រតនគិរីៈ ប្តីប្រពន្ធទីទាល់ក្រមួយគួរប្រសូត្របានកូនស្រីមួយនាក់ជាចំណងដៃ តែជាអកុសលកូនស្រីចំឡែកពោះវៀននៅក្រៅពោះទាំងអស់។ហេតុការណ៍នេះកើតឡើងកាលពីវេលាម៉ោង៧យប់ថ្ងៃទី០២ ខែធ្នូ ឆ្នាំ២០១៤នៅក្នុងមណ្ឌលសុខភាពស្រុកបរកែវ ខេត្តរតនគិរី។
ដោយមានទាយិការមួយនាក់កើតមកពោះវៀននៅក្រៅទាំងអស់។ គ្រួសារ នេះគេស្គាល់ថា ឈ្មោះទូច វ៉ាន់ថា អាយុ២៤ឆ្នាំ ជនជាតិខ្មែរ មានស្រុកកំណើតនៅភូមិបឹងទា ឃុំរាយប៉ាយ ស្រុកកងមាស ខេត្តកំពង់ចាម មករកស៊ីដើរលក់នំបុ័ង ស្នាក់នៅផ្ទះជួលភូមិ១ ឃុំឡាមិញ ស្រុកបរកែវ ត្រូវជាប្តីនិងប្រពន្ធឈ្មោះ គ្រី ស្រីណុច អាយុ២១ឆ្នាំ ជនជាតិខ្មែរ បានរៀបការជាប្តីប្រពន្ធជាមួយគ្នាទើបតែបានកូនស្រីមួយនាក់នេះជាចំណងដៃ តែប៉ុណ្ណោះ។
បើតាមប្រភពពត៌មានពីប្រជាពលរដ្ឋជិតខាងបានអោយដឹងថា គ្រួសារមួយគូរនេះគឺជាគ្រូសារក្រីក្រមួយរកស៊ីដើរលក់នំបុ័ងចិញ្ចឹមជីវិត ហើយសព្វថ្ងៃនេះកំពុងជួបនៅភាពក្រីក្រយ៉ាងខ្លាំងម្យ៉ាងទៀតសព្វថ្ងៃជួលផ្ទះគេរស់នៅទៀតផង។ បើតាមការបញ្ជាក់ពីសាច់ញាតិរបស់គ្រួសារមួយនេះបានបញ្ជាក់ថា ប្អូនរបស់គាត់បានសំរាលកូននេះនៅក្នុងមន្ទីរពេទ្យបង្អែកស្រុកបរកែវ ហើយក្រោយពីដឹងថាទាយិការមួយនេះកើតមកខុសគេនោះ គ្រូពេទ្យ នេះមិនបានយកចិត្តទុកដាក់មើលថែអ្វីនោះទេ រហូតដល់ព្រឹកឡើងវេលាម៉ោង៨ទៅ៩ ហើយនៅតែមិនមានគ្រូពេទ្យមកមើលទៀតនោះ ទើបសម្រេចចិត្តសុំចេញដើម្បីនាំទាយិកានេះទៅព្យាបាលខាងក្រៅវិញ។
ក៏ប៉ុន្តែដោយសារតែឪពុកម្តាយទាយិការពុំមានប្រាក់ជួលរថយន្តគេទៅនោះទើបសុំអោយរថយន្តពេទ្យស្រុកនេះជួយដឹកយកទៅពេទ្យនៅភ្នំពេញ ប៉ុន្តែត្រូវគ្រូពេទ្យឆ្លើយថាបើរថយន្តពេទ្យជួនទៅគឺអស់ប្រាក់ចាប់ពី៥០០ទៅ៦០០ដុល្លា ឯណោះ ទើបអាចទៅបាន។ ហេតុដូច្នេះហើយទើបសាច់ញាតិសម្រេចចិត្តរករថយន្តអ្នកជិតខាងដឹកយកទាយិការនេះមកក្រុងបានលុងដើម្បីរករថយន្តឈ្នួលទៅពេទ្យនៅភ្នំពេញតែម្តង តែជាអកុសល់ពេលដែលមកដល់បេនឡាន
បានលុងទាយិការនេះប្រែប្រួលសន្លប់ទើបនាំយកទៅមន្ទីរពេទ្យបង្អែកខេត្តដើម្បីជួយសង្គ្រោះបន្ទាន់ ពេលទៅដល់មន្ទីរពេទ្យលោកគ្រូពេទ្យបង្អែកខេត្តបានជួយធ្វើចលនា និងដាក់អុកស៊ីសែនផងដែរ ទើបទាយិការដឹងខ្លួនវិញ។ ដោយមើលឃើញពីភាពលំបាករបស់គ្រួសារមួយនេះហើយទើបអ្នកសារពត៌មាន២-៣នាក់បានជួយថវិការបន្តិបន្តូចម្នាក់ដើម្បីអោយជិះឡានទៅមន្ទីរពេទ្យភ្នំពេញផងដែរ។
នៅវេលាម៉ោង១១និង៣០នាទីនេះដែរគេឃើញតំណាងអង្គការសកម្មភាពដើម្បីសុខភាពប្រចាំខេត្តរតនគិរីបានចុះទៅសាកសួរ និងជួយរករថយន្តដើម្បីដឹកទាយិការនោះទៅសង្គ្រោះមន្ទីរពេទ្យគន្ធបុប្ជាជាបន្តទៀតផង៕
