ក្រុងប៉ោយប៉ែត៖ជនក្លែងបន្លំជាសង្ឃ៤នាក់ ត្រូវបានប៉ូលិសក្រុងប៉ោយប៉ែតក្របួចបានទាំងកណ្តាលយប់ ព្រោះក្រុមប្រជាការពារភូមិ មានសុវត្ថិភាពបានប្រទេះឃើញ ជនសង្ស័យខាងលើ ដើរហេតរហូត ពេញភូមិ ធ្វើអោយមានការសង្ស័យដល់អ្នកស្រុក ទើបប្រជាពលរដ្ឋរួមគ្នា ជាមួយនិង
សមត្ថកិច្ចចាប់សង្ឃទាំង៤អង្គក្លែងក្លាយនោះ មកសួរនាំនៅអធិការដ្ឋាន តែម្តងទៅ។
សូមបញ្ជាកដែលថា ហេតុការខាងលើនោះ គឺកើតមាននៅម៉ោង១១ ៣០នាទី យប់ថ្ងៃទី៣ ខែធ្នូ ឆ្នាំ២០១៤នេះតែម្តង ត្រង់ចំណុចភូមិប្រជាធម្មខាងលិច សង្កាត់ផ្សារកណ្តាល ក្រុងប៉ោយប៉ែត ខេត្តបន្ទាយមានជ័យ ខណះដែលមានក្រុមក្មេងទំនើង៤នាក់ មកពីខេត្តកំពត់ គ្រោងស្លៀកពាក់ជាសង្ឃ ហើយបម្រុងចូលដីថៃ តាមច្រករបៀង ហើយក៏ត្រូវកម្លាំងប្រជាការពារភូមិ ប្រទេះឃើញតែម្តងទៅ ខណះដែលសង្ឃក្លែងក្លាយនោះកំពុងរៀបចំបែបបទ អោយទៅមេខ្យល់រត់ការច្បាប់ ចេញទៅតាមច្រករបៀង តែសំណាងអាក្រក់ក៏ត្រូវចាប់ខ្លួនតែម្តង។
តាមការលើកឡើងរបស់ប្រជាការពារភូមិខាងលើនោះ បានបញ្ជាក់ថា មុនពេលឈានដល់ការឃាត់ខ្លួន ក្រុមសង្ឃខាងលើនោះ គឺគេសម្គល់ឃើញមានសង្ឃ២អង្គ ដែលមានឈ្មោះ ១យឹមបូរ ហៅយឹមវ៉ន អាយុ៥៦ឆ្នាំ ជាសង្ឃក្លែងក្លាយ ទី២ឈ្មោះ ពាំងណុប ហៅមាសរដ្ឋា អាយុ៣៩ឆ្នាំ ជាសង្ឃក្លែងក្លាយ ឯ២អ្នកផ្សេងទៀត មានឈ្មោះ១ អឹងថន អាយុ៤០ឆ្នាំ ២ហ៊ិមសៅ ជាជនស៊ីវិល ជនទាំង៤នេះត្រូវគេអោយដឹងថា រស់នៅក្នុង ស្រុកដង់ទុង ខេត្តកំពត់ សេចក្តីរាយការណ៏ដ៏ដែលពីក្រុមប្រជាការពារភូមិខាងលើនោះ បានបង្ហើបអោយដឹងទៀតថា ទាំងនាក់ស្លៀបពាក់ជាសង្ឃ និងនាក់មិនទាន់ស្លៀកពាក់ជាសង្ឃ គឺជាបក្សពួកតែមួយ ហើយមកពីស្រុកខេត្តដូចគ្នា និងគ្រោងស្លៀកពាក់ស្បង់ជីវរ ដូចគ្នា បន្លំភ្នែកសមត្ថកិច្ច និងអាជ្ញាធរនៅក្នុងក្រុងប៉ោយប៉ែត ដើម្បីចូលក្នុងដីថៃខុសច្បាប់ ។
ដោយឡែកអុំ សុផល អធិការដ្ឋាននគរបាលក្រុងប៉ោយប៉ែត បានបញ្ជាក់ថា ជនសង្ស័យខាងលើនោះ គឺពិតជាបន្លំខ្លួនជាសង្ឃហើយមានបំណងចូលទៅក្នុងដីខុសច្បាប់មែន លោកអុំសុផលបានបន្តទៀតថា ក្រោយពីការឃាត់ខ្លួនជនខាងលើនោះបានហើយ កម្លាំងជំនាញរបស់អធិការដ្ឋាន កំពុងរៀបចំ សុំណុំរឿងជន៤នាក់ខាងលើនោះ ទៅស្នងការនគរបាលខេត្តបន្ទាយមានជ័យ ចាត់ការបន្តតាមនិតិវិធីច្បាប់ រឺឯវុត្ថុតាងជាស្បង់ជីវរនិងហង្សសាក់ ត្រូវបានបក្សពួករបស់លោកក្លែងក្លាយខាងលើនោះ យកទៅលាក់បាត់ហើយ ខនះពេលនេះសមត្ថកិច្ចកំពុងតែស្រាវជ្រាវយកវុត្ថុតាងខាងលើនោះ មករក្សាទុកនាពេលដ៏ខ្លីខាងមុខនេះ ៕ដោយពៅរី
