្យសាមគ្គី អភិវឌ្ឍន៍មាតុ ភូមិកម្ពុជា ដែលមានខ្លឹមសារសង្កត់ធ្ងន់ថា ខួមអនុស្សាវរីយ៍លើកទី៣៦ ជាទិវាកំណើតរណសិរ្យ២ ធ្នូ ជាប្រវត្តិសាស្ត្រ ដែលបានរំដោះ មាតុភូមិនិងប្រជាជនកម្ពុជា ឲ្យរស់រានមានជិវិតឡើងវិញ រួចពី គ្រោះមហន្តរាយនិងការកាប់សម្លាប់ នៃរបបកម្ពុជាប្រជាធិប្បតេយ្យ ប៉ុល ពត។មានរណសិរ្យ២ធ្នូ ទើបមានថ្ងៃ៧មករា មានថ្ងៃ៧មករា ទើបមានអ្វីៗដូចសព្វថ្ងៃនេះ។
សុន្ទរកថានេះ បានបន្តថា បច្ចុប្បន្ន ប្រជាជនកម្ពុជា បានរស់នៅយ៉ាងសុខដមរមនា ក្នុងសន្តិ ភាព សេរីភាពនិងសន្តិសុខដ៏ប្រសើរ រួបរួមសាមគ្គីគ្នា កំណែទម្រង់ដ៏ទូលំទូលាយ និងស៊ីជម្រៅ ដែលកាន់តែពង្រីក បាននូវលក្ខណ:សម្បត្តិអនុគ្រោះថែមទៀត ដល់ការអភិវឌ្ឍន៍គ្រប់វិស័យ ក្រោម ការដឹកនាំដ៏វាងវៃ របស់សម្ដេច អគ្គមហាសេនា បតីតេជោ ហ៊ុន សែន ជានាយករដ្ឋមន្ត្រី។
រាជរដ្ឋាភិបាលកម្ពុជាកំពុងបន្តអនុវត្តយ៉ាងសកម្មនូវយុទ្ធសាស្ត្រចតុកោណដែលជារបៀបវារ: នៃគោលនយោបាយសេដ្ឋកិច្ចដ៏សំខាន់។សុន្ទរករបស់សម្ដេច អគ្គមហាពញ្ញាចក្រី ហេង សំរិន បានបញ្ជាក់យ៉ាងច្បាស់ថា ជោកជ័យ ,ក្ដីសប្បាយរីករាយនិងសមិទ្ធិផលស្អេកស្កះដែលប្រជាជនកម្ពុជា ទទួលបាននូវពេលនេះ គឺជាស្មារតី ២ ធ្នូនិងជ័យជំនះ៧មករានេះឯង។
លោក ហ៊ុល គឹមហាក់ អនុប្រធានសហភាព-សហព័ន្ធយុវជន ស្រុកជលគីរី បានឡើងចំ ណាប់អារម្មណ៍និងប្ដេជ្ញាចិត្តនៅក្នុងពីធីមិទិន្ទិញនេះថាស្មារតីយុវជនក៏ដូចជាប្រជាពលរដ្ឋស្រុកជល គីរី គឺចងចាំជានិច្ច នូវគុណណូបការ: ថ្ងៃ២ ធ្នូ ជាថ្ងៃកំណើតរណសិរ្យសាមគ្គីអភិវឌ្ឍន៍មាតុភូមិកម្ពុជា ព្រោះថា បើគ្មានថ្ងៃនេះ គឺគ្មានថ្ងៃ៧មករា បើគ្មានថ្ងៃ៧មករា គឺគ្មានអ្វីៗដូចសព្វថ្ងៃ។
លោក ហ៊ុល គឹមហាក់ បានបន្តថា ក្នុងនាមសហភាព-សហព័ន្ធ យុវជន និងប្រជាជនស្រុក ជលគីរី ប្ដេជ្ញាចិត្តគាំទ្រជានិរន្ដនូវ គោលនយោបាយ គណបក្សប្រជាជនកម្ពុជានិងរាជរដ្ឋាភិបាល ដែលមាន សម្ដេច អគ្គមហាសេនាបតីតេជោ ហ៊ុន សែន ជានាយករដ្ឋមន្ត្រី។
ជាកិច្ចបញ្ចប់នៃពីធីមិន្ទិញ ទិវាកំណើតរណសិរ្យសាមគ្គី អភិវឌ្ឍន៍មាតុភូមិកម្ពុជា (០២ ធ្នូ ១៩៧៩-០២ ធ្នូ ២០១៤)នេះ ឯកឧត្ដមម៉ែន វុទ្ធី និងលោក អ៊ុយ សុផល គណធិបតី រួមទាំងភ្ញៀវ កិត្តិយលនិងប្រជាពលរដ្ឋក្នុងអង្គពីធីនេះ បានធ្វើពីធីរាប់បាត ព្រះសង្ឈ ៣៦អង្គ ដើម្បីឧទ្ទិសកុសល ជូន វិញ្ញាណក្ខ័ន្ធ ជន រងគ្រោះ ដែលបានស្លាប់ក្នុងរបបប្រល័យពូជសាសន៍ ប៉ុល ពត។
